ஆடுகளம்

புதிய எதிரிகள்

2011-12-25T10:08:00.000+04:00

9-மார்ச் '98... முதன் முதலாக நான் கிரிக்கெட் மைதானம் சென்று சர்வதேச போட்டி ஒன்றை பார்த்தது அன்றுதான். அது ஆஸ்திரேலியா இந்தியா வந்திருந்த போது சென்னையில் நடந்த முதல் டெஸ்ட் போட்டி. மார்க் டெய்லர் தலைமையில் மெக்ராத் இல்லாத அணி இந்தியா வந்தது. ஷேன் வார்னே மற்றும் சச்சின் உச்சத்தில் இருந்த காலம். இருவைரையும் மையப் படுத்தியே அத்தொடர் பேசப்பட்டது. அடுத்த பத்தாண்டுக்கான புதிய cricket-rivalry-க்கு வித்திட்டதும் அத்தொடர்தான் என்பதும் என் எண்ணம்.

நான் சென்றிருந்த அன்று (நான்காவது நாள்) சித்துவும், சச்சினும் ஷேன் வார்னேக்கு இந்தியா ஆடுகளங்கள் பற்றி படம் வரைந்து பாகம் குறித்து விளக்கினார்கள். ஷேன் வார்னே ஒவ்வொரு ஓவரும் வீசிவிட்டு பவுண்டரி பக்கம் ஃபீல்டிங் செய்ய வரும்போதெல்லாம் சத்தம் போட்டு நாங்கள் கேலி செய்வோம். அதற்கு அவர் சிரித்து கொண்டே நமது ஊர் முறைப்படி சிறிது குனிந்து கயெடுத்து கும்பிட்டு காட்டுவார். எங்களுடன் அமர்ந்து கிரிக்கெட் பார்த்த ஒரு ஆஸி தம்பதிகள் கடைசியில்(வேறு வழியில்லாமல்) எங்களுடன் சேர்ந்து குத்தாட்டம் போட்டனர். இப்படியும் சொல்லலாம்... அதாவது அன்றைய சச்சின் மற்றும் சித்துவின் ஆட்டம் ஆஸ்திரேலியர்களுக்கு கும்பிடவும் குத்தாட்டம் போடவும் கற்று கொடுத்ததென்று. மொத்தத்தில் அன்று முதன் முதலாக மைதானத்தில் கிரிக்கெட் பார்த்தது மறக்க முடியாத அனுபவம். அந்த போட்டியில் சச்சின் நூறு மற்றும் சித்து & அசார் ஆட்டத்தால் இந்தியா அபார வெற்றி பெற்றது. அடுத்த போட்டியில் அசாரின் அற்புத சதத்தால் வெற்றி பெற்று இந்தியா தொடரை வென்றது.

அது.... இந்தியா- பாக் ஆட்டங்கள் அரசியல் சிக்கல்காளால் மங்கி போயிருந்த காலம். ஆஸி-இங்கிலாந்து போட்டிகள் ஆஸ்திரேலியாவின் மிகுந்த ஆளுமையாலும் இங்கிலாந்து அணியின் வீழ்ச்சியாலும் சோர்வுற்றிருந்த காலம். cricket-rivalry குறைந்திருந்த காலம். அப்படிபட்ட நேரத்தில் தான் வார்னே-சச்சின் tag-உடன் இந்த புதிய ரைவல்ரி தொடங்கியது.

இந்த புதிய பகைமை வளர உதவியது அடுத்த இரண்டு ஆண்டுகளில் நடந்த தலைமை மாற்றங்கள் தான் . Aggressive ஆளுமை கொண்ட இருவர் இரு அணிகளுக்கும் தலைவர்களாயினர். கங்குலியும் ஸ்டீவ் வாக்கும் கேப்டானாயினர். இருவருமே எனக்கு பிடித்த வீரர்கள். இருவரின் வீம்பு கலந்த வெறித்தனம் இரு அணிகளுக்குள்ளேயும் கிரிக்கெட் - பகைமையை பெட்ரோல் ஊற்றி வளர்த்தது. இந்திய-பாக், ஆஷஸ் போட்டிகளை விட மிகவும் விறுவிறுப்பாக இரு அணிகளும் மோதும் போட்டிகள் இருந்தன. ஒரு பக்க ஆட்டங்களாகவோ/தொடராகவோ இல்லாமல் மாறி மாறி இரு அணிகளும் வெற்றி பெற்றன.

இந்தியாவின் கடந்த மூன்று ஆஸ்திரேலியா சுற்றுப்பயண தொடர்களில், முன்னெப்போதுமில்லாத அளவில் இந்தியாவின் ஆட்டங்கள் முன்னேறி இருந்தது. அதுபோல ஆஸ்திரேலியாவும் முப்பது வருடங்களுக்கு பிறகு இந்தியாவில் தொடரை வென்றது(Final frontier).

இந்த கால கட்டங்களில், நடந்த காண்ட்ரோவர்சிகளுக்கும் பஞ்சமில்லை. கங்குலி-வாக் டாஸ் பிரச்சனை, பக்னரின் சொதப்பல் தீர்ப்புகள், பாஜி-சைமண்ட்ஸ் வசவுகள்... எல்லாம் சுவராஷ்யங்களை கூட்டின.

இந்த தொடரையும் நான் ஆவலுடன் எதிர்பார்த்து காதிருக்கிறேன். தொடரை வெல்ல முன்னெப்போதும் இல்லாத வாய்ப்பு இந்தியாவுக்கு இருப்பதாக தெரிகிறது. கண்டவர்களும் எளிதில் ஆஸ்திரேலியாவை வென்று வருகிறார்கள். ஆனால்... எதிரிக்கேற்ப ஆடுவதுதான் இந்தியாவின் தனித்தன்மையே. பலமில்லாத ஆஸ்திரேலிவுடன் இவர்களும் அவர்கள் நிலைக்கு இறங்கி வந்து சொதப்பிவிட்டால்??? அடிபட்டு வெறியுடன் தனது ஆளுமையை மீட்டெடுக்க ஒரு கிழட்டு ஆஸி சிங்கம் வேட்டைக்கு காத்திருக்கிறது.

பார்க்கலாம்... ஆஸ்திரேலியா தனது பலத்தை மீண்டும் பெற்று ஒரு புதிய அத்தியாத்தை தொடங்குமா? ஆஸ்திரேலிய மண்ணில் தனது முதல் தொடர் வெற்றியை இந்தியா பெறுமா?

ஆஸ்திரேலியப் போர்

2011-12-24T16:05:00.003+04:00

இந்திய அணி எப்போது ஆஸ்திரேலியா சென்றாலும் அப்போது ஏதேனும் வாய்ச்சவடால்கள் நடக்கும். அதற்குத் தக்க பதிலடியும் நம் மக்கள் தருவார்கள். ஆனால் பேட்டிகளின் வாய்ச்சவடால்கள் போட்டிகளில் எதிரொலிக்கும்போது நமது அணியினர் தோற்றுவிட்டு வருவார்கள்.

ஆஸ்திரேலிய அணியினர் இந்த வாய்ச்சவடால்களை விடும்போதெல்லாம் அவர்களுக்கு பக்க பலமாக ஷான் வார்ன், மெக் க்ராத் என்ற நட்சத்திரங்கும், ஸ்டீவ் வாக் என்ற விண்வெளி மண்டலமும் உடன் இருக்கும். அதற்கேற்ப எல்லாம் நடந்தது.

ஆனால் இன்று... ??

க்ளார்க் என்ற குமாஸ்தா பழங்கால குமாஸ்தாக்களைப் போல, காலையில் எழும்பி, குளித்து அலுவலகம் சென்று பெஞ்சைத் தேய்த்து, இரவு உண்டு உறங்கி வாழ்ந்ததைப் போலவே வாழ்கிறாரோ என்றே தோன்றுகிறது.

அவரிடம் துடிப்பான தலைமைப் பண்பை ஒரு சில போட்டிகள் தவிர்த்து பெரும்பாலும் பார்த்ததில்லை.

பிராட் ஹாட்டின் - அணியின் துணைத் தலைவர்... டெஸ்ட் போட்டிகளில் 2000ம் ரன்களும் ஒருநாள் போட்டிகளில் 2500 ரன்களும் எடுத்திருந்தாலும் 34 வயதைக் கடந்து வீறுநடை போடுகிறார். கில்கிறிஸ்ட் இடத்தில் ப்ராட் ஹாட்டினை நினைத்துப் பார்த்தால் சிரிப்பு வருவதைத் தவிர்க்க முடிவதில்லை.

மைக்கேல் ஹஸ்ஸி - கொஞ்சம் பயப்பட வேண்டிய ஆள். சொன்னா மாதிரி இவரு நின்னு காட்டினாரு...

டேவிட் வார்னர் - அதிரடி சரவெடி. இந்திய அணியில் சேவாக் போல...இவரை ஆட்டமிழக்கச் செய்தாலே டெஸ்ட் போட்டி ஸ்டேட்டஸ் வந்துவிடும். அது 20-20ஆக இருந்தாலும் கூட :)

கடைசியாக ஆருயிர் அண்ணன் - ஜாகிர்கானின் அன்பு நண்பர். பேர் சொல்ல வேண்டிய அவசியமே இல்ல. :) இந்த ஆளும் ரெண்டு இன்னிங்க்ஸிலும் 60 ரன் எடுத்தாரு...

இவரு ஏன் ஆஸ்திரேலிய அணியில ஆடணும்னு ஆஸ்திரேலிய பத்திரிக்கைகளே பேசினப்போ நம்ம தங்கத் தலைவர் ட்ராவிட் தான் இவரு ஆடியே தீரணும்னு சப்போர்ட் பண்ணி இருக்கார். இதில பெரிய விசயம் என்னன்னா ட்ராவிட் மாதிரி ஸ்டைலிஷ் ஷாட் செலக்சன் வச்சிருந்தாலும் பாண்டிங்க் கிட்ட பிடிக்காத விசயம் மண்டைக்கனம்.

இப்படில்லாம் முதல் போட்டிக்கு முன்ன எழுதி வச்சிருந்தேன். ஆனா செமையா ஆப்படிச்சாங்க... நம்ம பேட்ஸ்மென்கள்...

இன்னும் சிலர் ஆஸ்திரேலிய அணிக்காக ஆடுறாங்க. அவங்க யாருன்னு பேரைக் கூட முழுசா கேள்விப்பட்டதில்ல..

இவங்க மட்டும் தான் ஆஸ்திரேலிய அணிக்காக ஆடுறாங்கன்னு நினைச்சா அது ரொம்ப தப்பு.

எங்க அண்ணன் சச்சின் டெண்டுல்கர் கூட ஆஸ்திரேலிய அணிக்காகத்தான் ஆடுவார். அதே மாதிரி இப்பல்லாம் தோனி டீம்ல என்ன செய்றாருன்னே அவருக்குத் தெரியல... கோட்ச் மாதிரி டைரக்ட் பண்றதுக்கு எதுக்கு ஒரு விக்கட் கீப்பர்/பேட்ஸ்மென் ஸ்லாட்டு வேஸ்டாகுதுன்னு கேள்வி எழாமல் இல்லை. அடுத்த போட்டிலயாவது ஜெயிச்சி மானத்தைக் காப்பாத்துங்க மக்கா....

நடக்கும் என்பார்...

2011-12-24T08:27:00.000+04:00

ரெண்டுஅணி வீரர்கள் பட்டியலும் அறிவிச்சாச்சு. கபில் தேவ், இயன் சேப்பல் முதற்கொண்டு இரு நாட்டு ”முன்னாள்”களும் இந்தியாவுக்கு இந்த முறை தொடரைவெல்ல நல்ல வாய்ப்பிருப்பதாக சொல்லியாச்சு. ஆரம்பிக்குது இந்தியா-ஆஸ்திரேலியாடெஸ்ட் தொடர் 26ம்தேதி எப்போதும் உள்ள பரபரப்புடன், யூகங்களுடனும்,தொடருக்கு முந்தையவாய்ச்சவடால்களுடனும். இந்திய அணி வலுவாக இருப்பதாக பரவலாக பேச ஆரம்பிச்சாச்சு.நாம எப்பவுமே கண்ணாடியப் பாத்து முகத்த துடைச்சிக்கிறது கிடையாது. அடுத்தவன்கிட்டமச்சி! மூஞ்சில ஒட்டியிருந்த தூசி போயிருச்சான்னு கேட்கிற ஆளுங்க. நாம பலமாஇருக்கோமோ இல்லையோ ஆஸி பலமா இல்ல. அப்போ நமக்கு வாய்ப்பு பிரகாசமாத்தான்இருக்குன்னு சொல்லணும். கடந்து மூணு நாலு வருஷமா பாடிட்டு வர்ற அதே பல்லவிதான்னாலும் இந்த முறை கொஞ்சம் கோரஸ் கூடியிருக்கு. அப்படி இந்தியாவுக்குவாய்ப்பிருக்கா? இல்லைஆஸி அணி பலம் நமக்கு புரியலையா? கொஞ்சமாஅலசுவோம்.

ஆச்சு!ராகுல் டிராவிட் ப்ராட்மேன் விழாவுல பேசியாச்சு. (http://www.espncricinfo.com/ci/content/story/545355.html).ஆஸி இந்திய அணிரெண்டு சகோதர அணிகள்... எங்களுக்குள்ள சண்டையில்ல நாங்க சமாதானமா போறோம்னுபப்ளிக்கா பச்சைக்கொடி (வெள்ளைக்கொடி) காட்டிட்டாரு டிராவிட். அதுக்கும் முன்னாடிஒரு பேட்டியில, பாண்டிங்கிடம்இன்னும் கிரிக்கெட் பாக்கி இருக்கு, ஆனா அவரு இந்தியாவுக்கு எதிரா விளையாடாம அதக்கப்புறம்விளையாடணும்னு நான் ஆசைப்படறேன்னு ஒரு பயம் கலந்த பகடி. கபில் தேவ் சொல்றாருபாண்டிங்கை கவனிச்சிகிட்டா இந்தியா செயிச்சிரலாம்னு. ஆக ஜெயிச்சிரலாம்னு வாய்சொன்னாலும் கண்ணுல நிம்மதி இல்ல, கால்ஆட ஆரம்பிச்சிருச்சு. ஏம்ப்பா இதே எதிர்த்து விளையாடற அணி பர்முடாவா இருந்தாசேவாக் எப்படி ஒரு ஆட்டத்துல இருநூறு அடிப்பாப்புலனு சொல்வோமா மாட்டோமா? எங்க போச்சு அந்த தைரியம்.. அந்தநம்பிக்கை? ஏனாநாம அவ்வளவு தெளிவு கிடையாது. இங்கிலாந்துல வாங்கின அடியோட வீக்கம் குறைஞ்சிடுச்சு,ஆனா அடிவாங்கின இடம்கருத்துப்போயி இருக்கே இன்னும். அதுக்கும் மேல இன்னும் ஆஸி மேல பயம் இருக்கு.க்ளார்க் இருக்கான், பாண்டிங்இருக்க்கான், ஹஸ்ஸிஇருக்கான், இதுபோதாதுன்னு பயபுள்ளக இன்னும் மூணு நாலு புது ஆட்கள கூட்டிட்டு வந்திருக்காங்க.புதுசுங்க என்ன செய்யும்னு சொல்லவே முடியாது. மூணு புது பவுலர்கள்னா சச்சின் மூணுமாட்ச் காலி அப்படின்னு இப்போவே கணக்கு போட ஆரம்பிக்கிறோம். அப்போ இந்தியாவுக்குதொடரை வெல்ல வாய்ப்பு அதிகம் இருக்குன்னு ஏன் சொல்லணும்? ஆங் அங்க தான் நாம சாணக்கியர்கள்னுநிரூபிக்கிறோம். டேய் இந்த பாரு... நீ பேசுவேன்னு எனக்கு தெரியும்... உனக்கு வாய்நீளம்... ஆனா நாங்களும் இப்போ பேச ஆரம்பிச்சிட்டோம்... அதனால அடக்கி வாசி...அப்படின்னு மறைமுக அறைகூவல் இது.

சமீபகாலமா ஆஸி அணில சில முக்கிய மாற்றங்கள் நடந்திட்டிருக்கு. பாண்டிங், ஹஸ்ஸி ரெண்டு பேருக்கும் எதிரா அதிகமாசத்தம் கேட்க ஆரம்பிச்சிருக்கு. பாண்டிங் கொஞ்சம் சுதாரிச்சிட்டாரு ஆனா ஹஸ்ஸியோடமூட் என்னான்னு இன்னும் தெரியல. ஆனா இவங்க ரெண்டு பேரும் இந்தியாவுக்கு இந்ததொடர்ல முக்கிய சவாலா இருக்கப்போறாங்கங்கிறது மட்டும் உறுதி. அந்தக் கட்டத்துக்குஅவங்களோட சமீப கால ஃபார்மும், இந்தியஅணிக்கெதிரான அவர்களோட அனுபவமும் பெரிய காரணம். இத கணக்குல வச்சுத்தான் கபில்தேவ்வும், டிராவிட்டும்கவனமா எதுக்கும் பாண்டிங் மேல ஒரு கண் இருக்கட்டும்னு ஆரம்பத்திலேயே ஒரு ”க்”னாவ வச்சிட்டாங்க. அது சரி விஷயம்தெரிஞ்சவன் கவனமா இருப்பான்.

புதுசாமிச்சல் ஸ்டார்க், ஜேம்ஸ்பாட்டின்ஸன், கோவன்,நேத்தன் லையான்னு ஒருபட்டாளம் வந்திருக்கு (முதல் டெஸ்ட் அணி). இவங்கள்ல்லாம் யாரு, எப்படி, எவனவன் ஆல்-இன்-ஆல் அழகுராஜா என்பதுபோன்ற விவரங்கள இப்போ நம்மால சொல்ல முடியாது. ஸ்டார்க், பாட்டின்ஸன் பவுலர்கள், லையான் சுமாரா பேட்டிங் பிடிப்பாரு,கோவன் ஓப்பனர்னுசொல்லலாம். ஆனா பாருங்க மிச்சல் ஜான்சன்கிட்ட ரெண்டு மாட்ச் அடிவாங்கின ஆட்கள்தான் நாம். (அப்பாடா அந்தப்பய இப்போ இல்ல! சந்தோசம்!!) அதனால புதுசுங்கள பத்திஇந்தியா சார்புல ஒண்ணும் சொல்றதுக்கில்ல. நிச்சயமா சொல்லலாம்னா, சச்சின் புது ஆளுங்க கிட்ட தன்னோடவிக்கெட்ட பறிகொடுப்பாருன்னு உறுதியா சொல்லலாம். அதுல இந்த பாட்டின்ஸன் கிலிகிளப்புற பயலாத்தான் இருக்கான். ரெண்டு மாட்ச்ல பதினாலு விக்கெட் எடுத்திருக்கான்.21 வயசு தான் ஆகுது...சின்னப் பய... இளங்கன்று பயமறியாது சரி... ஆனா கொம்பு முளைக்க முன்னாடியே முட்டவருதே? கவனமா இருக்கணும்!

அப்புறம்மட்டை நாயகர்கள்... டேவிட் வார்னர்... இன்னிக்கு தேதியில சேவாக் ரஜினிகாந்துனா,இவரு ஜாக்கி சான்.சேவாக் மாதிரியே தான் இவரும். அடிச்சா தரைல கால் படாம சும்மா சுத்தி சுத்திஅடிப்பாரு... ப்ராட் ஹட்டின், நிதானம்இல்லாம இன்னும் விளையாடிட்டிருக்கிற ஒரு ஆளு. ஆனா அப்பப்போ திறமையா ரன்சேர்த்திருக்காரு. அப்புறமா க்ளார்க். கேப்டன்ங்கிற பளுவோட சுத்திட்டிருக்கிறமனுசன். இன்னும் தன்னால பவுலிங் போட்டு விக்கெட் எடுக்க முடியும்னு நம்புறஅளவுக்கு இந்தியா இவருக்கு விக்கெட்டுக்களை முக்கியமான சமயங்கள்ல வாரிவழங்கியிருக்கு. இவரும் ரன் தாகத்துல இருக்கார். ரிக்கி பாண்டிங்! ஏற்கனவே கொஞ்சமாபார்த்துட்டோம் ஆனாலும் இவரு இன்னும் பயம் காட்டிட்டுத்தான் இருக்காரு. அடிலெய்ட்லஒரு சதம் நிச்சயம்னு பட்சி சொல்லுது. சிட்னில இன்னொன்னு அடிச்சாருன்னா இந்தியாவோடதொடர் கனவு இல்லாமல் போக சாத்தியக்கூறுகள் அதிகம். அப்புறம் ஹஸ்ஸி, ஷான் மார்ஷ். இருவரும் அணியில இடத்ததக்க வைக்க போறாடிட்டு இருக்காங்க. அது பயமா இருக்கா இல்ல பக்குவமா இருக்கான்னுசொல்ல முடியாது. ஆனா ஹஸ்ஸி இந்தியாவுக்கு பெரிய தலைவலியைத் தரலாம்.

பவுலிங்கில்பீட்டர் சிடில், ஹில்ஃபென்ஹாஸ்இருவரும் பழைய முகங்கள். ஹில்ஃபென்ஹாஸ் சிட்னியில் அதிர்ச்சியைத் தரலாம்.மற்றவர்கள் புது முகங்கள். பாட்டின்ஸன் எப்படியும் நான்கு (டெஸ்ட்) மேட்ச்சிலும்விளையாடுவார் எனத் தெரிகிறது. எப்படியும் ஒரு பத்து விக்கெட் எடுப்பது உறுதி.

இவ்வளவுதான் ஆஸி அணியிடம் இருக்கும் விஷயம். மற்றபடி சொல்லிக்கொள்ளும் அளவிற்குஒன்றுமில்லை.

**********************

- கணேஷ்

மேற்கிந்திய தீவுகளின் எமன்

2011-11-27T17:04:00.001+04:00

1986ம் ஆண்டு இறுதிகளில் சென்னையில் ஏதோவொரு மூலையில் அவதரித்தவனுக்கு, திருமணம் செய்யக்கூட அவகாசம் கிடைக்காத அளவுக்கு இந்திய அணிக்காக டெஸ்ட் கிரிக்கெட் ஆடப்போவேன் என்ற நம்பிக்கை நிச்சயம் இருந்திருக்காது.

ஆனால் அது நிகழ்ந்திருக்கிறது. அதை நிகழ்த்திக்காட்டி நம்முன் நிற்கிறான் ரவிச்சந்திரன் அஷ்வின்.

வெற்றி என்பது ஒரு இரவில் நிகழ்வதில்லை. காத்திருப்புகளும், அவமானங்களும், விடாமுயற்சியும், கடின உழைப்பும் மட்டுமே வெற்றிக்கனியை பெற்றுத்தரும்.

14 வயதிற்குட்பட்டோருக்கான தமிழக அணியில் விளையாடிய அஷ்வின் தன் இலக்கு கிரிக்கெட் தான் என நிர்ணயித்த பின் அவர் தீவிரமாக பயிற்சிகளில் ஈடுபட ஆரம்பித்தார்.

டிசம்பர் 9, 2006ம் ஆண்டு தன் 20ம் வயதில் முதல் தர கிரிக்கெட் ஆட தமிழக அணிக்காக களமிறங்கிய அஷ்வினுக்கு முதல் இன்னிங்க்ஸில் 4 விக்கட்களும் அடுத்த இன்னிங்க்ஸில் 2 விக்கெட்களும் கிடைக்க ஆட்டம் ஆரம்பமானது.

கிடுகிடுவென முன்னேற ஆரம்பித்த அஷ்வின் முதல்தர கிரிக்கெட்டில் 13 முறை 5 விக்கட்களையும் அதற்கு மேலும் வீழ்த்தி இருக்கிறார். அதாவது 37 போட்டிகளில், 63 இன்னிங்க்ஸ்களில் 13 முறை என்பது கிட்டத்தட்ட 21%.

அதாவது ஒவ்வொரு 5 இன்னிங்க்ஸ்களிலும் 5 விக்கட்களோ அதற்கு மேலோ வீழ்த்தி இருக்கிறார் என்பதை நாம் மெச்சித்தான் ஆகவேண்டும்.

முதல் தர போட்டிகள், லிஸ்ட் ஏ போட்டிகள் என ஆடிக்கொண்டிருந்த அஷ்வினுக்கு அதிர்ஷ்ட தேவதையின் காற்று அடிக்கத் தொடங்கியது ஐபிஎல் ரூபத்தில்.

ஐபிஎல் என்ற அதிதீவிர வியாபார நோக்கிலான போட்டிகளில் பணம் மட்டும் விளையாடவில்லை. அஷ்வினும் விளையாடினார். ஐபிஎல் போட்டிகளின் மூலம் கண்டெடுக்கப்பட்ட வீரர்களில் முக்கியமானவர் அஷ்வின் என்று சொல்லலாம்.

ஐபிஎல் போட்டிகளில் பந்துவீச்சில் ஆட்டத்தைத் துவக்குவதாகட்டும், ஆஃப் ப்ரேக் என்ற வகைப் பந்துகளை சிறப்பான முறையில் உபயோகிப்பதிலாகட்டும், இறுதி நேரங்களில் ஓட்டங்களைக் கட்டுப்படுத்துவதிலாகட்டும், அஷ்வின் விரைவாக உச்சங்களைத் தொட ஆரம்பித்தார்.

2010ம் ஆண்டு தென்னாப்ரிக்காவில் நடந்த சாம்பியன்ஸ் லீக் அஷ்வினுக்கு மற்றுமொரு உச்சத்தை வழங்கியது. அதில் தொடர்நாயகனாக தேர்ந்தெடுக்கப்பட்ட அஷ்வின், வேகப்பந்துவீச்சுக்கு சாதகமான களங்களில் தன் சுழல் பந்துகளில் எதிரி ஆட்டக்காரர்களைச் சிக்க வைத்து, டொர்னாடோ புயலாக வலம் வரும் அஷ்வினுக்குக் கிடைத்த எதிர்பாராத அதிர்ஷ்டம் இந்திய அணியில் இடம்.

ஒருநாள் போட்டிகளுக்கு முன்னதாக 20-20 போட்டிகளுக்கான இந்திய அணியில் இடம் பிடித்தாலும், அணியில் நிரந்தர இடம் என்பது எப்போதும் கேள்விக்குறியாகியே நின்றது.

2011க்கான உலகக் கோப்பைக்கான அணியில் தேர்ந்தெடுக்கப்பட்டாலும் ஹர்பஜன் சிங்கின் மூலமாக விதி விளையாடியது. எப்போதாவது ஓய்வு வேண்டுமென்றால் மட்டும் விளையாட பணிக்கப்பட்ட அஷ்வினுக்கு வாய்ப்புகளை தக்க வைக்கப் பழக்கமிருந்தபடியால், விரைவிலேயே ஒருநாள் போட்டிக்கான அணியில் நிரந்தர இடம் பெற்றார்.

டெஸ்ட் போட்டிக்கான அணிக்கு கடினமான போட்டி இருந்த போதிலும், தனக்குக் கிடைத்த வாய்ப்பைப் பயன்படுத்தி 9 விக்கட்களை முதல் போட்டியிலேயே வீழ்த்தி ஆட்ட நாயகன் விருதையும் தட்டிச் சென்றார்.

இந்திய அணியில் தான் கலந்துகொண்ட முதல் போட்டியில் அதிக விக்கட்கள் வீழ்த்தியவர்களில் இரண்டாம் இடமும் பெற்றார் அஷ்வின்.

திருமணம் என்பது எத்தனை முக்கியமான ஒரு வைபவம் ஒவ்வொருவருக்கும். அந்தத் திருமணத்தையே அவசரம் அவசரமாக நடத்திக்கொண்டு அணிக்காக ஓடிய தமிழ் மகன் அஷ்வினை எத்தனை பாராட்டினாலும் தகும்.

சமீபத்தில் நடந்து முடிந்த போட்டியில் தனக்கு பேட்டிங்கும் தெரியும் என நிரூபித்தார் அஷ்வின்.... 100 ஓட்டங்கள் எடுக்க இயலாமல் சச்சின் அவுட்டாக அதே இன்னிங்க்ஸில் 103 ஓட்டங்கள் எடுத்தார் அஷ்வின்.

சச்சினுடன் அஷ்வினை ஒப்பிடுவது என்பது கூடாது என்றாலும் அந்த 100 ஓட்டங்களின் மூலம் நாம் மேற்கிந்திய அணிக்கெதிரான ஓட்ட வித்தியாசங்களைப் பெருமளவில் குறைக்க முடிந்தது என்றால் மிகையல்ல.

மொத்தமாக இந்த மேற்கிந்தியத் தீவுகளுக்கெதிரான தொடர் தான் அஷ்வினுக்கு நான் இந்த தலைப்பைக் கொடுக்க காரணமானது.

மூன்று போட்டிகள் விளையாடி, அதில் இரண்டில் ஆட்டநாயகனாகத் தேர்வாகி, தொடர்நாயகனாகவும் வென்ற அஷ்வினுக்கு மனமார்ந்த பாராட்டுகள்.

ஆஸ்திரேலியாவுக்கெதிரான அணியிலும் அஷ்வின் இடம்பெற்றிருக்கிறார். அங்கே தொடரில் சிறப்பாக விளையாட வேண்டும். அது வேகப்பந்துவீச்சுக்கு சாதகமான களம் என்றெல்லாம் சொல்ல முடியாது. அங்கிருந்து உலகை வீழ்த்தியவர் தான் ஷேன் வார்னே.

இதே போன்ற விடாமுயற்சியும், வெற்றியை ருசிபார்க்கும் வெறியும் இருந்தால் அஷ்வின் இன்னும் சிறப்பான பங்களிப்பை இந்திய அணிக்குத் தருவார் என நம்பலாம்.

வெல்டன் & ஆல் தி பெஸ்ட் அஷ்வின்.

இந்தியாவின் கனவு டெஸ்ட் அணி

2011-08-20T10:41:00.000+04:00

மக்கா... எல்லாரும் நல்லா இருக்கீங்களா??

ரொம்ப நாள் ஆச்சு.. ஏதாச்சும் நாரதர் கலகம் பண்ணி.

இப்ப எனக்குப் பிடிச்ச இந்திய டெஸ்டின் கனவு அணியைச் சொல்லப் போறேன்.

இதுல ஒவ்வொருத்தர் ஆட்டமும் பெஸ்ட்னு சொல்ல முடியாட்டியும் அவங்க இருந்தா இன்னைக்கு இங்கிலாந்தில் போராடும் மக்களுக்கு உதவியா இருந்திருக்கும்.

என்னோட கனவு அணி:

சுனில் கவாஸ்கர் & வீரேந்தர் சேவக் - ஓபனிங்

சேவக் அக்ரசன் ஆப்போசிட் டீமுக்கு எப்பவும் பயம் தரும். கவாஸ்கரை நம்பி பெட் கட்டலாம்... இந்த பாலை அடிக்க மாட்டாருன்னு.. அந்த ஸ்டபிலிட்டி நம்ம ஓபனிங் காம்பினேசன்ல யாரும் இன்னும் தரல. ஒரே மேட்ச்ல கம்பீர் அந்த எபிலிட்டிய காட்டினார். நியூசிலாந்து மேட்ச்... அது மாதிரி இன்னும் இன்னொரு பெர்ஃபார்மன்ஸ் தரல...

ராகுல் ட்ராவிட் - ஒன் டவுன்

மனுசன் ராட்சசன்... க்ரைண்டிங் த ஆப்போசிசன்னு சொன்னா அண்ணன் தான்.

விவிஎஸ் லக்‌ஷ்மண் - செகண்ட் டவுன்

இந்த ஆளையும் ட்ராவிட்டையும் நம்பி அடுத்து இறங்க வேண்டிய ஆள் ரெஸ்ட் ரூம்ல தூங்கலாம்.. ஆனா விவிஎஸ் லக்‌ஷ்மனுக்கு முக்கியமான பிரச்சினை, ஹி நீட்ஸ் ப்ரஷ்ஷர்..

குண்டப்பா விஸ்வநாத் - அடுத்த டவுன்

அருமையான ப்ளேயர்... அழகா, எலிகண்டா ஸ்ட்ரோக் ஆடுவார்.

திலிப் வெங்சர்க்கார் (அ) மொஹிந்தர் அமர்நாத்

சூப்பரான ப்ளேயர். கன்சிஸ்டண்டா ஆடுவார்

கபில்தேவ் (கேப்டன்) - அருமையான ஆல்ரவுண்டர் என்பதே இந்த பொசிசனுக்கு போதும். கேப்டன் பதவி கொடுத்ததுக்கு முக்கிய காரணம் மனுசன் ஒன்னுக்கும் ஒதவாத டீமையே வேர்ல்டு கப் வரை கொண்டு போனவர்.

கிர்மானி - விக்கட் கீப்பர் - யாராவது இதை அப்போஸ் பண்ணீங்கன்னு வச்சுக்கங்க... கொன்னுட்டேன் உங்களை..

ஜாகிர்கான் & கும்ப்ளே - ரெண்டு விக்கட் டேக்கிங் மீடியம் ஃபாஸ்ட் பவுலர்ஸ் :)))

ஹர்பஜனைப் பவுலரா போடலாம்னா பயமா இருக்கு...

பிஷன் சிங் பேடி - இவரை கடைசி ஆளா போடலாம். 266 விக்கட் எடுத்திருக்காப்புல...

ட்வெல்த் மேனா வேணும்னா சச்சினை சேர்த்துக்கலாம்.

இந்தியாவின் எழுச்சி

2011-08-10T14:02:00.002+04:00

இங்கிலாந்து அணிக்கெதிரான டெஸ்ட் தொடரில் இந்தியா முதல் இரண்டு டெஸ்ட்டுகளை இழந்திருக்கிறது. 10ம் தேதி நடந்த மூன்றாம் டெஸ்ட்டில் இந்தியா இங்கிலாந்தை 1 இன்னிங்க்ஸ் மற்றும் 245 ரன்கள் வித்தியாசத்தில் வென்று சரித்திரம் படைத்தது.

இந்தியாவின் எழுச்சிக்கான மூல காரணமாக வீரேந்தர் சேவாக்கும் கவுதம் கம்பீரும் அமைந்தனர். முதலில் பேட் செய்த இங்கிலாந்து, அமித் மிஸ்ரா மற்றும் ப்ரவீன் குமாரின் சிறப்பான பந்துவீச்சால் 80 ரன்களுக்கு சுருண்டது. அடுத்து ஆடிய இந்தியா 630 ரன்கள் எடுத்து டிக்ளேர் செய்தது. இதில் சேவாக் 323 ரன்களும், கம்பீர் 227 ரன்களும், டிராவிட்டின் 56 ரன்களும் அடக்கம். சுரேஷ் ரெய்னா உள்ளிட்டோர் பேட் செய்யவே இல்லை.

தொடர்ந்து ஆடிய இங்கிலாந்து தனது அனைத்து விக்கட்டுகளையும் 305 ரன்களுக்கு இழந்தது.

இந்தியாவின் இந்த வெற்றியை இந்தியா சுதந்திர தினத்துக்கு சமர்ப்பிப்பதாக அணியின் கேப்டன் தோனி கூறினார்.

ஆட்டநாயகனாக சேவாக் தேர்ந்தெடுக்கப்பட்டார்.

இந்த அணிகள் மோதும் அடுத்த ஆட்டம் ஆகஸ்ட் 18 லண்டனில் நடப்பதாக இருக்கிறது. ஆனால் இந்திய அணியின் இந்த அபார வெற்றி ஆங்கிலேயர்களைக் கொதிப்படைய வைத்துள்ளதால் லண்டனில் மாபெரும் கலவரம் நடப்பதாக அங்கிருந்து வரும் செய்திகள் தெரிவிக்கின்றன.

செய்திகளை உடனுக்குடன் தெரிந்துகொள்ள - உடான்ஸ் டிவியைப் பாருங்கள்.

கெய்ல், தோனி மற்றும் ஐபிஎல்

2011-05-30T12:59:00.000+04:00

ஒரு ஆள் தனியா நின்னு ஒரு டீமோட தலையெழுத்த மாத்த முடியுமா? முடியும் என்பதற்கு இந்த ஐபிஎல் உதாரணம். அந்த ஒரு ஆள் கிரிஸ் கெய்ல். டீம் பெங்களூரு. கிரிக்கெட் ஒரு டீம் கேம். சில ஆட்டங்களின் வெற்றிகளை ஒரு தனி நபர் தீர்மானித்தாலும், தனி நபர் வெற்றி, அணியின் வெற்றியாக எல்லா நிகழ்வுகளிலும் சாத்தியமில்லை என்பதற்கும் இந்த ஐபிஎல் நல்ல உதாரணம். நல்ல டீமென்று ஆரம்பம் முதலே பாராட்டப்பட்ட சென்னை கோப்பையை வென்றிருக்கிறது. இறுதி போட்டியிலும் கெய்ல் விளையாடி பெங்களூருக்கு வெற்றி தேடித்தந்திருந்தால் இந்த ஐபிஎல்லை கெய்லின் ஐபிஎல்லென்றே சொல்லியிருக்கலாம். அது நடக்கவில்லை.

தனி நபருக்கென்று வழங்கப்படும் எந்த விருதும், தொடரில் தனி நபர் சாதனை என எதுவும் சென்னை அணியிடம் இல்லை. குழு விருதான, ஃபேர் ப்ளே விருதை வாங்கியிருக்கிறார்கள். கிரிக்கெட் டீம் கேம் என்றும். தோனி டீம் மேன் என்றும் தொடர்ந்து நிறுவப்பட்டு வருகிறது. வெற்றி பெற்ற பின்பு புகழ்வது எளிதான காரியம். பல நேரங்களில் ஒரிரு வெற்றிகளிலேயே இந்தப் வெற்றிகளும் புகழாரங்களும் நின்று விடுவதும் உண்டு. ஆனால் அளப்பரிய வெற்றிகள் தொடர்ந்து கிடைக்கும் பொழுது, தோனி என்னும் பெயரை அவ்வளவு எளிதாக நம்மால் கடக்க முடியவில்லை. இந்தப் புகழும் போய்ச்சேரட்டும் தோனிக்கே. முடிந்தால் ஒரு விசில் போட்டு விட்டுப் போங்கள் கஷ்டப்பட்டு தமிழ் பேசறான்யா மனுஷன்.

வீரர்கள் ஏலத்தில், சென்னை முந்தைய ஐபிஎல்லில் அவர்களுக்காக விளையாடிய வீரர்களை ஓரளவிற்கு மறுபடியும் வாங்கிவிட்டனர். ஒரு வகையில் வீரர்கள் எல்லோரும் அவர்களுக்கான பொறுப்பை உணர்ந்திருந்தார்கள். அதிலிருந்து தெரிந்து கொள்ளலாம் அவர்கள் ஒரு அணியாக எவ்வாறு செயல்பட ஆரம்பித்தார்கள் என்று. இதில் தோனியின் பங்கு எவ்வளவென்று தெரியவில்லை. ஆனால் பழைய வீரர்களை ஒரு அணியாக அவர்கள் பார்த்ததே தோனியின் வெற்றியென்று தான் சொல்ல வேண்டும். அவர்களை அவர்களின் பொறுப்பை உணரச்செய்ததே தோனியின் வெற்றி.

சென்னை மீண்டும் ஐபிஎல்லை வென்றிருக்கிறது. இனி மற்ற அணிகளும் இந்தத் தேர்வு முறையை செயல்படுத்தலாம். குழுவாக இயங்க ஆரம்பிக்கலாம். வலுவான அணியாக செயல்படுவதற்கு முயலலாம். வெல்பவர்கள் செய்வதும் அதையே தான். மற்றவர்களைத் தன் போல் மாற்ற முயல்கிறார்கள். அதனாலேயே அவர்கள் அதிகம் வெற்றிபெறுகிறார்கள். சென்னையின் இந்த வெற்றியும், தோனியின் இந்த வெற்றியும், அடுத்த ஐபிஎல்லுக்கான சரியான ஒரு களத்தையும் எதிர்பார்ப்பையும் ஏற்படுத்தியிருக்கின்றன. பொறுத்திருந்து பார்ப்போம்!

சென்னையில் கோடை மழை

2011-05-25T13:25:00.000+04:00

உலகக் கோப்பை ஜெயிச்சதும், தொடர்ந்து ஐபிஎல் ஆரம்பிச்சதில எனக்கெல்லாம் உடன்பாடு இல்ல... அதும் இல்லாம சீரியல் மாதிரி மேட்ச நடந்துக்கிட்டே இருக்கவும் ரொம்ப போரடிச்சு மேட்ச் பாக்குறத விட்டுட்டேன்.

நேத்து முதல் இன்னிங்க்ஸ் கூட பார்க்கல... 176 ரன் அடிக்கணும் சென்னைன்னதும் சரிடாப்பா... அடுத்த மேட்ச் யாருகூட இருக்கும்னு கணக்கு போட்டிட்டு, கே டிவில படம் பார்த்திட்டு இருந்தேன்.

அப்பப்ப ஸ்கோர் மட்டும் பார்த்துட்டு இருக்கிறது...

ஹஸ்ஸி ரன் எடுக்காம அவுட். முரளி அவுட்சைட் த லைன் பிட்சான பால்ல எல்பின்னதும் மக்கா முடிஞ்சிடுச்சுடான்னு முடிவே பண்ணிட்டேன்.

அப்புறம் நம்ம அண்ணன் பத்ரிநாத் வந்ததும், ரவிசாஸ்திரி சொல்றாப்ல... மேன் ஃபார் ஆல் சீசன்னு... பத்ரி நல்லாத்தான் ஆடுறான்னாலும் அவன் சிக்ஸ் அடிக்க ட்ரை பண்ணா பால் இன்னர் சர்க்கிளைத் தாண்டி விழும். அத்தனை ஸ்ட்ரங்க்த் அவனுக்கு.... பரவாயில்லை... நேத்து நல்லா ஆடினான்.

அப்பப்ப ஃபோர் அடிச்சிட்டு இருந்தானுக... 7 ஓவருக்கு 28 ரன் ரெண்டு விக்கட்... அண்ணன் ஜாகிர் ஆடினதும், கெயில் ஆடுனதும் பார்த்தா எனக்கு கதி கலங்கிருச்சி...

அப்புறம் ரெய்னா அப்பப்ப காட்டின சிக்ஸரும், நார்மலான ஹைட்ல வந்த ஃபுல்டாஸ் பால்ல ரெய்னா அவுட்டாகி, அதை அம்பயர் நோ பால்னு சொன்னதும், இன்னைக்கு நாம ஜெயிச்சிடுவோம்ன்ற நம்பிக்கை தந்தது.

அப்புறம் பத்ரி அவுட்டானதும், தோனி அடிச்ச ஒரு சிக்ஸர், அப்புறம் மார்க்கல் ஆட்டம்லாம் நல்லா இருந்தது...

கடைசில ரெய்னான்னு ஒரு சின்னப் பையன் சிக்ஸ் அடிச்சு 50 போட்டுட்டு யாருகிட்டயோ பேட்டைக் காட்டி நான் யாருன்னு புரிஞ்சுக்கன்னு சொன்னான்... அனேகமா அது கோஹ்லியாத்தான் இருக்கணும்...

அசாதாரணமா ஜாகிரை, மிதுனையெல்லாம் துவைச்சு எடுத்து 177 ரன் எடுத்து பாலை வார்த்தானுக...

இனி சனிக்கிழமை தான் நமக்கு மேட்ச்... எவன் வரப் போறானோ...

சென்னைலயும் ரெய்னாவின் சிக்ஸர் மழை கோடை மழையா குளிர்ச்சி தரும்னு நம்பலாம்...

கெய்ல் ஸ்டார்ம்

2011-05-18T21:52:00.001+04:00

ஐந்து அணிகளைப் பற்றிய பார்வையை போன இடுகையில் பார்த்தோம். மீதி ஐந்து அணிகளை இந்த இடுகையில் அலசுவோம்.

கொல்கத்தா நைட் ரைடர்ஸ்
கடந்த மூன்று ஐபிஎல் போட்டித் தொடர்களில் அரையிறுதிக்கு முன்னேறாத ஒரே அணி கொல்கத்தா. அதனால் இந்த முறை மனோஜ் திவாரியைத் தவிர மற்ற அத்தனை ஆட்டக்காரர்களையும் - வங்காளச் சிங்கம் தாதா கங்குலி உட்பட- மாற்றியது கொல்கத்தா. 2.4 மில்லியன் கொடுத்து கம்பீரையும், 2.1 மில்லியன் கொடுத்து யூசுஃப் பதானையும் வாங்கி அதிர்ச்சியைக் கொடுத்தனர்.

அவர்களின் எதிர்பார்ப்புக்கேற்ப அணி சிறப்பாகவே ஆடி வருகிறது. அரையிறுதிக்குத் தகுதி பெறும் நான்கு அணிகளில் ஒரு அணியாக இருக்கக் கூடிய வாய்ப்பை இன்னமும் தக்கவைத்திருக்கிறது கொல்கத்தா. ப்ரெட் லீ, இக்பால் அப்துல்லா, யூசுஃப் பதான், பாலாஜி ஆகியோர் பந்து வீச்சில் கலக்கி வருகிறார்கள். ஆனாலும், ஸ்டார் பவுலர் என்று ஒருவரும் இல்லாதது கொல்கத்தாவின் குறை. பேட்டிங்குக்கு காலிஸ், கம்பீர், மனோஜ் திவாரி, பதான் ஆகியோர் இருந்தாலும் கன்சிஸ்டண்டாக பெர்ஃபாம் செய்யக்கூடியவர்கள் இல்லாமல் தான் இருக்கிறார்கள். இந்த முறை அரையிறுதிக்கு முன்னேறினாலும் சேம்பியன்கள் ஆவார்களா என்பது சந்தேகமே.

மும்பை இண்டியன்ஸ்
கடந்த வருடத்தில் இருந்த அணியைப் பெரும்பாலும் தக்க வைத்துள்ளது மும்பை. ஆனாலும் ஜாகிர் கானின் இழப்பைப் பூர்த்தி செய்ய ஒரு பவுலர் இல்லாதது பெரும் குறையே. இந்த ஐபிஎல் தொடரில் லீடிங் விக்கெட் டேக்கர் லசித் மலிங்கா. சளைக்காமல் இவர் வீசும் யார்க்கர்கள் எதிரணி பேட்ஸ்மென்களை அசைத்துப் பார்த்திருக்கிறது. இந்த அணிக்கு எதிராக ஆடுபவர்களுக்கு 20 ஓவர்களில்லை 16 ஓவர்கள்தான் என்று ஒரு முடிவோடு ஆடவேண்டியிருக்கிறது. ஆனாலும் லசித் மலிங்காவுக்குக் கம்பெனி கொடுக்க நல்ல பவுலர்கள் இல்லை. முனாஃப் பட்டேல் ஓரளவுக்குக் கை கொடுத்தாலும் ஜாகிர் இல்லாத குறை தெரிவது உண்மை. ஹர்பஜன் சிங் சென்னைக்கு எதிரான போட்டியில் மட்டுமே சிறப்பான ஆட்டத்தை வெளிப்படுத்தினார். மற்ற போட்டிகளில் மிக சாதாரணமாகவே அவர் பவுலிங் இருக்கிறது.

பேட்டிங் கடந்த இரண்டு ஆட்டங்களில் கை கொடுக்கவில்லை. இந்திய அணியோ மும்பை அணியோ சச்சின் அவுட்டானால் சைக்கிள் ஸ்டேண்ட் சைக்கிள்கள் போல மள மளவென சரிவது மாறாது போல. இரண்டு மோசமான தோல்விகளைத் தழுவியதால் அரையிறுதிக்கான இடம் உறுதிப்படப் படாமல் இருக்கிறது. பேட்டிங்குக்கு சச்சின், அம்பாட்டி ராயுடு, பொல்லார்ட், சைமண்ட்ஸ், ப்ளிஸ்ஸார்ட் போன்றோர் இருந்தாலும், கன்ஸிஸ்டன்ஸி இல்லை. கண்டிப்பாக ஆடுவார்கள் என்று எதிர்பார்க்க முடியவில்லை. கடந்த ஐபிஎல்லில் ஏற்படுத்திய தாக்கத்தை பொல்லார்ட் இன்னும் ஏற்படுத்தவில்லை என்பதே உண்மை. ஃபைனலுக்குப் போனாலும் கோப்பை இவர்களுடையதாகிவிடும் என்ற நிச்சயம் இல்லை.

புனே வாரியர்ஸ்
A captain is as good as a team - என்று சொல்வார்கள். அதற்கு Exceptions உண்டு. இருக்கின்ற குறைந்த ரிசோர்ஸஸை சிறப்பாக உபயோகித்து சிறப்பான குழு ஆட்டத்தை வெளிப்படுத்தி வெற்றியைத் தேடித்தருபவர்கள் இருக்கிறார்கள். வார்னே, தோனி, இப்போது கில்கிறிஸ்ட் என உதாரணங்கள் கொடுத்துக் கொண்டே போகலாம். ஆனால் சிறந்த வீரர்கள் பலரை அணியில் கொண்டிருந்தாலும் மோசமான ஆட்டத்தை வெளிப்படுத்த முடியும் என்பதற்கு உதாரணமாக ஒரே ஒருவர்தான் இருக்கிறார் - யுவராஜ் சிங். Best team on Paper வைத்துக் கொண்டு புள்ளி அட்டவணையில் கடைசியில் இருந்து இரண்டாமிடத்துக்குப் போயிருக்கும் அணி புனே. இதில் கண் கெட்ட பிறகு சூரிய நமஸ்காரம் போல நெஹ்ராவுக்குப் பதிலாக கங்குலியைக் கொண்டுவந்தனர். அதுவும் பெரிய அளவில் கை கொடுக்கவில்லை. பேட்டிங், பவுலிங், ஃபீல்டிங் என அனைத்துத் துறைகளிலும் மோசமான ஆட்டத்தை வெளிப்படுத்திய அணி புனே அணி மட்டுமே.

அடுத்த ஆண்டு மீண்டு வர வாழ்த்துகள். (வேற என்ன சொல்லமுடியும்?)

ராஜஸ்தான் ராயல்ஸ்
முதல் ஐபிஎல் தொடரில் இருந்த ராஜஸ்தான் ராயல்ஸ் அணி இந்த முறை இல்லை. ஆரம்பத்தில் நம்பிக்கைக் கொடுக்கும் வண்ணம் ஆடினாலும், போகப் போக மற்ற ஆட்டங்களின் மோசமான ஆட்டத்தான் தோல்விகளைத் தழுவி இப்போது அரை இறுதிக்குத் தகுதி பெற முடியாத நிலையை எட்டியிருக்கிறது.

வார்னே இந்தத் தொடரோடு ஐபிஎல் போட்டிகளிலிருந்தும் ஓய்வை அறிவித்திருக்கிறார். ராஜஸ்தான் அணியைக் கட்டமைத்ததில் முக்கியமான பங்கு வார்னேவுக்கு இருக்கிறது என்பதை மறுக்க முடியாது. இந்த முறையும் ராஜஸ்தான் ஏலத்துக்குள் நுழையும் போதே மற்ற அணிகளை விட பாதித் தொகையையோடுதான் நுழைந்தது. அதிலும் வார்னேவையும் வாட்சனையும் ரீட்டேய்ன் செய்ததில் இன்னும் பாதித் தொகையை இழந்தது. இருக்கின்ற தொகையில் வாங்க முடிகின்ற ஆட்டக்காரர்களை வாங்கியிருந்தாலும் தொடரின் ஆரம்பத்தில் அமர்க்களமான வெற்றிகள் சில பெற்று நம்பிக்கையளித்தது. ராகுல் ட்ராவிட், ராஸ் டெய்லர், ஜோகன் போத்தா, வாட்ஸன் போன்ற சிறந்த வீரர்கள் இருந்தாலும், அதிகம் தெரியாத உள்நாட்டு வீரர்களும் சிறப்பான ஆட்டத்தைக் காட்டினார்கள்.

ரிட்டயராகப் போகிற கடைசி காலத்தில் ஆர்.சி.ஏ செக்ரட்டரியைத் திட்டி சர்ச்சையில் சிக்கியுள்ளார் வார்னே. அடுத்தத் தொடரில் கோச்/ஆலோசகராக இருந்து மறுபடியும் ராஜஸ்தான் அணியை வளர்த்தெடுப்பார் என்ற நம்பிக்கையோடு இந்த வருடம் ராஜஸ்தானுக்கு விடை கொடுப்போம்.

ராயல் சேலஞ்சர்ஸ் பெங்களூரு
அரையிறுதிக்குத் தகுதி பெற்ற ஒரே அணி பெங்களூரு. ஆரம்பத்தில் ததிங்கிணத்தோம் போட்ட அணி, கிறிஸ் கெயில் என்ற சூறாவளி வந்ததும் தொடர்ந்து ஏழு வெற்றிகளைப் பெற்று அரையிறுதிக்குத் தகுதி பெற்றது. ஏழே ஆட்டங்களில் 32 சிக்ஸர்களை விளாசி 436 ரன்களைக் குவித்து அணியின் வெற்றிக்குக் காரணமாக விளங்கியுள்ளார் கெயில்.

கெய்லைத் தொடர்ந்து அதிரடியாக ஆட கோஹ்லி, புஜாரா, சௌரவ் திவாரி, ஏ.பி டிவில்லியர்ஸ் போன்றோர் இருக்கிறார்கள். ஆக, பேட்டிங்க் மோசமாக இல்லை.பெங்களூருவுக்குப் பந்துவீச்சும் பலம் என்று சொல்ல முடியாவிட்டாலும் பலவீனமாக இல்லை என்று சொல்லலாம்.

நேற்று வரை சேம்பியன் பட்டத்துக்குப் போட்டி போடக்கூடிய அணியாக பெங்களூருவைச் சொல்லிக் கொண்டிருந்தேன். ஆனால் இன்று பஞ்சாப் அணிக்கு எதிராகப் பெற்ற படுதோல்வியைத் தொடர்ந்து அப்படி ஒரு முடிவுக்கு வர தயக்கமாக இருக்கிறது. கெய்ல் சூறாவளியைத் தடுத்து நிறுத்திவிட்டால் பெங்களூருவும் சைக்கிள் ஸ்டாண்ட் ஆகிவிடலாம் என்பதையே இன்றையத் தோல்வி எடுத்துச் சொல்கிறது. பெங்களூரு இந்தப் போட்டியில் வென்றிருக்க வேண்டும் என்று சொல்லவில்லை ஆனால் 111 ரன்கள் வித்தியாசத்தில் தோற்றுப் போயிருக்கக் கூடாது.

ஒட்டுமொத்தமாக, பத்து அணிகளின் ஆட்டத்தைப் பார்ததன் மூலம் இந்த முறை சேம்பியன் பட்டத்தை சென்னை தக்க வைத்துக்கொள்ள அதிக வாய்ப்பு இருப்பதாகப் படுகிறது. பெங்களூருவும், பஞ்சாபும்(ஒரு வேளை அரையிறுதிக்குத் தகுதி பெற்றால்) சென்னைக்குச் சவாலாக இருக்கலாம்.

சென்னை.. சென்னை.. சூப்பர் கிங்க்ஸ்....

2011-05-12T05:51:00.000+04:00

ஐபிஎல் திருவிழா கோலாகலமாய் நடந்து கொண்டிருக்கிறது. அரையிறுதிக்குப் போகும் அணிகள் கிட்டத்தட்ட முடிவாகிவிட்டன. இந்த நேரத்தில் ஆடுகளத்தில் இந்த வருட அணிகளின் பெர்ஃபாமன்ஸ் பற்றி கொஞ்சம் அலசலாம்.

சென்னை சூப்பர் கிங்க்ஸ்
இதுவரை நடந்து முடிந்த மூன்று ஐபிஎல் தொடர்களிலும் கன்ஸிஸ்டண்டாக இருந்த அணி எது என்றால் கண்ணை மூடிக்கொண்டு சென்னையை நோக்கிக் கை காட்டலாம். மூன்று முறையும் செமி ஃபைனலுக்குத் தகுதி பெற்ற ஒரே அணி. இதில் ஒரு முறை ரன்னர் அப், இன்னொரு முறை சேம்பியன். வெற்றிகரமாக அணியின் பெரும்பாலான வீரர்களை ஏலத்தில் தக்க வைத்துக் கொண்ட சென்னை, இந்த முறையும் செமி ஃபைனலுக்குத் தகுதி பெற்றுவிடும் சாத்தியக் கூறுகள் அதிகமாக உள்ளன.

இதுவரை நடந்த 11 போட்டிகளில் நான்கு போட்டிகளில் மட்டுமே தோல்வியைத் தழுவியுள்ளது சென்னை. ஆனால் அந்த நான்கு போட்டிகளில் இரண்டு போட்டிகள் மழையின் காரணமாக முழுமையாக நடைபெறவில்லை. மீதி இரண்டு போட்டிகள் பால் வல்தாட்டி மற்றும் ஹர்பஜன் சிங் ஆகியோரின் அதிசிறப்பான ஆட்டத்தால்/பந்து வீச்சால் தோல்வியைத் தழுவியது (இந்த இருவரும் இந்தப் போட்டிகளைத் தவிர வேறு போட்டிகளில் சிறப்பான ஆட்டத்தை வெளிக்காட்டவில்லை என்பது குறிப்பிடத் தக்கது). மேலும், மற்ற அணிகளில் சூப்பர் பெர்ஃபாமர் ஒருத்தர் இருப்பது போல சென்னையில் ஒருவர் மட்டும் சிறப்பான ஆட்டத்தை வெளிப்படுத்தாமல் மொத்த டீமுமே பங்கெடுத்து வெற்றியைத் தேடிக் கொடுத்துள்ளனர். அணியின் பந்து வீச்சாளர்கள் விக்கெட்டுகள் அள்ளிக் குவிக்கவில்லையென்றாலும், எதிரணியினரை ரன்கள் குவிக்காமல் தடுத்துவந்திருக்கின்றனர். சொந்த கிரவுண்டில் இன்னும் வீழ்த்தப்படாத ஒரே அணியாக சென்னை இருக்கிறது. சாம்பியன்ஷிப் பட்டம் வெல்லத் தகுதி படைத்த அணி என்று சென்னையச் சொல்லலாம்.

பாயிண்ட்ஸ் டேபிள் பொசிஷன்: 3

டெக்கான் சார்ஜர்ஸ்
கடந்த மூன்று ஆண்டுகள் இருந்த அணி இந்த ஆண்டு ஒட்டுமொத்தமாக மாறிவிட்டது. சங்கக்கரா தலைமையில் 11 ஆட்டங்களில் மூன்றே வெற்றிகள் மட்டும் பெற்று புள்ளி அட்டவணையில் கடைசி இடத்தில் இருக்கிறது. பந்து வீச்சுக்கு டேல் ஸ்டெயின், அவருக்குக் கம்பெனி கொடுக்க இஷாந்த் சர்மா, டேனியல் கிறிஸ்டியன், சுழல் பந்துக்கு பிரக்யான் ஓஜா என இருந்தாலும், பேட்டிங்கில் சற்று வீக்காகவே இருக்கிறது இந்த அணி. ஹைதரபாத்தில் இதுவரை வெற்றியே பெறவில்லை என்ற வரலாற்றை ராயல் சேலஞ்சர்ஸை வீழ்த்தியதன் மூலம் மாற்றியமைத்தது மட்டுமே இந்த புதிய அணியின் ஒரே சாதனை.

பாயிண்ட்ஸ் டேபிள் பொசிஷன்: 10

டெல்லி டேர்டெவில்ஸ்
எல்லா அணிகளும் பலம் குறைந்த பழைய அணியை மாற்றி பலமிக்க புது அணியாக மாற்றிக் கொண்டிருந்த வேளையில் டெல்லி மட்டும் பலமான வீரர்களை விட்டுக் கொடுத்துவிட்டு சோதா அணியை உருவாக்கியிருக்கிறது. இர்ஃபான் பதானுக்கு 1.9 மில்லியன் எதற்குக் கொடுத்தார்கள் என்று தெரியவில்லை. சினிமாவில் காட்டுவது போல யாரோ ஏற்றிவிட்டு இர்ஃபானை டெல்லி தலையில் கட்டிவிட்டார்கள் போல.

சேவாக் ஒற்றை ஆளாய்ப் போராடி நான்கில் மூன்று வெற்றிகளை பெற்றுக்கொடுத்திருக்கிறார். இப்போது அவரும் தோள்பட்டைக் காயத்தின் காரணமாக தொடரிலிருந்து விலகியிருக்கிறார். அவருக்குப்பின் ஜேம்ஸ் ஹோப்ஸ் தலைமையேற்றிருக்கிறார். பெருமைக்காக மட்டுமே ஆட முடிகிற நிலையில்தான் டெல்லி இருக்கிறது.

பாயிண்ட்ஸ் டேபிள் பொசிஷன்: 8

கிங்க்ஸ் லெவன் பஞ்சாப்
இரண்டு முறை யுவராஜாலும், ஒரு முறை சங்கக்கராவாலும் தலைமையேற்கப்பட்ட பஞ்சாப் அணி இந்த முறை முற்றிலும் புதிய வடிவெடுத்து கில்கிறிஸ்ட் தலைமையில் இயங்குகிறது. சொல்லிக்கொள்ளும்படி பெரிய வீரர்கள் இல்லையென்றாலும், இருக்கின்ற வீரர்களை வைத்து வல்தாட்டி, பார்கவ் பட் போன்ற புது ஹீரோக்களை உருவாக்கியிருக்கிறார் கில்கிறிஸ்ட். பலம் வாய்ந்த அணிகளான சென்னையையும், மும்பையையும் வீழ்த்தி அதிர்ச்சியை அளித்தது பஞ்சாப். புள்ளி அட்டவணையில் 9வது இடத்தில் இருந்தாலும் இன்னும் நான்கு போட்டிகள் ஆட வேண்டியிருப்பதால் செமி ஃபைனலுக்குத் தகுதி பெறும் வாய்ப்பை பஞ்சாப் முற்றிலும் இழந்துவிடவில்லை என்பது உண்மை.

பாயிண்ட்ஸ் டேபிள் பொசிஷன்: 9

கொச்சி டஸ்கர்ஸ் கேரளா
இந்த ஆண்டு புதிதாகச் சேர்க்கப்பட்ட அணி. ஜெயவர்த்தனே தலைமையில் 11 போட்டிகளில் ஐந்து வெற்றிகளைப் பெற்று செமிஃபைனலுக்குத் தகுதி பெறும் வாய்ப்பை இன்னமும் இழக்காமல் இருக்கிறது. சென்னை, மும்பை, கொல்கட்டா, டெல்லி ஆகிய நான்கு மெட்ரோக்களையும் வீழ்த்திய பெருமை பெற்றிருக்கிறது இந்த அணி. முரளிதரன் போன்ற ஜாம்பவான்களையே பெஞ்சில் அமர்த்த வேண்டிய அளவுக்கு பவுலிங்குக்கு ஆர்.பி.சிங், ஸ்ரீசாந்த், வினய் குமார் போன்ற வீரர்கள் வைத்திருக்கிறது கொச்சி. அதிரடி பேட்டிங்குக்கு ப்ரெண்டன் மெக்கல்லம், ப்ராட் ஹோட்ஜ், ரவீந்திர ஜடேஜா போன்றோரைக் கொண்டிருக்கிறது. ஹோம் பிட்சை தங்கள் பந்துவீச்சாளர்களுக்கு ஏற்ற வகையில் தயார் செய்து வெற்றிகள் பெற நினைத்த வேளையில் கத்தியெடுத்தவன் கத்தியாலே சாவான் என்பது போல அந்த பிட்சினாலேயே டெக்கானிடம் சுருண்டது. கோமெஸ், பரமேஷ்வரன் போன்ற லோக்கல் டேலண்டுகள் வெளிவருவதைப் பார்ப்பதும் மகிழ்ச்சியே.

பாயிண்ட்ஸ் டேபிள் பொசிஷன்: 6

மீதி ஐந்து அணிகளைப் பற்றி நாளை பார்ப்போம்.

Posted by

முகிலன்.

தோனி, நீ தெய்வ மச்சானடா!!!

2011-04-03T12:21:00.002+04:00

* நேற்றைய ஆட்டத்தை பற்றிய விமர்சனங்கள் எல்லாம் ஒன்றும் சொல்லும் நிலையில் இல்லை மனம். மகிழ்ச்சி மட்டுமே நிறைந்திருக்கிறது.

* நான் கிரிக்கெட் பார்க்க துவங்கியது 87 உ.கோப்பை முதல்.... அன்று அரை-இறுதியில் அசாருத்தீன் 62 ஓட்டங்களுக்கு ஆட்டமிழந்தவுடன் இந்தியா கோப்பை வெல்லும் வாய்ப்பை இழந்தது முதல்... இந்த உ.கோப்பைக்கான எனது ஏக்கமும் தொடங்குகியது. ஒவ்வொரு உ.கோப்பைக்கும் அணியின் பலம் பலவீனம் பற்றியெல்லாம் கவலையில்லாமல் குருட்டுத்தனமாக நம்பினேன்.

* 96 உ. கோப்பை அரை இறுதி கல்லுரி விடுதியில் 200 நண்பர்களுடன் தாரை தப்பட்டை சூழ ஆட்டத்தை காண ஆரம்பித்த நான்... இந்தியாவின் 5 விக்கெட விழுந்தவுடன் தோல்வியை தாங்க இயலாமலும், ஏமாற்றத்தாலும் வீரர்களின் மேல் ஒரு வெறியான கோபத்தில் அறைக்குச் சென்று அங்கு ஒட்டியிருந்த சச்சின், அசாருத்தீன் மற்றும் மைக் டைசன்(பாவமரியாதவன்) கிழித்து நொறுக்கி .. ஒரு போர்வைக்குள் அழுகையுடன் முடங்கி போனேன். கல்கத்தாவே கலவரமானது, காம்ப்ளி அழுதது எதுவுமே நான் பார்க்கவில்லை.

* இப்படி ஒவ்வொரு முறையும் வாய்ப்பு நழுவும் போதும் ஏமாற்றமே மிஞ்சியிருந்தது.

* இப்படி எல்லாவற்றிற்கும் முற்றுப்புள்ளி வைத்தாகிவிட்டது. வென்ற போது கிடைத்த மகிழ்ச்சிக்கு அளவில்லை எனலாம். என்னுடைய கல்லூரி விடுதி நாட்களும் நண்பர்களும் கண் முன் வந்து போயினர். அவர்களுடன் இந்த கணத்தை கொண்டாட முடியவில்லையே.

* போட்டி முடிந்து வீரர்கள் பலர் ஆனந்த கண்ணீர் வடித்தாலும் மனம் நெகிழ்ததே தவிர கண்ணீர் வரவில்லை. ஆனால், காலையில் காரில் அலுவலகம் வரும்போது 'சிறப்பு செய்தி தொகுப்பு (இன்றைக்கு நேற்றைய வெற்றி குறித்து மலையாள பண்பலையில் )' கேட்ட போது உடல் சிலிர்த்து கண்களில் கண்ணீரே வந்து விட்டது. என்னையும் அறியாமல் ஒரு வெறியில் "yessssssssss" என்று கீரிட்டு கத்தியே விட்டேன்.

* நான் ஏற்கனவே இங்கு சொன்னது போல யுவராஜ் ஜொலிக்கும் தொடர்கள் எப்போதும்(பெரும்பாலும்) இந்தியாவுக்கு சாதகமாகவே முடியும். அதுபோலவே உ.கொப்பையிலும் நடந்து விட்டது. சச்சின் மற்றும் அனைத்து வீரர்களும் (யாரப்பா அது ஸ்ரீசாந்துமான்னு கேக்குறது?) பங்களிப்பு செய்திருந்தாலும்.... தோனி, நீ தெய்வ மச்சானடா!!!

1996-2011

2011-04-03T10:54:00.000+04:00

நேற்றைய மேட்சில் டாஸ் வென்று இலங்கை அணி பேட்டிங் தேர்வு செய்தவுடன் எனக்கு 1996 ஆம் வருடம் கல்கத்தாவில் நடந்த அரை இறுதிப் போட்டிதான் நினைவுக்கு வந்தது. அதில் இந்தியா டாஸ் வென்று அவர்களை பேட் செய்ய அழைத்தது. அந்த உலகக் கோப்பையில் அதிரடியாக ஆடிக் கொண்டிருந்த ஜெயசூர்யா மற்றும் கலுவிதரனா இருவரும் முதல் இரண்டு ஓவர்களிலேயே ஆட்டம் இழக்க , இந்தியா வெற்றி பெற்றுவிடும் என்றே அனைவரும் நினைத்தனர். ஆனால் அரவிந்த டி சில்வா அற்புதமாக ஆடி 251 ரன்கள் சேர்க்க உதவினார்.

அதன்பின் அந்த ஸ்கோரை சேஸ் பண்ணத் துவங்கிய இந்தியா , சச்சின் ஆடிய வரை சமாளித்தது. அவர் அவுட் ஆகியவுடன் மளமளவென்று விக்கெட்களை இழக்கத்துவங்கி , பின் ரசிகர்களின் கோபத்தால் ஆட்டம் நிறுத்தப்பட்டு ஸ்ரீலங்கா வென்றதாக அறிவிக்கப்பட்டது.

நேற்று அவர்கள் டாஸ் வென்று முதலில் பேட் செய்யத் தீர்மானித்தனர். இந்த உலகக் கோப்பையில் தரங்கா, தில்ஷன் இணை நன்றாகவே ஆடியுள்ளனர். ஆனால் நேற்று அவர்களால் தங்கள் இயல்பான ஆட்டத்தை ஆட இயலவில்லை. விரைவிலேயே இருவரும் அவுட் ஆனார்கள். பின் அப்பொழுது டி சில்வா ஆடியவாறு ஜெயவர்தனே ஆடத் துவங்கினார். கடைசி கட்டத்தில் நமது பந்துவீச்சாளர்கள் வாரி வழங்கும் வள்ளல்கள் ஆனார்கள்.

275 என்றக் கடினமான இலக்குடன் ஆடத் துவங்கிய இந்திய அணி, விரைவில் சேவாகையும், சச்சினையும் இழந்தது. அந்த சமயத்தில் பெரும்பாலானோர் மனதில் 1996 ம்,2003 ம் எட்டிப் பார்த்திருக்கும். ஆனால் , கம்பீர் ஒரு முனையில் கம்பீரமாக ஆட, மறுமுனையில் முதலில் கொஹ்லி பின் , கேப்டன் கூல் தோனி இருவரும் கைக் குடுக்க இந்தியா இரண்டாவது முறையாக உலகக் கோப்பையைக் கைப்பற்றியது. 1996 ஆம் வருட அரை இறுதிப் போட்டியில் தோற்றதற்கு சரியான பதிலடி நேற்றுத் தரப்பட்டுள்ளது.

மேட்ச் முழுவதும் அடக்கி வைத்திருந்த உணர்ச்சிகளை வீரர்கள் வெற்றிப் பெற்றவுடன் வெளிப்படுத்தினர். எப்பொழுதும் கூலாக இருக்கும் தோனியும் சிறிது உணர்ச்சிவசப்பட்டார். பெரும்பாலான கிரிக்கெட் ரசிகர்கள் கண்ணிலும் நேற்று ஒரு துளி கண்ணீராவது வந்திருக்கும் அந்தத் தருணத்தில்.

அன்புடன் எல்கே

தோனி ஒரு மந்திரவாதி...

2011-03-31T18:19:00.006+04:00

இந்தியா-பாகிஸ்தான் ஆட்டம் கிரிக்கெட் ரசிகர்களுக்கு இது தான் ஃபைனல். இரு நாட்டு ரசிகர்கள் மத்தியிலும் டென்ஷன், டென்ஷன், டென்ஷன்......மிலிட்டரி, போலீஸ் என்று மொகாலியே ஆடிப்போகிறது...மேட்ச் பிக்ஸிங் ஆகுமா...? இந்தியா வெற்றி பெறுமா..? கனவு பிட்ச் மும்பைக்குள் பாதுகாப்பு வளையத்துடன் பாகிஸ்தான் காலடி எடுத்து வைத்து விடுமா? எண்ணிலடங்கா கேள்விகள்..

அணி அறிவிக்கப்படுகிறது...இந்தியர் ரசிகர்கள் மத்தியில் ஒரே சலசலப்பு...அட ஏன் அஸ்வின் இல்லை? என்ற கேள்வி நாடு முழுவதும் எதிரொலிக்கிறது...ஆனால் பிட்ச் சுழல் பந்திற்கு சாதகமில்லை என்று காரணம் கூறப்படுகிறது.மேட்ச் ஆரம்பிக்கிறது..இந்தியா முதல் பேட்டிங், சுழல்பந்து வீச்சாளர் அஜ்மல் வருகிறார்...அதுவரை ஆடிவந்த நமது பேட்ஸ்மேன்கள் திணற ஆரம்பிக்கிறார்கள்...ரசிகர்கள் கொதித்துப் போகிறார்கள்...அடப்பாவமே..இப்படி ஒரு பிட்சில் விளையாட அஸ்வினை எடுக்காமல், சென்ற ஆட்டத்தில் ரன்களை அள்ளிக் கொடுத்த நெஹ்ராவை உள்ளே கொண்டு வந்திருக்கிறார்களே...? என்று டென்சன் ஆகிறார்கள்....

முதல் பேட்டிங் முடிகிறது...இந்தியா 260 ரன்கள்...பாகிஸ்தானை ஜெயிக்க, இதெல்லாம் பத்தாதடா..? என்று ரசிகர்கள் வடிவேலு பாணியில் கூறுகிறார்கள்...

நண்பர் பாஸ்ட் பவுலர் நவ்பல், தொலைபேசியில் அழைக்கிறார்...கிரிக்கெட் பற்றிய விசயங்களைப் பரிமாறிக்கொண்டோம். அஸ்வினை எடுத்திருக்க வேண்டும், என்ன செய்வது...பிட்ச் மாறிவிட்ட்து...என்றாளும் தோனி ஒரு மெஜிசியன்...எதாவது ஒரு கணக்குப் போட்டு கடைசியில் நமது மூஞ்சில் கரியை பூசி விடுவான்...:-) என்றார்...

இரண்டாவது இன்னிங்ஸ் தொடர்கிறது...நண்பர்கள் ஒன்று சேர்ந்து, அல்நாதாவில் ஒரு நண்பர் வீட்டில், நோன்புக் கஞ்சி, வடை, சமோசா என்று ஒரு வித்தியாசமான சிற்றுண்டியுடன்.. மேட்ச் பார்க்கிறோம்...இந்தியா பந்து வீச்சில் சாதிக்கிறது...அனைத்து பவுலர்களும் சொல்லி வைத்தாற்ப் போல் தலா 2 விக்கெட்களை வீழ்த்துகிறார்கள்...தோனி மீது குறை சொல்லி வந்த அனைவரும் வாயடைத்துப் போகிறார்கள்.....

பாஸ்ட் பவுலர் சொன்னது போல தோனி ஒரு மந்திரவாதி தான்...:-) சில நேரங்களில் அவர் என்ன செயதாலும் அது அணிக்கு சாதகமாகி விடுகிறது...அது ஃபைனலிலும் தொடருமா...?

நேற்றைய ஆட்டத்தில் என்னைக் கவர்ந்தவை...

எந்த பிட்ச் ஆனாலும் தன் சொந்த பிட்ச் போல் விளையாடும் சேவாக்கின் அதிரடி ஆட்டம்.

யார் என்ன சொன்னாலும், அனைத்து இளம் வீர்ர்களையும் தண்ணி வாங்கச் செய்யும் டெண்டுல்கரின் ஆட்டம்.

தன் பொறுப்புணர்ந்து நிதானமாக ஆடிய ரைனா.

5 விக்கெட் வீழ்த்திய பாகிஸ்தானின் ரியாஸ்.

இந்திய பவுலர்களின் ஆட்டம்..

நெஹ்ராவின் நேர்மை... ( அப்ரிடி கேட்ச் விவகாரத்தில்)

ரிஸ்க் எடுப்பது எங்களுக்கு ரஸ்க் சாப்பிடுவது போல என்று ஆடிய மிஸ்பாவின் ஆட்டம்.

பிரசண்டேஷன் செருமனியில்...அஃப்ரிடியின் உருக்கமானப் பேச்சு...

எப்படியோ இந்தியா ஃபைனலுக்கு வந்து விட்டது...இந்தியா....மும்பை...சச்சின்...

இந்தியாவிற்கு அனைத்துமே சாதகம் தான்...இந்தியா சாதிக்குமா..?

நன்றி மிஸ்பா

2011-03-31T05:24:00.000+04:00

இந்தியா வெற்றி பெற்றதுக்கு பாகிஸ்தான் வீரர்களுக்கு நன்றி சொல்லணும். அதுவும் குறிப்பா பெரிய அண்ணன் மிஸ்பாவுக்கு. அவர்தான் டெண்டுல்கர் குடுத்த முதல் கேட்சை மிஸ் பண்ணி கணக்கை துவங்கி வைத்தார். அவரைத் தொடர்ந்து ஒரு மூணு கேட்ச் மிஸ் பண்ணாங்க.

அப்புறம் பேட்டிங் பண்றப்ப ரொம்ப நேரம் எதோ டெஸ்ட் மேட்ச்ல ஆடற மாதிரியே ஆடிக்கிட்டு இருந்தான். இவன் ரொம்ப ஸ்லோவா ஆடினதுல கூட விளையாடற வீரர்கள் அடித்து ஆட வேண்டிய கட்டாயம் ஆகிடுச்சி. அவர் விளையாடிய முதல் 42 பந்துகளில் வெறும் 17 ரன்கள் மட்டுமே அவர் அடித்தார். அப்புறம் பவர் ப்ளேல அத சரி பண்ற மாதிரி ஆடியதுக் கைக்குடுக்கலை. ரொம்ப லேட் பண்ணிட்டாங்க அடிச்சு ஆட.

நேத்து அணியை அறிவிச்சப்ப பொதுவா மொஹாலி பிட்ச் ஸ்பின்னருக்கு உதவாது என்பதால் அச்வின்னை தேர்வு செய்யவில்லை. ஆனால் எல்லோரும் நினைச்சதுக்கு மாறா பிட்ச் ஸ்பின்னருக்கு உதவியது. கடைசியா தன் தப்பை ஒத்துகிட்டார் தோனி. இதுதான் அவர்கிட்ட பிடிச்ச விஷயம். எதோ நேத்து இந்தியாவுக்கு நல்ல நேரம். படேல், நெஹ்ரா ரெண்டு பேருமே ஒழுங்கா பந்து வீசினாங்க .

சனிக்கிழமை இறுதிப்போட்டி மும்பையில், சச்சினின் ஊரில். தனது நூறாவது சதத்தை அங்கே அடிப்பாரா அவர் ?

அன்புடன் எல்கே

இலங்கை - இங்கிலாந்து அலசல்

2011-03-27T20:16:00.000+04:00

போட்டி நடத்துங்கடான்னா சும்மா டைம் பாஸ் வெளாட்டு விளையாடினாங்க ஸ்ரீலங்கா பசங்க...

ஸ்ரீலங்கா ஆளுங்க கைல கிடைக்கிற கேட்செல்லாம் விடுறதை இப்பத்தான் பாக்குறேன்.

இந்தியா கூட 330 ரன்னை டை பண்ண டீமை இப்படியாயா வெளுப்பீங்க?? இந்தியாவோட பேட்டிங்கும் பல்லிளிக்குது. விக்கெட்டே விழாம இப்புடி ஆடினா, அடுத்த செமி ஃபைனல் என்னாகுமோ நியூஸிலாந்துக்குன்னு பயமா இருக்கு.

நாங்க இம்புட்டு தூரம் வந்ததே பெரிசுன்னு ஆண்ட்ரூ ஸ்ட்ராஸ் சொல்லி இருக்கார். ஆமா... இங்கிலாந்துலேர்ந்து இந்தியா ரொம்ப தூரம் தான்.

முதல்ல பேட் பண்றவங்க தான் ஜெயிப்பாங்கன்னு சொன்ன பசங்களை எல்லாம் தூக்கிப் போட்டு மிதிக்கணும்னு கை பரபரக்குது. என்னவோ போங்கடான்னு போகவும் முடியல..

இன்னும் 63 பால் மீதி இருக்கு. 10 விக்கட் மிச்சம் இருக்கு. அப்படின்னா 350 ரன் கூட அசால்ட்டா ஜெயிப்போம்டான்னு இலங்கை சவால் விடுறா மாதிரி இருக்கு.

இதெல்லாம் பார்த்தா......

நம்ம பசங்க எப்ப என்ன செய்வாங்கன்னே தெரியாது. ப்யூஸ் சாவ்லாவையும் ஆசிஷ் நெஹ்ராவையும் டீம்ல சேர்த்து, அஷ்வினை உக்கார வச்சாலும் நாம் ஆச்சர்யப்பட முடியாது. ஏன்னா நம்ம கேப்டன் தான் விஞ்ஞானியாச்சே...

வெளையாட மாட்டாரு... ஆனா ஆராய்ச்சி பண்ணுவாரு.

எனக்கென்னமோ இந்தியா பாகிஸ்தான் ஆட்டத்தில இந்தியா ஜெயிக்கிறதுக்கு சில பேரை மட்டும் நம்பி இருக்கோமோன்னு தோணுது. டீமா ஆடினா ஜெயிக்கலாம். இங்கிலாந்து இலங்கை மேட்ச் மாதிரி... இல்லன்னா பொட்டியைக் கட்டிட்டு கிளம்பிடலாம்.

ஐபிஎல் வேற வருதுல்ல...

ஆடுகளத்தில் அனல் பறக்குமா இன்று?

2011-03-24T08:37:00.006+04:00

முதல் காலிறுதி என்னமோ ஒரு பயிற்சி ஆட்டம் மாதிரி ஆகிப்போச்சு. இன்னிக்கு ஆட்டமாச்சும் அப்படி ஆகாம தீயா இருந்தா சரிதான். மே.இ கிரிக்கெட்டின் கேள்விக்குறியான எதிர்காலம் தொடர்வதில் மிகுந்த மன வருத்தமே. யாராச்சும் இதுக்கு ஏதாவது செஞ்சே ஆகணும். :(

சரி... இன்னிக்கு போட்டி பத்தி பேசலாம். எனக்கு பிடிச்ச ரெண்டு அணியும் ஆடுகளத்தில் இறங்குது இன்னிக்கு. ஆஸ்திரேலியா முன்னாடி மாதிரி இல்லாததால், ஆஸ்திரேலியா அணி வீரர்களுக்கே தன்னம்பிக்கை குறைவாகத்தான் இருக்கு. இல்லன்னா இப்படி வாயை பொத்திகிட்டு சும்மா இருக்க மாட்டானுங்க. இந்நேரம் சவடால்கள் பல விடப்பட்டிருக்கும். அடக்கி வாசிப்பது ஆஸ்திரேலியத்தனம் இல்லை. :)

ஆஸ்திரேலியாவின் பலவீனமாக நான் நினைப்பது பாண்டிங்கோட ஃபார்ம் மற்றும் சுழல் பந்து சுழியில் சிக்குவது. இது ஒன்னுக்கொன்னு தொடர்புடையாதலால் கொஞ்சம் சிக்கல்தான். இருந்தாலும் இவர்களின் வெறித்தனமான ஆட்டத்தால் எதையும் சாதிப்பார்கள்.

இந்தியாவின் பலவீனம் பேட்டிங் கடைசியில் சொதப்புவதும், பந்துவீச்சு தொடக்கத்தில் சொதப்புவதும். இந்தியாவின் வெற்றியை சேவாக் கொஹ்லி மற்றும் யுவராஜின் ஆட்டங்கள் முடிவு செய்யும். யுவராஜ் ஜொலித்த தொடர்கள் இந்தியாவிற்கு சாதகமா இருந்துள்ளது ஒரு ப்ளஸ்.

இந்த இரு அணிகளிமுள்ள சில ஆட்டக்காரர்களுக்கு சில வகைகளில் 'இறுதி' ஆட்டமாக இருக்க வாய்ப்புள்ளது. பாண்டிங்கிற்கு அணித்தலைவராக இறுதி ஆட்டமாக அமையலாம். அவருக்கும் சச்சினுக்கும் (ஜாகிருக்கும்) இறுதி உலகக்கோப்பை ஆட்டமாக அமையலாம். தோனிக்கு அணித்தலைவராக இறுதி ஆட்டமாக அமையலாம்.

ஆஸ்திரேலியா தோற்று வெளியேறினால் பெரியளவில் அறுவைசிகிச்சைக்கு உட்படுத்தப்படும். இந்தியா தோற்று வெளியேறினால்??..... இதுலாம் நமக்கு புதுசா?? நாமும் நமது ஸ்டார்கள் ஐ.பி.எல்-ல் அடிச்சு நொறுக்குவதை காண ஆயத்தமாகிவிடுவோம்.

ஆக மொத்தம் ஆடுகளத்தில் இன்னிக்கு அனல் பறக்கும் என எதிர் பார்க்கலாம்.

இந்தியா - மேற்கிந்திய தீவுகள்

2011-03-20T12:19:00.000+04:00

இந்த ஆட்டத்தைப் பற்றி எல்லோருக்கும் சில அபிப்ராயங்கள் பேதங்கள் இருக்கக் கூடும். ஆனால் இன்றைய ஆட்டம் இந்திய அணியின் அடுத்த ஆட்டங்களின் ஸ்ட்ராடஜியை முடிவு செய்யும் என்பதில் யாருக்கும் வேறு சந்தேகங்கள் இருக்காது.

இன்றைய போட்டியில் தோற்றால் இந்தியா ஸ்ரீலங்காவை காலிறுதியில் சந்திக்கும். இன்றைய போட்டியில் வென்றால் ஆஸ்திரேலியாவை சந்திக்கும்.

அப்படியானால், இந்தியாவின் இந்த போட்டி நமது அரையிறுதி வாய்ப்பினை அசைத்துப் பார்க்கவே போகிறது.

உளவியல் ரீதியாக இந்தப் போட்டியில் தோற்றால் இந்தியாவிற்கு வென்றாக வேண்டுமென்ற உத்வேகம் இல்லாமல் போய்விடும் (killer instinct).

இந்தியா எல்லாப் போட்டிகளும் வெல்லும் என்றே எண்ணிக்கொண்டிருக்கிறோம். எதிர்பார்த்துக் கொண்டிருக்கிறோம். ஆனால் அது எல்லா நேரத்திலும் நடக்கிறதா என்றால் இல்லை என்று தான் சொல்லலாம்.

தென்னாப்பிரிக்காவுடன் நாம் தோற்றவுடன் எனக்கு முதலில் தோன்றியது 2003 உலகக் கோப்பை தான். அப்போது லீக் போட்டிகளில் ஆஸ்திரேலியாவுடன் தோற்றோம். ஆனால் இறுதியில் ஆஸ்திரேலியாவை எதிர்கொண்டோம். இப்போது சவுத் ஆப்ரிக்காவுடன் தோற்றிருக்கிறோம். இறுதியில் அவர்களை எதிர்கொள்ளலாம். அப்போது பான்டிங் போல் இப்போது ஸ்மித். எது வேண்டுமானாலும் நடக்கலாம். ஆனால் நாம் வெற்றி பெற வேண்டும் என்ற ஆசை மட்டும் எப்போதும் உள்ளது.

நம்பிக்கை தானே சார் வாழ்க்கை....

முதல் சுற்றின் முக்கியமான போட்டி

2011-03-17T00:38:00.000+04:00

பி-பிரிவில் காலிறுதிக்கு முன்னேறிய ஒரே அணி தென்னாப்பிரிக்கா மட்டுமே. மற்ற நான்கு அணிகளில் எந்த மூன்று அணிகள் காலிறுதிக்குத் தகுதி பெறும் என்ற முக்கியமான முடிவு இந்தப் போட்டியில் இருக்கிறது.

வெஸ்ட் இண்டீஸ் - ஆறு புள்ளிகள் பெற்று இருந்தாலும், இனி வரும் இரு போட்டிகளும் பெரிய அணிகளுக்கு எதிராக, ஒரே மைதானத்தில். நாளைய போட்டியில் இங்கிலாந்தை வீழ்த்திவிட்டால் இந்தியா பங்களாதேஷ் ரசிகர்களும் சேர்ந்து நன்றி சொல்வார்கள். பங்களாதேஷில் சிறப்புப் பிரார்த்தனைகளே துவங்கியிருப்பார்கள் இந்நேரம். வெஸ்ட் இண்டீஸின் பலம் என்று எதையுன் அறுதியிட்டுக் கூறி விட முடியாது. ரோச் தனது வேகத்தால் நெதர்லாந்து, பங்களாதேஷ் அணியைத் திணறடித்தார். அந்த வேகம் இங்கிலாந்து பேட்ஸ்மென்களுக்கு எதிரில் எடுபடுமா என்பது சந்தேகம். சென்னை எப்போதும் வேகப்பந்து வீச்சாளர்களுக்குக் கை கொடுத்தது இல்லை. ஆகவே இரண்டு ஸ்பின்னர்களோடு மூன்றாவதாக கிறிஸ் கெயிலின் பார்ட் டைம் ஸ்பின்னையும் உபயோகப் படுத்தலாம். வழக்கம் போல பென் இரண்டாவது ஓவர் போடுவார் என்றும் எதிர்பார்க்கலாம்.

பேட்டிங்கில் வெஸ்ட் இண்டீஸில் “அடித்து” ஆடக்கூடியவர்கள் அதிகம் இருக்கிறார்கள். ஆனால் அவர்கள் கன்ஸிஸ்டண்டாக ஆடக் கூடியவர்களா என்று கேட்டால் இல்லை என்றுதான் சொல்ல வேண்டும். நாளைய ஆட்டத்தில் அனுபவம் மிக்க சந்தர்பாலும் சர்வனும் பிரகாசிக்கலாம். பூம் பூம் கெயிலும், பூம் பூம் பூம் போலார்டும் ஸ்வானை எப்படி எதிர்கொள்கிறார்கள் என்பதைப் பொறுத்தே வெஸ்ட் இண்டீஸின் வெற்றி இருக்கிறது.

இங்கிலாந்துக்கு இது வாழ்வா சாவா போட்டி. இந்தப் போட்டியில் வெற்றி பெற்றால் மட்டுமே அடுத்த சுற்றுக்குப் போக வாய்ப்பு (உறுதி இல்லை) இருக்கிறது என்பதால் இந்த அணி தன் முழுத் திறமையையும் காட்டி ஆடும் என்பதில் எந்த மாற்று எண்ணமும் இல்லை. ஆனால் கெவின் பீட்டர்சனின் பார்ட் டைம் ஆஃப் ப்ரேக், தென்னாப்பிரிக்காவுடன் வெற்றியைத் தேடித் தந்த பந்துவீச்சு, இல்லாதது இங்கிலாந்துக்கு ஒரு பெரும் குறையே. ஸ்பின்னுக்கு ஸ்வானை மட்டுமே நம்பியிருப்பது இங்கிலாந்துக்கு பின்னடைவே. மற்ற ஸ்பின்னர்கள் யாரும் எதிர்பார்த்த அளவு பிரகாசிக்கவில்லை என்பது ஸ்ட்ராஸை யோசிக்க வைக்கும் விசயங்கள். எதிர்பாராத வகையில் நன்றாக பந்து வீசி வரும் டிம் ப்ராஸ்னன் இந்தப் போட்டியிலும் கை கொடுப்பார் என்று நம்புவோம்.

பேட்டிங் பொறுத்த வரையில் இந்த தொடரில் இதுவரை அதிக ரன்கள் குவித்த முதல் ஐந்து வீரர்களில் இரண்டு இங்கிலாந்து வீரர்கள் இருக்கிறார்கள். ரோச்சை அடித்து நொறுக்கும் பவர்ஃபுல் பேட்ஸ்மென்கள் வரிசை கட்டி இருக்கிறார்கள். ஸ்பின் பவுலிங்தான் பெரும் பிரச்சனை. தென்னாப்பிரிக்காவுக்கு எதிராக நடந்ததைப் போல நடக்க வாய்ப்பு மிக அதிகம். (இடது கை பந்து வீச்சாளர் பீட்டர்சன் முதல் ஓவரிலேயே இரண்டு விக்கெட்டுகள் எடுத்ததை மறக்க வேண்டாம்). வெஸ்ட் இண்டீஸில் நல்ல லெக் ஸ்பின்னர் இல்லாதது இங்கிலாந்துக்கு சாதகமே.

இந்தப் போட்டியில் டாஸ் மிக மிக முக்கியம். சென்னையின் ட்யூ ஃபேக்டர் உலகப் பிரசித்தி பெற்றது. இரண்டாவதாக ஃபீல்டிங் செய்யும் அணியின் சுழற்பந்து வீச்சாளர்களுக்கு இந்த ட்யூ மிகுந்த இடையூறாக இருக்கும் என்பதச் சொல்லத் தேவையில்லை. டாஸ் வெல்லும் அணி ஃபீல்டிங் எடுக்கவே வாய்ப்புகள் அதிகம்.

மொத்தத்தில் கிரிக்கெட் ரசிகர்களுக்கு நல்லதொரு விருந்து காத்திருக்கிறது.

போட்டோ டூன்ஸ்

2011-03-14T19:24:00.005+04:00

ஸ்டார்டிங் நல்லாத்தான் இருக்கு..! ஆனா பினிஸிங் இல்லையப்பா..!!

2011-03-12T21:23:00.011+04:00

அருமையாகப் படித்து விட்டுத் தேர்வெழுதச் சென்றானாம் ஒருவன், கேள்வித்தாளைப் பார்த்தால் அனைத்தும் மிக மிக சுலபமான கேள்வியாம், அட இந்தக் கேள்விக்கெல்லாம் பதில் எழுத எனக்கு சில நிமிடங்களே போதுமே எனக்கெதற்கு மணிக்கணக்கான நேரமென்று, எழுத ஆரம்பித்தவன்...நேரம் முடியும் போது முதல் மதிப்பெண் எடுக்க வேண்டியவன், தேர்வில் தோல்வியைத் தழுவினால் எப்படியிருக்குமோ...அப்படி இருந்தது..இன்றைய இந்தியா, தென்னாப்பிரிக்கா இடையேலான போட்டியில் இந்தியாவின்

நிலை...:-(

ஆட்டம் ஆரம்பித்ததும் டெண்டுல்கர், சேவாக் அதிரடியில் ஆட்டம் கண்டது, நாக்பூர் அரங்கம். ஒவ்வொரு இந்திய ரசிகனும் அனுபவித்து பார்க்க வேண்டிய அந்த ஆரம்ப கட்ட, ஆட்டம் உண்மையில் வரலாற்றில் பதிக்கப்பட வேண்டிய ஒன்று..!டெண்டுல்கரும், சேவாக்கும் சேர்ந்தாடும் போது, வழக்கமாக டெண்டுல்கர், பொறுமையை கடைபிடிப்பார்...அந்தப் பொறுமை இன்று மிஸ்ஸிங்க். பத்து ஓவர்களில் 87 ரன்கள், 33 பந்துகளில் டெண்டுல்கரின் அரைசதம் என அதிரடியாக ஆரம்பித்த ஆட்டம், சேவாக்கின் விக்கெட்டிற்குப் பிறகு சற்று நிதானமானது..

38 வது ஓவரில் இந்தியா தேர்ந்தெடுத்த பவர் ப்ளேவில் அருமையான ஸ்கோரை பெற்றிருக்க வேண்டிய இந்தியா, அதில் சட சட வென விக்கெட்களை பறி கொடுத்தது, ரசிகர்களை ஏமாற்றியது மட்டுமில்லாமல் இந்த பேட்டிங் மற்றும் பௌலிங்கை வைத்தா நம்ம அணி, ஆஸ்திரேலியா,

பாகிஸ்தான், மற்றும் இலங்கை போன்ற ஜாம்பவான்களை எதிர் கொள்ளப் போகிறது..? என்ற கேள்விகளையும் எதிர் கொண்டுள்ளது...( இதை ஆரம்பத்திலேயே நம்ம ஆடுகள குருப் கேட்க ஆரம்பிச்சது வேறு விசயம்)

ஒரு கட்டத்தில் 267 ரன்களுக்கு ஒரு விக்கெட் என்று இந்திய கிரிக்கெட் ரசிகர்களை, பேட்டிங்கில் இந்தியாவை அடிச்சிக்க யாராலும் முடியாது என்று மார் தட்ட வைத்த இந்திய அணி, சில நிமிடங்களிலேயே வெறும் 30 ரன்களுக்கு 9 விக்கெட்களை இழந்து பரிதாப நிலையைக் கண்டு ரசிகர்கள்..இந்திய அணி மீதான நம்பகத்தன்மையை இழந்தார்கள் என்பது மறுக்க முடியாத உண்மை.

அடுத்து விளையாட வந்த தென்னாப்பிரிக்கா அணிக்கு 297 என்பது ஒரு பெரிய இலக்கு இல்லை...இந்திய பவுலர்களும் அவர்களால் ஆன முயற்சியை

செய்தும், ( பாவம் அவர்களால் என்ன செய்ய இயலும்..?) கடைசி ஓவரில் தென்னாப்பிரிக்கா 3 விக்கெட்கள் வித்தியாசத்தில் வெற்றி பெற்றது.

மிகச்சாதாரணமாக வெற்றி பெற்றிருக்க வேண்டிய ஒரு போட்டியில் தோல்வியைத் தழுவியது இந்தியா...(இதில் தோற்றால் என்ன? நாம தான் நெதர்லாந்து, அயர்லாந்து போன்ற பலம் வாய்ந்த அணிகளுடன் போராடி வெற்றி பெற்றிருக்கிறோமே? :-) கென்யா, கனடா அணிகளையும் நம்ம குரூப்பிலே சேர்த்திருந்தா அவங்களை ட்ரா பண்ணியாவது எப்படியாவது காலிறுதிக்குள் சுலபமாக நுழைந்திருக்கலாம் .. சே வடை போச்சே..:-)

சரி இந்த தோல்விக்கு என்ன காரணம்...? நிபுணத்துவமாக உள்ளோடி யார் யாரையோ காரணம் சொன்னாலும், கடைசியில் இந்தப் பழியைத் தாங்க போவது டெண்டுல்கர் தான்...! ஆமாங்க அவர் என்ன தான் அடிச்சி, எவ்வளவு தான் ஸ்கோர் பண்ணினாலும் கடைசியில் அவர் செஞ்சுரி அடிச்சா, டீம் ஜெயிக்காது என்ற ஆருடம் தானே ஜெயிக்கிறது..! இப்போதும் வழக்கம் போல டெண்டுல்கர் மேலே பழியை போட்டு விட்டு போயிட்டே இருக்க வேண்டியது தான்...! ( எத்தனை பெரியார் வந்தாலும் இதை நிறுத்த முடியாது ராசா...)...:-)

என்ன நடக்கும் இனி???

2011-03-12T01:20:00.001+04:00

முதல்ல எல்லாரும் எழுந்து நின்னு கைத்தட்டிக்குவோம். எட்டு விக்கெட் போனதும் அம்புட்டுத்தான்னு அல்லாரும் முடிவு பண்ணியாச்சி. ஆனாலும் டென்ஷன் ஆவாம ஒரு ஓவர் பாக்கியிருக்கும்போதே மேட்சை முடிச்சி வச்ச மஹமதுல்லாவுக்கும் ஷஃபியுல் இஸ்லாமுக்கும் ஸ்பெஷல் பாராட்டுகள். இங்கிலாந்து நிலைமை இப்போ ரொம்ப மோசமாயிடுச்சி.

பங்களாதேஷின் இந்த வெற்றிக்குப் பிறகு க்ரூப்-பி என்னவாகும்? என்ன வேணும்னாலும் நடக்கலாம். எந்த எந்த டீம் செமிஃபைனலுக்குப் போவும்னு சொல்றது கஷ்டம்தான்.

1. இந்தியா disqualify ஆக வாய்ப்பிருக்கா??

இருக்கு. எப்படி? இந்தியா இனி வர்ற ரெண்டு மேட்சுமே தோத்து, பங்களாதேஷ், ரெண்டு மேட்சுமே ஜெயிச்சி, இங்கிலாந்து வெஸ்ட் இண்டீஸை நல்ல ரன் ரேட் வித்தியாசத்துல ஜெயிச்சா, இந்தியாவுக்கு ஆப்பு. ஆனா இது நடக்குறது கொஞ்சம் கஷ்டம்தான். இந்தியா ரெண்டுல ஒரு மேட்ச் கண்டிப்பா ஜெயிச்சிரும். அதுனால இது ஒரு ஆப்சனே இல்லை.

இப்போ பங்களாதேஷ், நெதர்லாந்து கூடவும், தென்னாப்பிரிக்கா கூடவும் ஜெயிக்க முயற்சி செய்யணும். அவங்க நல்ல நேரம் தென்னாப்பிரிக்கா கூட அவங்க ஆடும்போது இங்கிலாந்து-வெஸ்ட் இண்டீஸ் மேட்ச் முடிஞ்சிருக்கும். அதை வச்சி அவங்க ஜெயிச்சே ஆகணுமா, இல்ல தோத்தாக்கூட போதுமானு முடிவு செஞ்சிக்கலாம்.

இங்கிலாந்து, வெஸ்ட் இண்டீஸைத் தோக்கடிக்கிறது மட்டுமில்லாம, தென்னாப்பிரிக்கா பங்களாதேஷையோ, இல்லை இந்தியா வெஸ்ட் இண்டீஸ் கூடயோ தோக்கணும்னு ப்ரே பண்ணிட்டே இருக்கணும்.

தென்னாப்பிரிக்கா இனி இருக்கிற மூணு போட்டியில ரெண்டு போட்டியில ஜெயிச்சாக்கூட போதும். அந்த ரெண்டு போட்டியில ஒரு போட்டி பங்களாதேஷ் கூடவா இருந்துட்டா அவங்களுக்கு ரொம்பவே சேஃப்.

வெஸ்ட் இண்டீஸ்க்கு இனி ரெண்டு மேட்சுமே பெரிய டீமோட. அதுல ஒரே ஒரு மேட்சாவது ஜெயிச்சிட்டாங்கன்னா போதும். அந்த டீம் இங்கிலாந்தா இருந்தா அவங்க ப்ளேஸ் சேஃப்.

ஆக எல்லாத்துக்கும் பாஸிபிளிட்டி இருக்கிற க்ரூப்பா க்ரூப்-பி மாறி உலகக் கோப்பைப் போட்டித் தொடருக்கு ஒரு சுவாரஸ்யத்தைக் கொண்டு வந்திருக்கிறது கிரிக்கெட்டுக்கும் உலகக் கோப்பைக்கும் நல்லது.

ஒரு முக்கியமான விசயம் இதுல என்னன்னா, இதுக்கெல்லாம் அடி போட்டது, அயர்லாந்தோட வெற்றி. ஐசிசி அசோசியேட் நாடுகளை அடுத்த உலகக் கோப்பையில சேத்துக்கிறதில்லைங்கிற முடிவை அவங்க மறுபரிசீலனை செய்யறது நல்லது.

இனி நாளைய மேட்சைப் பார்ப்போம். இந்தியா இதுவரைக்கும் தோல்வியைச் சந்திக்கவே இல்லைன்னாலும், இமாலய வெற்றி இன்னும் பெறவே இல்லை. பவுலிங் ரொம்பவே வீக்கா இருக்கு. நெதர்லாந்து கூடவும், அயர்லாந்து கூடவுமே சரியா விளையாடாத இந்தியாவோட டாப் ஆர்டர், தென்னாப்பிரிக்காவோட கேர்ஃபுல்லா ஆடுவாங்கன்னு எதிர்பார்க்கலாம். ஆனா, டாப் ஆர்டர் நல்லா ஆடுனா மிடில் ஆர்டர் கடைசியில சொதப்பிடுது. நாளைக்கி எல்லா டிபார்ட்மெண்ட்ஸும் சரியா ஆடணும். அனேகமா சாவ்லாவுக்கு பதிலா அஷ்வின் உள்ள வரலாம். நெஹ்ராவுக்கு பதிலா முனாஃப் பட்டேல் உள்ள வரலாம். இந்தியாவோட ஃபீல்டிங் இன்னும் இம்ப்ரூவ் ஆகணும்.

தென்னாப்பிரிக்கா இங்கிலாந்து கூட தோத்த அதிர்ச்சியில இருந்து மீண்டு வந்திருப்பாங்க. C டேக் எப்போ அவங்களை விட்டுப் போகுமோ தெரியலை. அவங்களோட டாப் பவுலர் இம்ரான் தாஹிரும் இஞ்சூர்டா இருக்கிற இந்த நிலமையில அவங்க பவுலிங்கும் கொஞ்சம் வீக்காத்தான் இருக்கும். காலிஸ் இந்தியாவோட நடந்த டெஸ்ட் தொடருக்கு அப்புறம் இன்னும் பழைய ஃபார்முக்கு வரலை. தன்னோட ஃபேவரைட் ஆப்பொனண்ட்ஸ் கூட காலிஸ் பழைய ஃபார்மை மீட்டெடுப்பாரா?? எ.பி.டிவில்லியர்ஸ் ஸ்பின் ஆடுறதுல புலி. ஆம்லா ஆசிய பிட்சஸ்ல இந்திய பவுலர்ஸை எதிர்கொள்ளக் கூடிய திறன் படைச்ச ஆள். தென்னாப்பிரிக்காவோட ஃபீல்டிங் வழக்கம்போல சிறப்பாவே இருக்கு.

இந்த ப்ளஸ் மைனஸ் எல்லாம் பார்க்கும்போது தென்னாப்பிரிக்காதான் இந்த மேட்சுல ஃபேவரைட்ஸ்னு தோணுது. ஆனா கிரிக்கெட்ல என்ன வேணும்னா நடக்கலாம்.

நாளைக்கி சில பல பத்திரிகைகள் இப்பிடி எழுதும் - “Last time when Sachin faced these opponents in Indian soil in an ODI, he scored a 200".

Anyways, ஒரு பரபரப்பான போட்டி காத்துட்டு இருக்கு.

பதிவிட்டவர்,

முகிலன்

என்ன அடி.. என்ன அடி...

2011-03-09T09:01:00.004+04:00

பல்வேறு பிரச்சனைகளோடு உலகக்கோப்பைக்கு வந்த பாக்கிஸ்தான், அதிரடியான இரண்டு வெற்றிகளால் எல்லாருக்கும் ஆச்சர்யம் கொடுத்தது. இதுல என்னங்க இருக்கு ஆச்சர்யப்பட. பாக்கிஸ்தான் எப்போவும் இப்படித்தான். அவங்க எப்ப ஜெயிப்பானுங்க எப்ப தோத்துப்போவனுங்கன்னு அவனுங்க 'மேட்சை ஃபிக்ஸ்' பண்ற புக்கிக்கே தெரியாது.

ரெண்டு ஆட்டத்தை வென்றவுடனே பாக்கிஸ்தான் அணி என்னமோ வலிமையான அணின்னு பேச ஆரம்பிச்சுட்டாங்க. அதுக்கு ஒரு சின்ன எச்சரிக்கையா அமைஞ்சதுதான் கனடா ஆட்டம். எப்படியோ தட்டு தடுமாறி 180+ ஓட்டங்களை எடுக்கவிடாம ஜெயிச்சுட்டாங்க. அப்பவே மண்டைக்குள்ள மணி அடிச்சுச்சு. பாக்கிஸ்தானும் (இந்தியாவும் என பிராக்கெட்ல போட தேவையில்லைன்னு நினைக்கிறேன்) தேறுவது மாதிரி தெரியலன்னு. காரணம், அவங்க பந்துவீச்சுல அஃபிரிடி தவிர வேற யாரும் பெருசா கிழிக்கிற மாதிரி தெரியல. அப்புறம், தொடக்க ஆட்டமும் ரொம்ப பலவீனமா இருக்கு.

நினைச்ச மாதிரியே கனடா தவற விட்டதை நியுசிலாந்து செய்து காட்டிடுச்சு. கடைசி அஞ்சு ஓவர்ல 100 ரன்ஸ். என்ன அடி... என்ன அடி!!! இதுக்கு நம்ம இந்திய பந்துவீச்சே பரவாயில்லை(நம்மள நல்லவனா ஆக்கிட்டாய்ங்களே) போல. இப்போதைக்கு ஆஸ்திரேலியா தவிற வேற எவனும் தேருற மாதிரி தெரியல.

இன்னிக்கு இந்திய அணிக்கு ரொம்ப கடினமான சோதனை. நமக்குத்தான் சோமாலியா கூட ஆடுனாலும் ஆட்டம் 'டஃப்'பா இருக்குமாமே. சாயாக்கடையில பேசிக்கிட்டாய்ங்க. :)

நான் சொல்றது சரியா ??

2011-03-06T04:59:00.002+04:00

இன்றைய ஆட்டங்கள் க்ரூப் பியின் முக்கியமான ஆட்டங்கள் ஆகும். இந்தியாவுடன் டையும், அயர்லாந்துடன் தோல்வியும் கண்ட இங்கிலாந்து அணி வலிமையான தென்னாப்பிரிக்க அணியை எதிர்த்து மோதவிருக்கிறது. இந்த உலகக் கோப்பையின் சிறந்த வேகப் பந்துவீச்சு இணையை கொண்டுள்ள அணி இது. ஸ்டெயின் ஒருபுறம் அதி வேக அவுட்ச்விங்கர்களில் பயமுறுத்தினால் உடம்புக்கு குறிவைத்து பவுன்சர்களை போடுவதில் மார்க்கல் வல்லவர்.

இவர்களை அடுத்து புதிய வரவான தாகிர் . இவரது பந்துவீச்சை எப்படி இங்கிலாந்து எதிர் கொள்கிறது என்பதை பொறுத்திருந்துதான் பார்க்கவேண்டும். ஏற்கனவே கவுண்டி மேட்ச்களில் இவரை அவர்கள் விளையாடி இருக்கலாம். அடுத்து தென்னாப்ரிக்காவின் பேட்டிங். இப்போதைக்கு வலுவாகத் தெரிகிறது. இதுவரை நடந்த இரண்டு ஆட்டங்களிலும் நன்றாகத் தான் விளையாடி உள்ளனர். இங்கிலாந்து பந்து வீச்சாளர்கள் ஒழுங்காக பந்து வீசாவிட்டால் எப்படியும் முன்னூறு ரன்களுக்கு மேல் குவித்து விடுவார்கள். எனவே இங்கிலாந்து ஜெயிப்பதும் தோற்பதும் அவர்களுடைய பந்து வீச்சாளர்களின் கையில்தான் உள்ளது.

அதேபோல் பேட்டிங்கில் பீட்டர்சன் சொதப்பாமல் ஆட வேண்டும். முப்பது நாற்ப்பது ரன்கள வேகமா அடிப்பது பின் அவுட் ஆவது என்பதை மாற்றி களத்தில் நிலைத்து நின்று ஆட முயற்சிக்கவேண்டும். அணியிங் மிடில் ஆர்டர் ரொம்ப பலவீனமா இருக்கு , கடைசி நேரத்தில் இந்தியாவை விட மோசமா சரியாறாங்க. எனவே ட்ராட் கடைசி வரை நின்று ஆட முயற்சி செய்தால் நல்லது. அதேபோல் கொளிங்க்வுத் அணிக்கு தேவையா என்று யோசிக்க வேண்டும். பந்துவீசும் சரியில்லை, பேட்டிங்கும் இல்லை அவருக்கு பதில் ரவி பொப்பாராவை சேர்க்கலாம் என்பது என் கருத்து.

பீல்டிங்கில் தென்னப்ரிகா சிறந்த என்பதால் அவர்கள் 330 அடித்தால் அது 350 க்கு சமம். ஆனால் இங்கிலாந்தின் பீல்டிங் இந்தியாவைப் போன்றுதான் இருக்கிறது. இந்தப் போட்டியில் இங்கிலாந்து தோற்றால் ,அவர்களது நிலை இன்னும் மோசம் ஆகும். அதே சமயம் ,பங்களாதேஷ்,அயர்லாந்து அணிகளுக்கு காலிறுதியில் நுழைய வாய்ப்புகள் இருக்கும்.

என்னை பொறுத்தவரை இந்தப் போட்டியில் இங்கிலாந்து தோற்க விரும்புகிறேன். புதுசா ஒரு அணி காலிறுதிக்கு வரட்டுமே. என்ன நான் சொல்றது சரியா ??

அன்புடன் எல்கே

“கிரிக்கெட்” பற்றி உனக்கென்ன தெரியும்..?

2011-03-05T13:54:00.008+04:00

“நீங்க கண்டிப்பா எதாவது உடற்பயிற்சி செய்தே ஆக வேண்டும் அட்லீஸ்ட் உங்களுக்கு பிடித்த கேம்மாவது விளையாட வேண்டும்…உங்களுக்கு எந்த விளையாட்டு பிடிக்கும்…?”

“கிரிக்கெட் டாக்டர்”

“ரொம்ப நல்லதா போயிற்று ஒரு வாரம் தொடர்ச்சியா கிரிக்கெட் விளையாடுங்க..ஒரு வாரம் கழிச்சி வாங்க டெஸ்ட் பண்ணி பாத்துடலாம்…கண்டிப்பா வெயிட்டுலே ஒரு மாற்றம் தெரியும்”

உடம்பு குறைக்கும் நோக்கில் டாக்டரை சந்தித்த, நம்ம ஹீரோ, அதன் பின் ஒரு வாரமாக ஒரே கிரிக்கெட் தான்…

“தம்பி தீயா விளையாடனும்னு” அவருக்கு அவரே உற்சாகப் படுத்திக் கொள்வார்…ஒரு வாரம் முடிந்த்து…தெரிந்த வரை அவர் உடல் எடையில் ஒரு மில்லி மீட்டர் கூட குறைந்ததாகத் தெரியவில்லை. டாக்டரை சந்தித்தார்.."

டாக்டர் வெயிட் செக் பண்ணினார்…பெரு மூச்சு விட்டார்.. ஒரு கிலோ ஏறியிருந்தது..!

“என்ன நான் சொன்ன படி செஞ்சீங்களா?”

“ ஆமா டாக்டர், தினமும் ஒரு மணி நேரம் கிரிக்கெட் விளையாடி விட்டுத்தான் மறு வேலை”

“நீங்க பேட்ஸ் மேனா? பௌலரா..?

“எல்லாமே நான் தான் டாக்டர்”

“ஆல் ரவுண்டரா அப்படின்னா கண்டிப்பா குறைஞ்சிருக்கணுமே…? ஆமா யார் கூட விளையாடுறீங்க?”

“ ஆஸ்திரேலியா, பாகிஸ்தான், இலங்கை அல் மோஸ்ட் எல்லா டீமோடையும்”

டாக்டருக்குத் தலை சுற்றியது..சுதாரித்துக் கொண்டு,

“அடடே இப்ப வெல்லாம் உள்ளூர் டீமுக்கே இண்டர் நேஷனல் அளவுக்கு பேர் வச்சிடுறீங்களா..?வாரம் முழுதும் விளையாடுனீங்களா? இல்லை இடையிலே லீவு எதாவது…?”

“ஒரே ஒரு நாள் பவர்கட் அன்றைக்கு மட்டும் விளையாட வில்லை”

“பவர்கட்டா? நீங்க என்ன டே நைட் மேட்சா விளையாடுறீங்க..!! ?

“என்ன டாக்டர் விவரம் இல்லாமே கேட்குறீங்க..? ஒரு நாள் முழுவதும் பவர் கட், யூபிஸ் கூட ஒரு மணி நேரம் தான் தாங்கும்,, இதுலே எப்படி கம்ப்யூட்டரை ஆன் பண்ணுறது..?

“கிரிக்கெட் விளையாட எதுக்கு கம்ப்யூட்டர்..?”

கம்ப்யூட்டர் கேம் விளையாட கம்ப்யூட்டர் இல்லாமே எப்படி டாக்டர் ..?
என்னது கம்ப்யூட்டர் கேமா ? நீ இவ்வளவு நேரம் கம்ப்யூட்டர் கேம் கிரிக்கெட் பத்தித்தான் பேசிக்கிட்டிருந்தீயா..? என்று டாக்டர் மயக்கம் போட்டு விழுந்தார்…

என்னைத் தெரிந்தவர்கள் இந்தக் கதையை படித்தால் உன் சொந்தக் கதையா இது..? என்று கேட்பார்கள் அந்த அளவிற்கு எனக்கும் இந்தக் கதைக்கும் எனக்கும் நிறைய தொடர்பு உண்டு...:-)

பாஸ்ட் பௌலர் நவ்பலுடன் இந்த ஆடுகளத்தைப் பற்றி பேசிக் கொண்டிருந்த வேளை, நீங்களும் ஆடுகளத்தில் எழுதுங்களேன்ன்னு ..ஒரு உரிமையுடன் என்னைக் கேட்ட போது…”அட இன்னுமா இந்த உலகம் நம்மை நம்புதுன்னு தான் தோன்றியது”வீடியோ கேம் கிரிக்கெட் விளையாடிக் கொண்டிருக்கும் நானும், அவ்வப்போது நம்ம அணியினரை விமர்சிப்பேன். ( நம்ம அணியை விமர்சிக்க அந்தத் திறமை போதும்னு சொல்லிடாதீங்க) நண்பர்கள் டெண்டுல்கர், பாஜி, தோனி , சேவாக் ஆகியோர் பொறுத்துக் கொள்ள வேண்டும்..:-)

இண்டர்நேசனல் ப்ளேயருக்கு டேமேஜ் அதிகமா இருக்காதுன்னு நம்பறேன்…:-) நமக்கெல்லாம் களத்துலே இறங்கி விளையாடுறதுன்னாத்தான் அலர்ஜி, மற்றபடி களத்துக்கு வெளியே இருந்து விமர்சிப்பதுன்னா…நம்ம ஆளுங்களை மிஞ்ச முடியாது ..:-) இல்லேன்னா ரவிசாஸ்திரி மாதிரி ஆட்களெல்லாம் இப்ப மைக்கை பிடிச்சுக்கிட்டு ஒரு ஓவருக்கு இருபது ரன் எடுக்குறவங்களையெல்லாம் கமெண்ட் பண்ண முடியுமா..?.:-) ( அவரெல்லாம் ஒரு மேட்ச் முழுதும் நின்றாலே அவ்வளவு தான் எடுப்பார்.:-)). அந்த வரிசையில் நானும் இப்ப இந்த குழுவுடன் மைக்கை பிடிச்சுவிட்டேன்…

இனி கிளப்புடா தம்பி கிளப்புடா…:-)

அன்புடன்
கீழைராஸா

அயர்லாந்து vs இங்கிலாந்து

2011-03-03T10:38:00.000+04:00

உலகக்கோப்பையின் வேகமான சதத்தை அயர்லாந்து வீரர் அடிப்பாரென்றும், அயர்லாந்து இரண்டாவதாக பேட் செய்து அதிகமான ஸ்கோரை அடித்து வெல்லும் என்றும் நேற்று மாலை வரை யாரவது சொல்லியிருந்தால் அவரை அனைவரும் பைத்தியக்காரன் என்றே நினைத்திருப்பர். ஏன், அயர்லாந்து வீரர்களே சிரித்திருப்பார்கள் .

ஆனால், இந்த இரண்டு ரெக்கார்டுகளும் இன்று அயர்லாந்து வசம். முதலில் பேட் செய்த இங்கிலாந்து அணி 327 ரன்கள் அடித்தபொழுது, அனைவரும் இங்கிலாந்து எளிதில் வென்றுவிடும் என்றுதான் எண்ணி இருப்பார்கள். அதேபோல்தான் தொடக்கத்தில் அயர்லாந்தின் ஆட்டமும் இருந்தது . ஸ்டெர்லிங் சிறிது அடித்து ஆடினாலும் , சீக்கிரம் ஆட்டமிழந்து விட்டார். பாதி ஓவர்கள் முடிந்த நிலையில் இருநூறு ரன்களுக்கும் மேல் தேவைப்பட்டது,பாதி வீரர்களும் அவுட் ஆகிவிட்டனர்.

இந்த நிலையில்தான் கெவினின் ருத்ர தாண்டவம் ஆரம்பம் ஆகியது. முதலில் ஸ்வானின் சுழற்பந்துவீச்சில் இரண்டு சிக்சர்கள் அடித்தார். அப்பொழுது கூட யாரும் அதை பெரிதாக எடுத்துக் கொள்ளவில்லை. எப்படியும் சிறிது நேரத்தில் ஆட்டம் இழந்துவிடுவார் என்றே எண்ணினார்கள். 32 ஆவது ஓவரில் பேட்டிங் பவர்ப்ளேயை எடுத்த கெவின் மற்றும் குஷாக் இணை ஐந்து ஓவர்களில் 62 ரன்கள் குவித்தனர். இந்த ஐந்து ஓவர்கள்தான் ஆட்டம் மாற அடித்தளமாக அமைந்தது. தொடர்ந்து அடித்து ஆடிய கெவின் உலகக்கோப்பை வரலாற்றில் வேகமான சதத்தை அடித்தார். ஐம்பது பந்துகளில் தனது சதத்தை பூர்த்தி செய்தார்.

அவருக்கு உறுதுணையாக ஆடிய குஷாக் 47 ரன்கள் அடித்த நிலையில் ரன் அவுட் ஆனார். அவர் அவுட் ஆனப் பின் களமிறங்கிய மூனி துவக்கத்தில் சிறிது தடுமாறினாலும் , வெற்றிக்கு 12 ரன்கள் தேவைப்பட்டநிலையில் கெவின் அவுட் ஆனபின் பதட்டம் அடையாமல் நிதானமாக ஆடி அயர்லாந்தை வெற்றிப் பெற வைத்தார்.

அயர்லாந்து வெற்றிபெற கெவினின் ஆட்டம் முக்கியக்காரணமாக இருந்தாலும், இங்கிலாந்து பேட் செய்தபொழுது கடைசி ஐந்து ஓவர்களில் 30 ரன்கள் மட்டுமே அடித்ததும் ஒரு காரணம். பீல்டிங்கிலும் இங்கிலாந்து அதிகக் கேட்ச்களை தவறவிட்டது அயர்லாந்தின் வெற்றிக்கு வழிவகுத்தது.

எந்த அணியாக இருந்தாலும், லேசாக எடைப்போடக் கூடாது என்பதும், எத்தனை ரன்கள் அடித்தாலும் வெற்றி உறுதி இல்லை என்பதும் இந்த ஆட்டத்தின் படிப்பினைகளாகும்.

அயர்லாந்தின் வெற்றி மீதம் இருக்கும் ஆட்டங்களை முக்கிய ஆட்டங்களாக மாற்றி உள்ளது . இங்கிலாந்து இனி அனைத்து ஆட்டங்களையும் குறிப்பாக பங்களாதேஷ் உடனான ஆட்டத்தில் வெற்றி பெற்றே தீர வேண்டும்.இல்லையெனில் காலிறுதியில் நுழைவது அவர்களுக்குக் கடினமாகி விடும்.

அன்புடன் எல்கே

சச்சினும் இந்தியாவும் - எழுச்சியின் வரலாறு

2011-03-01T15:44:00.001+04:00

எனக்கு சச்சினைப் பிடிக்காது. ஆனா சில சமயங்கள்ல சச்சின் இல்லாத இந்திய அணியை நினைச்சுப் பார்க்கவே முடியாது. இன்னைக்கு சச்சினைப் பத்தின ஒரு ஆர்ட்டிகிள் பார்த்தேன். அப்படியே வாயடைச்சுப் போயிட்டேன். உண்மைலேயே சச்சின் நமக்கெல்லாம் கிடைச்ச கிஃப்ட்.

நாம தான் சரியா உபயோகிக்கல...

பாகிஸ்தான் டெஸ்ட்ல முதுகுல பெல்ட் கட்டிக்கிட்டு கடைசி 14 ரன் எடுக்க முடியாம அவுட்டான போது பாகிஸ்தான் நாடே அழுதிருக்க சான்ஸ் இருக்கு. சச்சினோட கமிட்மெண்டுக்கு எனது சல்யூட்.

இப்ப நாம ஆர்ட்டிகிளுக்கு வருவோம். இந்த ஆர்ட்டிகிள் வந்திருக்கிற இடம் த டைம்ஸ் ஆஃப் இந்தியா. ஆர்ட்டிகிளின் தலைப்பு

சச்சினும் இந்தியாவும் : இரண்டு பெரும் எழுச்சியின் வரலாறு

http://timesofindia.indiatimes.com/articleshow/7598432.cms

மனஸ் குப்தா எழுதிய அந்தக் கட்டுரையின் ஒவ்வொரு வரியும் உண்மையை அப்படியே எடுத்துரைக்கிறது. அவ்வப்போது சச்சினை அதிகம் புகழவும் செய்கிறது :-)

1990களில் தான் இந்தியாவின் பொருளாதாரம் ஒரு பெரும் மாற்றத்தை சந்தித்தது. அப்போது தான் மன்மோகன் சிங்கும், சச்சினும் தங்களின் பயணத்தை ஆரம்பித்தனர். - Quote

இவர்களின் முயற்சி இந்தியாவிற்கு உலக அரங்கில் ஒரு முக்கிய இடம் பெற்றுத் தரும் என்று அப்போது தெரிந்திருக்க வாய்ப்பு இருந்திருக்காது என்றே தோன்றுகிறது. - Unquote

கவாஸ்கர் இந்தியாவை தோல்வியிலிருந்து மீட்கப் பார்த்தார் என்றால் சச்சின் வெற்றிக்காக உழைத்தார். ரிச்சர்ட்ஸின் அடிதடியும், கவாஸ்கரின் நுணுக்கமும், கபில்தேவின் இதயமும் கொண்டவர் லிட்டில் மாஸ்டர். வயதான பெண்மணிகள் பிரார்த்திக்கவும், வேலை செல்லும் ஆப்பீசர்கள் ஓபி அடிக்கவும், இளம் தலைமுறைக்கு உத்வேகமாகவும் அவதரித்தார் சச்சின் - Quote

ஷார்ஜாவின் மணற்புயல் போல் சச்சின் ஆடும் ஆட்டம்... சென்செக்ஸ் 10000 புள்ளிகள் உயர்வு. இந்தியாவின் அன்னிய செலவாணியும் சச்சினின் சென்ஞ்சுரிகளும் ஒரு சேர உயர ஆரம்பித்தன. ஒரு முறை ஸ்டீவ் வாக் சொன்னது, "நாங்கள் சச்சினிடம் தோற்றுவிட்டோம்". - Quote

இந்தியாவின் சாஃப்ட்வேர் கம்பெனிகள் தங்கள் முத்திரையை பதிக்க ஆரம்பித்த போது, இந்தியாவும் வெளி நாடுகளில் வெற்றிக் கனியைப் பறிக்கத் தொடங்கி இருந்தது.. அதன்பிறகு நடந்ததை உலகம் அறியும். - Quote

20 ஆண்டுகள் கடந்துவிட்டது. கீச்சுக் குரல் கொண்ட சிறுவன் தற்போது லெஜண்ட். உலகின் வேகமான வளரும் பொருளாதாரம் கொண்ட நாடுகளில் நாமும் ஒன்று. - Quote

சச்சினின் சாதனைகளில் இதுவரை கேட்டிராத சில:

778 பௌலர்கள் சச்சினுக்கு பந்து வீசி இருக்கிறார்கள். அதில் 528 பேரால் சச்சினை அவுட்டாக்க இயலவில்லை. ஒரு முறை கூட.
இதுவரை 1145 மணி நேரம் சச்சின் பிட்சில் நின்றிருக்கிறார்.
இதுவரை 711 கிமீ ஓடி இருக்கிறார். (ரன் எடுக்க ஓடியவை மட்டும்)

இந்தியாவின் சாதனைகளில் சில:

1992ல் சென்செக்ஸ், ப்ரைவேட் ஏர்லைன்ஸ் எல்லாமும் ஆரம்பமானது.
ஐபிஎல் ஆரம்பம் 2008
உலகின் விலை குறைந்த கார் நானோ - 2010

என்னதான் சொன்னாலும், சச்சின் 100 போட்டா அந்த மேட்ச் இந்தியா தோத்திடும்னு தான் சொல்லப் போறேன் :)

நாய் வாலை............ :)

இந்தியாவுக்கு காத்திருக்கிறது ஆப்பு

2011-02-28T16:09:00.000+04:00

விடிய விடிய ராமாயணம் கேட்டு சீதைக்கு ராமன் சித்தப்பன்னானாம் ஒருத்தன். அது சரி விடிய விடிய ராமாயணம் சொல்லி தூக்கத்த கெடுத்தவனுக்கு அந்தத் தண்டைனையக் கூட கொடுக்கலைன்னா ராமாயணம் கேட்டதுக்கு என்ன அர்த்தம்? ராமாயணம்னா ”காத்தடிக்குது காத்தடிக்குது” பாட்டுல பிரபுதேவா & co ஆடி காட்டுவாங்களே அத்த மாதிரி சும்ம அஞ்சு செகண்ட்ல சொல்லணும். இப்படி தினுசு தினுசா யோசிச்சு உதாரணம் கொடுத்தாலும் நேத்து இந்திய கிரிக்கெட் ரசிகர்களுக்கு நடந்தது உச்சக் கட்ட கொடுமை. பத்து மணி நேரம் டிவிக்கு முன்னாடி உட்கார்ந்து எச்சில் பண்ணி கடிச்ச நகமெல்லாம் போக, மேட்ச் பாத்த எல்லாருக்கும் இன்னைக்கு மிஞ்சினது நல்லா சோப்புப் போட்டு கழுவின பின்னாடியும் எஞ்சியிருக்கும் விரல் வீச்சந்தான்.

”பவுலிங் கொஞ்சம் சொதப்பல். ஆனா சாகீர் இருக்கிறதனால கொஞ்சம் வலுவானதா இருக்கும்”, “எட்டு பேட்ஸ்மேன் இருக்கோம்ல ஹர்பஜனையும் சேர்த்து அதனால பேட்டிங்க்ல நாம வலுவான அணிதான். பேட்டிங்கை வச்சு ஜெயிச்சிரலாம்.”, “டெண்டுல்கர் எப்படியும் அடுத்த உலகக்கோப்பைக்கு இருக்கப் போறதில்ல. இந்த வருஷம் எப்படியும் வாங்கணும்னு விளையாடுவாரு. அதனால கண்டிப்பா ஜெயிச்சிருவோம்.”, “தோனிகிட்ட என்னமோ ஒண்ணு இருக்குய்யா, என்னத்தையாவது பண்ணி ஜெயிக்க வச்சிர்ராம்ல” இப்படியாக பட்டிதொட்டி எங்கும் ஒரே விதமான குரல்களைக் கேட்க முடிகிறது.

எதிரணி எந்த அணியா இருந்தாலும் 300க்கு மேல அடிக்கும் வலுவான பேட்டிங் லயனப் இருக்கலாம். டெண்டுல்கர் அடிச்சு ஆடலாம், கோப்பையை ஜெயிக்கனுங்கிற கனவோட வழக்கத்திற்கு மாறாக அஞ்சு சிக்ஸர், அதுவும் சிறந்த ஸ்பின் பவுலர்னு சொல்ற ஸ்வான்னை அநாயசமாக விரட்டலாம். தோத்திட்டிருந்த மேட்ச்சை இந்தியா பக்கம் திருப்பினாண்டா சாகீர்னு இனி சாகீர் புகழ் எக்ஸ்ட்ரா டெஸிபலில் ஒலிக்கலாம். தோனி திடீர்னு லெக் ஸ்பின்னர் டீமுக்கு தேவைனு அவருக்கே உரித்தான அந்த குணகத்தை வெளிப்படுத்தலாம். எல்லாம் நினைத்தது போல நடந்தாலும் வெற்றி நினைத்தது போல கிடைக்காமல் போகலாம் என்பதற்கு நேத்து இந்திய அணிக்கு விழுந்த அடி ஒரு உதாரணம். இது ஒரு அபாய மணி. குறைகள் களையப்படாமல் இருந்தால் எதிர்பாராத சமயத்தில் களையமுடியாத சந்தர்பத்தில் நம்மை பாதிக்கும்னு சொல்வாங்க. நம்ம பவுலிங் தேராது, இவங்களை வச்சிட்டு உலகக்கோப்பை ஜெயிக்கிறது கஷ்டம்னு ஏற்கனவே பேசினாலும், இன்னைக்கு வரைக்கும் பெரிசா ஒரு மாறுதலும் வரலை. அதிலும் ஆஷிஷ் நெஹ்ராவுக்கு ஆட்டதுக்கு முன்னாடி ஃபிட்னஸ் இல்லாம போகுமா அல்லது ஒரு ஓவர் போட்ட பின்னாடி ஃபிட்னஸ் இல்லாம போகுமான்னு இன்னும் யாருக்கும் தெரியல. முதல்ல அறிவிச்ச பதினைஞ்சு பேர் கொண்ட அணியில இல்லாம இருந்த ஸ்ரீசாந்த்தான் உலகக் கோப்பைல இந்திய அணியின் முதல் ஓவரைப் போட வேண்டிய நிர்பந்தத்தில இந்திய அணி இருக்கு. முணாஃப் படேல் கோயில்ல கொடுக்கிற சக்கரைப் பொங்கல் மாதிரி! நமக்கு யோகம் இருந்தா முந்திரிப்பருப்பு வரும் இல்லைன்னா ஒழுங்கா பிசையாம கிடைக்கும் சோற்றுக்கட்டி.

எப்பேற்பட்ட எதிரணியா இருந்தாலும் எட்டிலிருந்து பத்து ஓவருக்கு மேல் ஒரு விக்கெட்டை எடுக்காமலிருந்தால் அது ஆபத்தானது. இது ஆட்டத் தொடக்கத்தில் நடந்தால் இன்னும் மோசமான விளைவுகளைத் தரும். அதற்கு நேற்றைய ஆட்டம் ஒரு உதாரணம். முதலில் ஸ்ட்ராஸ்-பீட்டர்சன் ஜோடியை பத்து ஓவருக்கு (9.3 ஓவர்) ஆட விட்டார்கள். பின்னர் ஸ்ட்ராஸ்-இயான் பெல் ஜோடியை 20 ஓவருக்கு மேல் (26 ஓவர்) ஆட விட்டார்கள். இதில் சத்தம் அதிகமா இருந்ததால் ஸ்ட்ராஸ் எட்ஜ் கேட்காமல் போனதென சப்பைக்கட்டு வேறு (http://www.rediff.com/cricket/report/world-cup-2011-strauss-edged-it-twice-but-indians-didnt-appeal/20110228.htm). இங்கிலாந்தை இந்தியாவுக்கு நிகரான அணியென நம்பாமல் இந்திய ரசிகர்கள் இருக்கலாம். ஆனால் நேற்றைய ஆட்டம் தொடங்கும் முன்பே ஷேன் வார்னே ட்வீட்டியது “Looking forward to the game between india and England today should be a cracker.. My prediction a tie!”. ஷேன் வார்னே சொன்ன அளவிற்கு நூறு சதவிகிதம் துல்லியமாக முடிவு தெரியாமல் போனாலும் இங்கிலாந்து அணி இந்திய அணிக்கு இப்படியொரு சவாலைத் தருமென்று யாரும் கணித்திருக்க மாட்டார்கள். இந்திய அணி பவுலிங்கில் ஜிம்பாப்வேவைவிட மோசமான நிலையிலிருக்கிறது. ஜிம்பாப்வே கூட உலகக்கோப்பையில் இதுவரையிலும் எதிரணியின் ஒரு விக்கெட்டை எடுக்க 26 ஓவர் எடுத்துக்கொண்டதில்லை.

பலவீனம் தெளிவாக கண் முன் தெரிகிறது. பவுலிங்க்கு சாகீரை மட்டுமே நம்பி இருக்கலாகாது. எவ்வளவு நல்ல பவுலராயிருந்தாலும் அவனாலும் ஒரளவிற்கு மட்டுமே அணியை காப்பாற்ற முடியும். 338 ரன் அடித்தாலும் பவுலிங் மோசமாகயிருந்தால் எதிரணி எளிதாக வெற்றியடைய வாய்ப்பிருக்கிறது. இன்னும் உலகக்கோப்பை நாக் அவுட் சுற்றுக்களில் நுழைந்து விட்டால் இந்த பவுலிங்கை நம்பி இந்தியா வெற்றி பெருமென்று கனவு கண்டுகொண்டிருக்க முடியாது. இரண்டே வழி. ஒன்று பவுலிங்கை கொஞ்சம் வலுவானதாக்குவது. அது இனிமேல் நடப்பது கொஞ்சம் கஷ்டம். ஒருவேளை ஆசிஷ் நெஹ்ரா முழு உடல் தகுதியுடன் வந்து ஒழுங்காக பந்து வீசி சாகீருக்கு தகுந்த இணையாக இருந்தால் நடக்கலாம். இரண்டாவது, டாஸ் ஜெயித்தால் பவுலிங்கை தேர்வு செய்து எதிரணி எவ்வளவு அடித்தாலும் நமது பலமான பேட்டிங்கைக் கொண்டு சேஸ் செய்வது. இல்லையென்றால் நாக் அவுட் சுற்றில் ஏதேனும் ஒரு எதிரணி வீரர் 150+ ஸ்கோர் அடித்து இந்தியாவை தோற்கடிக்க அதிக வாய்ப்பிருக்கிறது.

”Do onto others as they would do onto you; only do it first!”னு சொல்வாங்க. தோனிக்கு இவ்விஷயம் இந்நேரம் தெரிந்திருக்கலாம். அல்லது தோனி இந்நேரம் இப்படியும் யோசித்துக் கொண்டிருக்கலாம். எதற்கும் ஷேன் வார்னேவிடம் கோப்பையை இந்தியா வெல்லுமாவென ஆரூடம் கேட்டு வையுங்கள்.

எழுதியவர்: கோ.கணேஷ்

இந்தியா - இங்கிலாந்து அலசிக் காய்ப் போடுதல்

2011-02-28T09:14:00.000+04:00

இந்த வேர்ல்ட் கப் சீரிஸ் ஆரம்பிக்க முன்னாடி எல்லாரும் (நான் உட்பட) இந்தியாவுக்கு கப் ஜெயிக்க வாய்ப்பு நிறைய இருக்கிறதாச் சொல்லிட்டு இருந்தாங்க. இந்த மேட்சுக்கு அப்புறம் நிறைய பேருக்கு (இங்கயும் நான் உட்பட) அந்த நம்பிக்கை பொடிப்பொடியாகியிருக்கும்.

ஸ்ட்ராங்கஸ்ட் பேட்டிங் லைன் அப்னு எல்லாரும் சொல்றாங்க. ஆனாலும் சச்சின் அவுட்டானதும் சீட்டுக்கட்டு மாதிரி சரியிறது இன்னும் (22 வருசமா) மாறவேயில்லையே? இதுவா ஸ்ட்ராங்க் பேட்டிங் லைன் அப்?

சரி முதல்ல இருந்து வருவோம். உலக அதிசயமா தோனி டாஸ் ஜெயிச்சிட்டாரு. அதுக்கே அவருக்கு மேட்ச் ஜெயிச்ச மாதிரி ஒரு சந்தோசம். எல்லாரும் எதிர் பார்த்த மாதிரி பேட்டிங் எடுத்தாரு. ஸ்ட்ராஸ் நான் டாஸ் ஜெயிச்சிருந்தா பேட்டிங்தான் எடுத்திருப்பேன்னு சொன்னாரு. (நல்ல வேளை ஜெயிக்கலை. ஜெயிச்சிருந்தா 400 ரன் அடிச்சிருப்பாய்ங்க).

இண்டியாவோட பேட்டிங்ல இன்னைக்கு சிறப்பம்சம்னா சச்சின் செஞ்சுரிதான் (இன்னொரு க்ரூப்பு சச்சின் 100 அடிச்சதாலதான் இந்த மேட்ச இந்தியா ஜெயிக்கலைன்னு சொல்லுவாய்ங்க). ஆரம்பத்துல சேவாக் அடிக்க, அடுத்து கம்பீர் அடிக்க, தல அடக்கிவாசிச்சிட்டு இருந்தாரு. ஒரு கட்டத்துல அவரோட ஸ்ட்ரைக் ரேட் 60 தான் இருந்தது. அப்ப பேட் மாத்தினாரு. அதுக்கப்புறம் அந்த பேட்ல இருந்து ரன் மழைதான். என்னைக்கும் இல்லாத திருநாளா 5 சிக்ஸ் அடிச்சாரு. அதுவும் ஸ்வான் செகண்ட் ஸ்பெல் வரும்போது ரெண்டு ஸ்லாக் ஸ்வீப் சிக்ஸ் அடிச்சி தல அவரை வரவேற்ற விதம் இருக்கே..ஆகா ஓகோ.. அட்டகாசம். தல அவுட்டாகும்போது அவர் ஸ்கோர் 115 பால்ல 120 ரன். அவர் அவுட்டாகிப் போனதுக்கப்புறம் தோனியும் யுவராஜும் கொஞ்ச நேரம் தடவினாங்க. கடைசியில 11 ரன்னுக்கு 4 விக்கெட் குடுத்து (டிம் ப்ரெஸ்னனுக்கெல்லாம் 5 விக்கெட்டு) 338 ரன் எடுத்து 49.5 ஓவர்லயே ஆல் அவுட் ஆகிட்டாங்க. கண்டிப்பா சச்சின் ஆடிட்டிருந்த வேகத்துக்கு 40-50 ரன் கம்மியாத்தான் எடுத்திருந்தாங்க.

சரிதான், வார்ம் அப் மேட்ச்ல ஆஸ்திரேலியாவுக்கு எதிரா இருநூத்திச் சொச்ச ரன்னையே டிஃபண்ட் செஞ்சாங்களே, 338 டிஃபண்ட் செய்ய மாட்டாங்களாங்கிற என் போன்ற ரசிகர்களோட நினைப்புல மண்ணு லாரியவே கொட்டினாய்ங்க ஸ்ட்ராஸும், கே.பியும். கே.பி யுவராஜ் வரத் தேவையில்லாமலே முனாஃப் பட்டேலுக்கு ஒரு ஆச்சரிய அதிர்ச்சி விக்கெட் குடுத்துட்டு அவுட்டாகிப் போனாரு. ஆனா, அது ஆட்டத்தோட போக்குல எந்த மாற்றத்தையும் கொண்டு வரலை. ஸ்ட்ராஸ் ஒரு பக்கம் அடி வெளுத்துக்கிட்டு இருக்க, இந்தப் பக்கம் ட்ராட் அவருக்குக் கம்பெனி குடுத்துட்டு இருந்தாரு. ஒரு வழியா ட்ராட்டை சாவ்லா தூக்கிர, அடுத்து வந்த இயான் பெல் ஸ்ட்ராஸுக்குக் கம்பெனி குடுத்தாரு. ரெண்டு பேரும் சேர்ந்து இந்தியாவோட கையில இருந்து வெற்றியை ரொம்ப தூரத்துக் கொண்டு போயிட்டு இருந்தாங்க.

இதுக்கு நடுவுல UDRSஇன் ஷார்ட்-கமிங் வெள்ளிடை மலையாத்(நாங்களும் இந்த வார்த்தையை உபயோகிச்சிட்டோம்ல) தெரிய வச்ச ஒரு சம்பவம் நடந்தது. ப்யூஷ் சாவ்லா போட்ட பந்து இயன் பெல்லோட கால்ல பட, அம்பயர் நாட் அவுட் குடுத்துட்டாரு. இந்தியா அதை ரிவ்யூ செஞ்சாங்க. ப்ளம்ப் எல்பியா இருந்தாலும், பெல்லோட கால் ஸ்டம்ப்ல இருந்து 2.5 மீட்டருக்கு மேல இருந்ததால ஹாக் ஐ டெசிசனை ஃபீல்ட் அம்பயர் டெசிஷன் ஓவரைட் செஞ்சிருமாம் (ஏன்னா இந்த தூரத்துக்கு ஹாக் ஐ அக்யூரசி குறைவா இருக்கும்). அதுனால நாட் அவுட் குடுத்துட்டாங்க. பெல் கிட்டத்தட்ட பெவிலியன் போயிட்டாரு. ஒரு வேளை அது அவுட்டாகியிருந்தா கதை வேற மாதிரி ஆகியிருக்கலாம்.

அதுக்கப்புறம் இங்கிலாந்து பேட்டிங் பவர் ப்ளே எடுக்க, ஜாகிர் கான் வந்து அடுத்தடுத்து பெல்லையும், ஸ்ட்ராஸையும் அவுட்டாக்கி இந்தியாவுக்கு ஒரு நம்பிக்கையைக் கொண்டு வந்தாரு. மேட்சும் டைட்டாப் போச்சி. கடைசி ரெண்டு ஓவருக்கு 29 ரன் எடுக்க வேண்டியிருந்த நிலையில ப்யூஷ் சாவ்லா வந்து ரெண்டு சிக்ஸ் குடுத்து இங்கிலாந்துக்கு ஒரு ஹோப் குடுத்தாரு. கடைசி ஓவர்ல 14 ரன் எடுக்க வேண்டியிருந்த நிலையில பந்து போட வந்தாரு முனாஃப் பட்டேல். ஷஹாசத் அடிச்ச அந்த ஒரு சிக்ஸலயே இந்தியா தோத்துரும்ங்கிறது உறுதியான நிலையில இங்கிலாந்து தடவி ஒரு வழியா டைல முடிச்சாங்க.

இன்னைக்கி இந்தியாவோட எந்த டிப்பார்ட்மெண்டுமே ஒழுங்கா ஆடலை. பேட்டிங்க்ல 338 ரன் எடுத்திருந்தாலும், ஆட ஆரம்பிச்ச வேகத்துக்கும், “ஸ்ட்ராங்க் பேட்டிங் லைன் அப்”ங்கிற டேகுக்கும் இது பிலோ பார் ஸ்கோர்.
இந்த டோர்னமெண்ட்ல பர்ஸ்ட் பத்து ஓவர்ல இன்னைக்கி இங்கிலாந்து எடுத்த 77 ரன் தான் அதிக பட்ச ஸ்கோர். இதுல இருந்தே இந்தியாவோட பவுலிங் எவ்வளவு மோசமான நிலமையில இருக்குங்கிறதும் தெரியுது. ஃபீல்டிங்கும் மோசமா இல்லைன்னாலும் ரொம்ப ஆவரேஜ் ஃபீல்டிங்.

முதல்ல இந்தியா இந்த ஓட்டைகளை அடைக்கணும். 5 பவுலர்களோட ஆடுறது கூட தப்பே இல்லை. மூணு ஸ்பின்னர், ரெண்டு பேஸ் பவுலரோட வர்றது முயற்சிக்கலாம். அஷ்வினை டீமுக்குள்ள கொண்டு வந்து பவுலிங் ஓப்பன் செய்ய வைக்கிற ஒரு ஆப்ஷனையும் முயற்சி செஞ்சி பார்க்கலாம். அடுத்த போட்டி அயர்லாந்தோட. இதையெல்லாம் முயற்சி செஞ்சி பார்க்க இந்தப் போட்டி நல்ல ப்ளாட்ஃபார்மா இருக்கும். செஞ்சி பார்ப்பாங்களா?

யாருக்கு வேணும் இந்த உலகக்கோப்பை??

2011-02-28T08:20:00.000+04:00

முன்னெப்போதும் போல் இந்த உலக கோப்பை என்னிடம் பெரிய ஆர்வத்தையோ எதிர்பார்ப்பையோ ஏற்படுத்தவில்லை. ஒருவேளை அளவுக்கு அதிகமான போட்டிகளாலோ, இந்திய அணியின் மீது பெரிய எதிர்பார்ப்பு இல்லாததினாலோ, இரண்டு மூன்றாண்டுகளாக என்னை புதியதாய் தொற்றியிருக்கும் புகைப்படக்கலையின் மீதுள்ள ஆர்வத்தினாலோ இருக்கலாம். அது மட்டுமல்ல... கிரிக்கெட் விளையாடி இரண்டு ஆண்டுகள் ஆகிவிட்டதை என்னால் கூட நம்ப முடியவில்லை. ஏதோ ஒன்று இங்கு எழுதவும் தடுத்தே வந்திருக்கிறது. ஒரு வழியாக சில நாட்களுக்கு முன் நண்பன் சுபைர் மற்றும் சில இணைய நண்பர்களினுடனான உரையாடல் முலம இத்தளம் மீண்டும் உயிர்பெற்றிருக்கிறது. எனக்கும் எழுத சிறிய நாட்டம் வந்துள்ளது.

20 ஓவர் போட்டிகளால்... எங்கே டெஸ்ட் போட்டிகள் அழிந்து விடுமோ என என் போன்றோர் கவலையுற, பாதிக்கப்பட்டதென்னவோ ஒருநாள் போட்டிகளே. எனக்கும் கூட ஒருநாள் போட்டிகளில் நாட்டம் குறைந்துள்ளது. இப்படி ஒரு சூழலில் இந்த உலகக்கோப்பை தொடங்கியுள்ளது. இதன் தொடக்க வார போட்டிகளும் மந்தமாகவே இருந்தன.

எந்த அணிக்கு இந்த உலகக்கோப்பை தேவை? அதவாது ஏதோ ஒரு வகையில்... எந்த நாட்டில் இந்த உலகக்கோப்பை வெற்றி கிரிக்கெட்டை உயிர்பிக்கும் என பார்த்தால்.... பண பலத்தாலும் நம்மைப் போன்ற கிரிக்கெட் பைத்தியங்களும் இருக்கும் வரை இந்தியா இதை வென்றாலும் இல்லையென்றாலும் இந்தியாவில் கிரிக்கெட்டிற்கு ஒரு பாதிப்பும் இல்லை. கேவலமாக தோற்றாலும் நம்மால் கிரிக்கெட்டை ஒதுக்க முடியாது. இந்தியாவின் தற்போதைய முதன்மை வணிகமே கிரிக்கெட்தான். அப்புறம்... ஆஸ்திரேலியா, தென் ஆப்பிரிக்கா, இலங்கை, இங்கிலாந்து போன்ற நாடுகளின் பலமான கிரிக்கெட் உட்கட்டமைப்பால் கிரிக்கெட்டிற்கு உ.கோப்பை வெற்றி இல்லையென்றாலும் பாதிப்பு இருக்காது. நியுசிலாந்து அணிக்கு தற்போதைய ஒரே பிரச்சனை அணித்தலைவர் மட்டுமே. அதுவும் விரைவில் சரியாகிவிடும் என நம்பலாம். அதனால் அவர்களின் எதிர்கால கிரிக்கெட்டும் நெருக்கடியில் இல்லை.

ஆனால், ஒரு காலத்தில் முடி சூடா அரசர்களாக இருந்த மேற்கிந்திய அணிக்கும், பாகிஸ்தான் அணிக்கும் பல்வேறு வகைகளில் சமீப காலமாக கிரிக்கெட்டில் நெருக்கடி இருந்துகொண்டே இருக்கிறது. மே.இந்திய இளைஞர்களின் இரத்தத்தில் ஊறியிருந்த கிரிக்கெட் ஆர்வம் இப்போது குறையத்தொடங்கியுள்ளதாம். மே.இந்திய தென்னை மரங்களை உலுக்கினால் முன்போல் வேகப்பந்து வீச்சாளர்கள் விழுவதில்லை. அவர்கள் கூடைப்பந்து, பேஸ்-பால் ஆட்டங்களை விரும்ப தொடங்கியிருப்பதாக சொல்கிறார்கள். பல நாடுகளை ஒருங்கிணைத்து போவதே பெரிய பாடாகியுள்ளதாம். பாகிஸ்தானிலோ... அரசியல் சூழல், போதை அடிமைகள், மற்ற அணிகள் அங்கு சென்ற விளையாட முடியாத சூழ்நிலை போன்றவை அவர்களின் கிரிக்கெட்டை மிகவும் பின்னோக்கி தள்ளியிருக்கிறது. இரு அணிகளுக்குமே இருபது நாட்களுக்கு முன் வரை அணித்தலைவர் யாரென்பதே முடிவில்லாத நிலை.

இந்த இரண்டு அணிகளிலும் ஒரு காலத்திலும் திறமைக்கு பஞ்சம் இருந்ததில்லை. இவர்களுடைய மக்களுக்கு கிரிக்கெட்டின் மீது மீண்டும் பழையது போல் ஆர்வத்தை ஏற்படுத்தவும், அவர்கள் கிரிக்கட் அமைப்பை வலுப்படுத்தவும் உ.கோப்பை வெற்றியைப்போல் வேறெதுவும் உதவாது.

நம்மை போன்ற ஆர்வலர்களுக்கும் கிரிக்கெட் என்பது இந்தியா, ஆஸ்திரேலியா, இங்கிலாந்து, இலங்கை, தெ.ஆ - யோடு குறுகிய இடத்தில் சுழலாமல் வேகப்பந்து வேங்கைகளின் மண்ணிலும் ஒளிரவேண்டும் என்ற எண்ணம் ஈடேறும். நடக்குமா?

டெப்யூ சென்சுரி - நூறாவது சிறப்புப் பதிவு

2011-02-27T11:27:00.001+04:00

ஆடுகளம் ஆரம்பித்து நாட்கள் மிக வேகமாக ஓடிவிட்டது. சுமார் 95 பதிவுகள் எழுதி, தன் சொந்தப்பணி காரணமாக ரிட்டையர்ட் அனவ்ன்ஸ் செய்யும் நிலையில் இருக்கும் நவ்ஃபல் இந்த தளத்திற்கு புது வடிவம் கொடுக்க நினைக்கிறார்.

அதனால் இன்று முதல் இந்த தளம் நவ்ஃபல் மட்டுமல்லாது மேலும் சிலரின் பங்களிப்புடன் செயல்படத் துவங்குகிறது.

பங்களிப்பாளர்கள் பற்றிய குறிப்பு:

கேப்டன்

ஆரம்பித்த நபர் என்றாலும் புதிதாய் வருபவர்களை வாரி அணைத்து வழிநடத்தும் வல்லமை பெற்ற நண்பர் நவ்ஃபல் தான் இந்த வலைப்பூவின் கேப்டன்.

நவ்ஃபல், அமீரகத்தில் கணினி வல்லுனராக பணியாற்றிக் கொண்டிருக்கிறார். கிரிக்கெட் ஆடுவதில் மிக்க ஆர்வம் உள்ளவர். கிரிக்கெட் பற்றி பேசுவதிலும். புகைப்படக் கலை மீது மிக்க ஆர்வம் கொண்டு கேமிராவும் கையுமாய் எந்நேரமும் காணலாம்.

பிடித்த ப்ளேயர்கள்: ஸ்டீவ் வாக், வாசிம் அக்ரம், அசாருதீன், சவ்ரவ் கங்குலி, சேவாக், கும்ப்ளே & டிராவிட்

பிடித்த அணி: இந்தியா & ஆஸ்திரேலியா (By default)

துணை கேப்டன்:
இந்த வலைப்பூவின் துணை கேப்டன் அகமது சுபைர்.

இவர் தொழிலால் கட்டுமானப் பொறியாளர். மேலாண்மையில் ஆய்வியல் நிறைஞர் (அதான்ப்பா M.Phil.). புறத்திட்டு மானகை வல்லுநர் (அதான்ப்பா PMP). தற்போது அமீரகத்தில் வசிக்கும் இவர், வெண்பா பாடல்கள் எழுதுவதில் வல்லவர். சுபைரின் பக்கங்கள் என்ற வலைப்பூவும் வைத்திருக்கிறார். கல்லூரி அளவில் கிரிக்கெட் ஆடிய அனுபவமுள்ளவர்.

பிடித்த ப்ளேயர்: ராகுல் ட்ராவிட்
பிடித்த ஷாட்: கவர் ட்ரைவ்
பிடித்த டீம்: இந்தியா

ஓபனர்:
அணியின் நம்பிக்கை நட்சத்திரம் தினேஷ்.

முதுகலைக் கணினிப் பயன்பாட்டியல் பயின்று, பிறப்பது ஓரிடம் பிழைப்பது வேறிடம் என்ற தமிழனின் தலையெழுத்துக்குத் தப்பாமல் பெரியண்ணன் ஊரில் திட்ட மேலாளராக (Project Manager) ப்ரொக்ராம்மர் அடிமைகளை (நன்றி ஆசிஃப் அண்ணாச்சி) மேய்த்து வருகிறார். பள்ளி, கல்லூரி அணிகளுக்கு விக்கெட் கீப்பர்/ஓப்பனிங் பேட்ஸ்மேனாக ஆடிய அனுபவமுள்ளது.

பிடித்த ப்ளேயர்: சச்சின், சச்சின், சச்சின்.
பிடித்த கேப்டன்: தோனி
பிடித்த பவுலர்: வாசிம் அக்ரம்
பிடித்த ஷாட்: புல் ஷாட்
பிடித்த டீம்: இந்தியா & சென்னை சூப்பர் கிங்க்ஸ்

பிடிக்காத ப்ளேயர்: ஆஸ்திரேலிய அணியின் உடையை (டெஸ்ட் போட்டி என்றால் பச்சைத்தொப்பி) அணியும் எந்த வீரரும்

மிட்டில் ஆர்டர்:

நம்ம ஆடுகளத்தின் மிடில் ஆர்டர் நாயகன் எல்.கார்த்திக் (எல்.கே.)

கால் சென்டரில் அணித்தலைவர் , கல்லூரி படிக்கும்பொழுது துவக்க
ஆட்டக்காரராக ஆடிய அனுபவம் உண்டு

பிடித்த ப்ளேயர்: கங்குலி
பிடித்த கேப்டன்: கங்குலி
பிடித்த பவுலர்: கும்ப்ளே
பிடித்த ஷாட்: கவர் டிரைவ் & ஸ்ட்ரெய்ட் டிரைவ்
பிடித்த டீம்: இந்தியா & சென்னை சூப்பர் கிங்க்ஸ்
பிடிக்காத அணி : ஆஸ்த்ரேலியா

பௌலர்:

இந்த ஆடுகளத்தின் கதாநாயகன் கணேஷ்.

டெக்னிகல் புலியாக பெண்களூரில் வலம் வரும் இவர் கல்லூரி அளவிலான கிரிக்கெட் ஆட்டங்களும், நிறுவன அளவிலான ஆட்டங்களிலும் விளையாடி இருக்கிறார்.

பிடித்த பேட்ஸ்மென்: ரிக்கி பாண்டிங், ஜாக்ஸ் கல்லிஸ், மார்க் வாக்
பிடித்த பௌலர்: ஆலன் டொனால்ட், ஆம்ப்ரோஸ்
பிடித்த கேப்டன்: கங்குலி
பிடித்த அணிகள்: இந்தியா & ஆஸ்திரேலியா

இவர்கள் எல்லோரும் சேர்ந்து ஆடப்போகும் இந்த ஆடுகளத்தில் ஆக்ரோஷமான விவாதங்கள் நடக்கலாம். அப்படியே எதுவும் இல்லாமலும் போகலாம். எதிர்பார்த்துக் காத்திருங்கள்.

உலகக்கோப்பை நடக்கும் அத்தனை நாட்களிலும் ஒரு பதிவாவது எழுதிவிட வேண்டுமென்ற உத்வேகத்தில் புறப்பட்டிருக்கும் எங்களை வாழ்த்துங்கள். வளர்கிறோம்.

புலியின் பாய்ச்சல்

2011-02-26T16:01:00.001+04:00

நேற்றைய பங்களாதேஷ் - அயர்லாந்து போட்டியினைப் பார்த்தவர்கள் இதயம் இடம் மாறித் துடித்திருக்கும். போன முறை உலகக் கோப்பையில் 74 ரன்கள் வித்தியாசத்தில் தோல்வியுற்ற பங்களாதேஷ் முதலில் ஆடி 205 ரன்கள் மாத்திரம் எடுத்ததும் மனம் மிக வருத்தமுற்றது.

மிர்பூர் கூட்டத்தில் கூட சோபிக்காமல் இவர்கள் எதற்கு உலகக் கோப்பை ஆடவேண்டும்? என்ற எண்ணம் உண்டாகி இருந்தது. என் பக்கத்தில் இருந்த பங்களாதேஷ் நண்பனிடம் உதார் விட்டுக்கொண்டிருந்தேன். நீங்க முதல்ல எங்க ஊரு க்ரிக்கெட் டீமை ஜெயிச்சிட்டு அப்புறமா உலகக் கோப்பைல ஆடுங்கடா என்றெல்லாம் வெட்டி பந்தா பேசிக் கொண்டிருந்தேன்.

என்ன மாயம் நடந்தது என்றே யோசிக்க இயலாத பொழுதில் பட்டென்று ஆட்டம் சூடுபிடித்தது. இந்த ஆட்டத்தில் அஷ்ரஃபுல்லின் இரண்டு விக்கட்கள் யாரும் எதிர்பாராதது.

என்ன வேலைக்காக டீமில் சேர்ந்தோமோ அதைச் செய்யாமல் இன்னொரு வேலையில் சிறப்பாக விளையாடிய அஷ்ரஃபுல்லை என்ன சொல்ல?? ஒரு ரன்னுக்கு அவுட் ஆகி வயிற்றெரிச்சலைக் கொட்டிக்கொண்ட அஷ்ரஃப், இரண்டு விக்கட்டுகளை எடுத்து தன் இருப்பை நிலைநிறுத்திக் கொண்டார்.

அயர்லாந்து கட்டாயம் ஜெயித்துவிடும் என்ற நிலையிலிருந்து தோல்வியுற்றதை நிச்சயம் நான் எண்ணிப்பார்க்கவில்லை.

எதற்கும் பயப்படாமல், வெற்றியைக் குறிக்கோளாகக் கொண்டு, இறுதிவரை போராடி வெற்றி பெற்ற பங்களாதேஷுக்கு வாழ்த்துகள்.

வெற்றிகள் தொடரட்டும்.

இந்தியா vs இங்கிலாந்து

2011-02-26T07:50:00.001+04:00

கிட்டத்தட்ட இரண்டரை வருடங்கள் மூடிக்கிடந்த ஆடுகளத்தில் இன்று முதல் களம் இறங்குகிறோம் நாங்கள். உங்கள் ஆதரவு இருக்கும் என்ற நம்பிக்கையில்

உலகக் கோப்பை ஆரம்பித்து ஒரு வாரம் ஆகப் போகிறது. முதல் வாரப் போட்டிகளில் பெரிதாக அதிர்ச்சி தரும் வகையில் எந்த போட்டிகளும் அமையவில்லை. நெதர்லாந்து அணி மட்டும் இங்கிலாந்தை தோற்கடிக்கும் நிலைக்கு சென்றாலும் அனுபவம் இல்லாதக் காரணத்தால் வெற்றிப் பெற இயலாமல் போனது. நேற்றையப் போட்டியிலும் அயர்லாந்து அணி வங்காளதேசத்தை குறைந்த ரன்களுக்குள் சுருட்டினாலும் , வெற்றிப் பெற இயலவில்லை. மற்றப் படி அனைத்துப் போட்டிகளும் எதிர்பார்த்தவாறே அமைந்தன.

இன்றைக்கு இரண்டாவது வாரம் ஆரம்பிக்கிறது. இன்றையப் போட்டியில் இலங்கை பாகிஸ்தானை எதிர் கொள்கிறது. நாளை இந்தியா இங்கிலாந்து அணிகளுக்கு இடையேயான ஆட்டம் பெங்களுருவில் நடக்க உள்ளது.

நேற்றையப் பயிற்சியின் பொழுது சேவாகிற்கு அடிபட்டது இந்தியாவிற்கு பின்னடைவே. ஆனால் அவர் நாளைய ஆட்டத்தில் ஆடுவார் என்றுக் கூறப் படுகிறது. நாளை மதியம்தான் அவர் ஆடுவாரா இல்லையா என்ற விவரம் தெரிய வரும். அவர் ஆடாவிட்டால் அவருக்கு பதில் ரெய்னா ஆட வாய்ப்புகள் உள்ளது. அதே போன்று இந்தியா இரண்டு வேகப் பந்துவீச்சாளர்களுடன் ஆடவும் வாய்ப்புகள் அதிகம். இங்கிலாந்து பொதுவாக லெக் ஸ்பின்னர்களுக்கு எதிராக தடுமாறியுள்ளதாலும், இதே பெங்களுருவில் நடந்த பயிற்சி ஆட்டத்தில் நன்றாக பந்து வீசியதாலும் இரண்டாவது சுழற்பந்துவீச்சாளராக சாவ்லா ஆட வாய்ப்பு உள்ளது .

இந்திய அணியின் பலம் பேட்டிங் . எனவே டாஸ் ஜெயித்தால் முதலுள் பேட் சேது முன்னூறு ரன்களுக்கு மேலே அடிக்க முயற்சி செய்வார்கள். . பந்த்வீசை பொறுத்தவரை ஜாஹீர்க்ஹான்,ஹர்பஜனையே நம்பி உள்ளது. துவக்க ஆட்டத்தில் நன்றாக பந்து வீசியதால் முனாப் படேல் ஆட வாய்ப்புகள் உள்ளது.

இங்கிலாந்து அணியில் நட்சத்திர ஆட்டக்காரர்கள் ஆன பீட்டர்சன்,ட்ராட்,பெல் மீதே அனைவரின் கவனமும் உள்ளது. ஆனால் அணித்தலைவர் ஸ்ட்ராஸ் மற்றும் கோளின்க்வுட் இருவரும் இந்திய ஆடுகளங்களில் முக்கியமான வீரர்கள். ஸ்ட்ராஸ் அதிரடி ஆட்டக்காரர் இல்லை. ஆனால் களத்தில் நிலைத்துவிட்டால் அவரை அவுட் செய்வதுக் கடினம். அதே போன்றுதான் காளிங்க்வுட்டும் . அவரது பந்துவீசும் இந்திய ஆடுகளங்களுக்கு ஏற்றவாறு உள்ளது,.

இங்கிலாந்தின் பந்து வீச்சில் சுழற்பந்துவீச்சாளர் ச்வானை இந்தியா கவனமுடன் ஆடவேண்டும். இன்றைய சுழற்பந்துவீச்சாளர்களில் மிக அருமையாக பந்துவீசுபவர் என்றுப் பேசப்படுபவர் அவர். அதேபோல் பிராட் ,ஆண்டர்சன் போன்றோரும் சிறப்பாக பந்துவீசக் கூடியவர்களே. ஆண்டர்சன் பாலை ஸ்விங் செய்வதில் கில்லாடி. எனவே , இந்தியா டாஸ் ஜெயித்தால் முதலில் ஆடுவதுதான் சரியாக இருக்கும். மாலை நேரத்தில், பால் ஸ்விங் ஆக வாய்ப்புகள் உள்ளது.

கிட்டத்தட்ட சமபலத்தில் இருந்தாலும், பேட்டிங்கில் இந்தியா அதிகபலத்துடன் இருப்பதால் இந்தியா வெற்றிப் பெற வாய்ப்புகள் அதிகம்.

அன்புடன் எல்கே

வந்துட்டோம்ல!

2008-10-05T15:15:00.002+04:00

"வந்துட்டோம்ல!"... அப்படின்னு நம்ம 'தாதா' அணிக்கு திரும்பியதை பத்தி சொல்லலைங்க. அவர் எப்போ அணியிலிருந்து விலக்கப்பட்டிருந்தார் மீண்டும் திரும்பி வந்தார்னு சொல்றதுக்கு? ஏந்தான் இந்த ஊடகப்பசங்க அவரை போட்டு படுத்துறாங்களோ தெரியல. விட்டா கும்ப்ளே விக்கெட் எடுக்காவிட்டால் கூட தூக்குடா கங்குலியைன்னு சொல்லுவாங்களோ என்னமோ தெரியல. இதெல்லாம் ரொம்ப டூ மச்சா இல்லை? தாதா அணிக்கு மீள்வரவு (டிச - 2006-ன்னு நினைக்கிறேன்) ஆனதிலிருந்து இந்தியாவின் அதிக ஓட்டங்கள் எடுத்தவர் அவர்தான் என இங்குள்ள தினசரி புள்ளிவிபரம் கொடுத்திருந்தது. ஆனா அதே தினசரி அந்த செய்தியின் தலைப்பாக வைத்திருந்தது என்ன தெரியுமா? 'கங்குலிக்கு இறுதி வாய்ப்பு'. ஐயோ கொடுமை! இது போல தலைப்பையெல்லாம் கங்குலியும் சரி நாமும் சரி கடந்த கொஞ்ச காலாம பாத்துக்கிட்டுத்தான் வருகிறோம். நமக்கொன்றும் புதிதல்ல.

அதற்காக, கடந்த இரு தொடர்களைப் போலல்லாமல் தாதாவும் சரி அவரோட பங்காளிங்களும் (அதாங்க மூத்த வீரர்கள்) சரி 'வாம்மா மின்னல்!' மாதிரி பிட்சுக்கு வந்துட்டு போகாம, நிலைச்சு நின்னு ஆடனும். குறிப்பா நம்ம டிராவிட். அவரது ஆட்டத்தின் வீழ்ச்சியே நமது அணியின் அண்மைய மோசமான தோல்விகளுக்கும் வெற்றி வாய்ப்பை நழுவவிட்டைமைக்கும் காரணம் என்பது எனது எண்ணம். அவரது ஆட்டத்தை சுற்றியே நமது அணியின் பேட்டிங் உள்ளது என்பது சொல்லித்தெரிய வேண்டியதில்லை.

தேர்வு கமிட்டியின் தலைமைப் பொறுப்பில் நம்மூர்காரர் வந்ததுக்கு வாழ்த்துக்கள் சொல்லிக்கொள்வோம். பத்ரிநாத்தின் தேர்வும் ஸ்ரீகாந்தின் தலைமைப்பதவியும் ஒரு கோ-இன்ஸிடண்ட். அவரது தேர்வில் அரசியல் இல்லையென்றாலும், கிரிக்கெட்டில் அரசியலில்லை என்றெல்லாம் சொல்ல முடியாது. நாம் பத்து பேர் சேர்ந்து ஒரு அணியோ அல்லது அமைப்போ அமைக்கும் போது, அதில் அரசியல் இருக்கும் போது இவ்வளவு வருமானம் (பி.சி.சி.ஐ-யின் இந்தாண்டு வருமானம் 1000 கோடியாம்) வரும் அமைப்பினுள் அரசியலில்லாமல் இருக்குமா. இதெல்லாம் சகஜமப்பா!

இதற்கிடையில், ஒருவர் மீன் பிடிக்க சென்றதால் தனது அணியில் இடத்தை இழந்துள்ளார். அதனால் இலாபம் இந்தியாவிற்கே. சைமண்ட்ஸிற்கு இந்திய ரசிகர்கள் நன்றி சொல்லிக்கொள்ளும் விதமாக நிறைய தூண்டிலும் வலையும் அனுப்பி வைச்சு, இந்திய தொடருக்கு முன் மீன் பிடிக்க போகச்சொல்லலாம். நிச்சயம் ஆஸி-க்கு அவரது இழப்பின் வலி தெரியவரும். இருந்தாலும், இது போல கடுமையான தண்டனைகளை மற்ற அணி நிர்வாகங்களும் கடைபிடிக்கலாம் என்பது எனதெண்ணம்.

இம்முறை ஆஸி அணி சற்று வலு குறைந்ததாகவே காணப்படுகிறது. இந்தியாவிற்க்கு இம்முறை வெல்ல வாய்ப்பு கூடுதலே.

இன்னமும், 'வந்துட்டோம்ல' தலைப்புக் காரணம் சொல்லல இல்ல... அதாவாது நான் கடைசியாய் பதிவிட்டது கடந்த இந்தோ-ஆஸி தொடர் முடிவில். அதன் பிறகு இப்பத்தான் முதல் பதிவு. நம்ம மூத்த மிடில்-ஆர்டர் வீரர்களின் ஃபார்ம் மாதிரி கொஞ்ச நீண்ண்ண்ட ஓய்வெடுத்து விட்டேன். நான் திரும்பி வந்தது போல அவர்களது ஃபார்மும் மீண்டு(ம்) வரட்டும்.

இனியாவது அடிக்கடி இங்கு சந்திக்கலாம்.... :)

இந்தோ-ஆஸி தொடர்:- சில நினைவுகள்

2008-01-31T11:51:00.000+04:00

நடந்து முடிந்த இந்தியா - ஆஸ்திரேலியா தொடர் சில மறக்க முடியாத நிகழ்ச்சிகளை தந்திருந்தாலும் இந்தியாவை மீண்டும் வெறுங்கையுடனே திரும்ப அனுப்பியுள்ளது. ஆனால், கடந்த இரண்டு முறையும் ஆஸ்திரேலியாவில் இந்தியா சிறப்பாக விளையாடியதை யாரும் மறுக்க முடியாது. கடந்த (2003-04) முறை இந்தியாவின் தொடர் வெற்றிக்கு குறுக்கே நின்றவர் தனது கடைசி போட்டியில் விளையாடிய 'ஸ்டீவ்' வாஹ். இந்த முறை இந்தியாவின் வெற்றியை தட்டிப்பறித்தவர் (தனது கடைசி போட்டியில் நடுவராக??) 'ஸ்டீவ்' பக்னர் என்றால் மிகையில்லை. அடுத்த முறையாவது இந்தியா ஆஸ்திரேலியாவை நோக்கி பயணிக்கும் போது எந்த 'ஸ்டீவ்'வும் இல்லாமல் பார்த்துக்கொள்ளட்டும்.

இந்த தொடரின் இறுதியில் எனக்கு தோன்றிய சிலவை:

* ஆஷஸ் & இந்தோ - பாக் பகைமை (Rivalry) எல்லாம் காலாவதியாகிவிட்டது. இந்தோ-ஆஸிதான் இப்போ பெஸ்ட்.

* சேவாக்கிடம் இன்னமும் சரக்கு உள்ளது. இவர் ஒருவரால் இந்தியாவிற்கு கிடைக்க வேண்டிய வெற்றிகள் இன்னும் பல உள்ளன.

* இந்திய அணி நிர்வாகம் 'பேட்டிங்' என்ற பெயரில் இர்ஃபான் பத்தானின் டெஸ்ட் வாழ்க்கையையும் அழிக்கும் முயற்சியில் ஈடுபடுவதாக தெரிகிறது.

* சச்சினின் பேட்டிங்கின் பார்க்கும் போது இது ஒன்றும் அவருக்கு இறுதி ஆஸ்திரேலிய சுற்றுப்பயணம் போல் தெரியவில்லை. :)

* கும்ப்ளே இன்னும் கொண்டாடப்படாத நாயகனாகவே உள்ளார்.

* கங்குலி, டிராவிட், லட்சுமன் & கும்ப்ளே (கவனிக்கவும் சச்சின் இந்த லிஸ்டில் இல்லை) போனதிற்குப் பின் இந்திய டெஸ்ட் அணியின் நிலை மிகப்பெரிய ?

* ஆஸ்திரேலிய அணியை வெல்ல திறமை மட்டும் போதாது.

* மிகச்சிறந்த பேட்ஸ்மென்கள் ஃபார்முக்கு திரும்புவதை ஒரு கலை போல் வெளிப்படுத்துவார்கள். (டிராவிட் & பாண்டிங் )

* வார்னேக்குப் பின் ஆஸ்திரேலியாவின் சுழல் பந்துவீச்சு???? அக்டோபரில் ஆஸியின் இந்திய வருகைக்கு காத்திருக்கிறேன். ஒருவேளை மைக்கேல் க்ளார்க்கை ஆஸ்திரேலியா நம்புமோ? :)))

* வாயைக்கட்டினால் ஆஸ்திரேலிய அணியை யாராலும் காப்பாற்றமுடியாது.

* Perth is not Aussies Birth Right.

* ஐ.சி.சி மெதுவாக பி.சி.சி.ஐ-யின் பிடிக்குள்.

* ஆஸ்திரேலியர்கள் ஓய்வு பெறுவதில் மானமுள்ளவர்கள். கில்லியின் முடிவை மற்ற அணியின் பந்துவீச்சாளர்கள் திருவிழாவகாக்கூட கொண்டாடலாம். தவறில்லை. (என்ன பாடு படுத்துனாம்பா மனுஷன்! :) )

* ப்ரெட் லீ ஒன்றும் அத்தனை மோசமான பந்துவீச்சாளர் இல்லை. ஸ்டூவர்ட் க்ளார்க் ஒன்றும் அத்தனை அபாயகரமான பந்துவீச்சாளர் இல்லை.

இன்னும் பல... பின்னூட்டங்களில் நீங்களும் சிலவற்றை பகிர்ந்துகொள்ளும் போது நானும் விடுபட்டவைகளை பின்னூட்டுகிறேன்.

அணித்தேர்வு சரியா?

2008-01-21T13:24:00.000+04:00

அடப்பாவிங்களா!! கொஞ்ச நாளைக்கு கூட இந்திய ரசிகர்களை மகிழ்ச்சியா இருக்க விடமாட்டேங்குறாங்க இந்த தேர்வாளர்கள். மீண்டும் தொடங்கி விட்டது தேர்வாளர்களின் கூத்து.

Squad: Mahendra Singh Dhoni (capt & wk), Sachin Tendulkar, Yuvraj Singh, Virender Sehwag, Dinesh Karthik, Robin Uthappa, Gautam Gambhir, Suresh Raina, Rohit Sharma, Irfan Pathan, Praveen Kumar, RP Singh, Ishant Sharma, Sreesanth, Harbhajan Singh, Piyush Chawla

இதுதான் வரும் உலகக் கோப்பையை மனதில் கொண்டு தேர்வாளர்கள் அறிவித்திருக்கும் இந்திய கிரிக்கெட்டின் எதிர்காலம்.

முதலில், எனக்கு ஒன்று மட்டும் விளங்கவில்லை. கிரிக்கெட்டில் உலகக் கோப்பை மட்டுந்தான் Ultimate Acheivement-ஆ? அதை மட்டும் மனதில் வைத்து செயல்படுவது ஏன்?

கங்குலிக்கு பதிலாக இவர்கள் கொண்டு வந்திருக்கும் இந்த இளம் வீரர்கள் (Robin Uthappa, Gautam Gambhir, Suresh Raina, Rohit Sharma) - கங்குலி தனது இறுதி கால கட்டத்தில் தற்போது ஆடும் ஆட்டத்திற்கு சற்றேனும் ஈடு கொடுக்க முடியுமா? சிறந்த ஃபீல்டர்கள் என்பதற்காக இவர்கள் கங்குலிக்கு மேலாக தேர்ந்தெடுக்கப்பட்டிருந்தால், யார் ஓட்டங்களை எடுப்பது?

நிச்சயம் இளம்வீரர்கள் அணியில் இடம் பெற வேண்டும்தான். அதற்காக, ஒரு மூத்த அனுபவமுள்ள வீரர் தன்னுடைய கிரிக்கெட் வாழ்க்கையின் சிறந்த கட்டத்தில் உள்ளபோது அவரை நீக்குவது எந்த வகையில் நியாயமாகும்? அது மட்டுமில்லாமல் இளையவர்களிடம் அணி ஒப்படைக்கும் விதம் இவ்விதம் அமைவது பாதகமாகவே அமையும். ஒட்டு மொத்தமாக இளைஞர்கள் மட்டும் ஆடும் போது, குறிப்பாக ஒருநாள் ஆட்டங்களில் புலிகளாக இருக்கும் ஆஸ்திரேலியா மற்றும் இலங்கைக்கு எதிராக, இவர்கள் மிகுந்த சிரமத்திற்கு ஆளாவார்கள் என்பதில் எனக்கு ஐயமில்லை.

சரி, அதையும் விடுத்து இளையவர்களை தேர்ந்தெடுத்ததிலும் தேர்வாளர்கள் முறையாக நடந்து கொண்டார்களா என்றால் அதுவும் இல்லை.

கடந்த ஆண்டு ஆட்டங்களை பார்ப்போம்.

உத்தப்பா:- ஒருநாள் போட்டிகள் - 20 போட்டிகள், 529 ஓட்டங்கள், 29.94 ஆவரேஜ்... ரஞ்சியில் 5 போட்டிகள், 188 ஓட்டங்கள், 26.85 ஆவரேஜ்.

தினேஷ் கார்த்திக்:- ஒருநாள் போட்டிகள் - 16, 303, 26.09

ரோஹித் ஷர்மா:- ரஞ்சி - 5, 191, 27.28

இவர்கள் மூவரும் எந்த வகையில் கைஃப்-ஐ விட சிறந்தவர்கள்?

கைஃப் - 8, 687, 57.25.

திறம்பட உ.பி-யை வழிநடத்தி இரண்டாவது முறையாக ரஞ்சி இறுதி போட்டி வரை கொண்டு வந்தார். இவரல்லவா மேற்கண்ட மூவர்களுக்கு பதிலாக தேர்ந்தெடுக்கப்பட்டிருக்க வேண்டும். அவரை தொடர்ந்து புறக்கணித்து வருவது ஏன்? கங்குலி எப்படி பந்தாடப்படுகிறாரோ அதேதான் இவருக்கும் என்பது எனது கருத்து. கங்குலிக்காவது உள்ளும் புறமும் சிறிதளவாவது ஆதரவு உள்ளது. கைஃபுக்காக யார் தெருவில் இறங்கி போராடப்போகிறார்கள்.

இதிலிருந்த தெரிவது என்னவென்றால், திறமை, வயது இன்னபிற சல்லிகள் எல்லாம் இவர்கள்(தேர்வாளர்கள்) கட்டும் சப்பை கட்டே அன்றி வேறில்லை. ஒரு மீட்டர் ஏறினால் ஒரு மைல் சறுக்குகிறது. இது தான் இந்திய கிரிக்கெட்.

பெர்த் பதிலடி, ஐ.சி.சி அணுகுமுறை...

2008-01-20T13:24:00.000+04:00

இப்படியான ஒரு பதிலடியை யாரும் எதிர்பார்த்திருக்கவில்லை. அதிலும், 'வேகப்பந்து வீச்சாளர்களின் சொர்க்கம்' என வர்ணிக்கப்படும் பெர்த்தில். பெர்த் ஆடுகளத்தில், மணிக்கு 150 கி.மீ மேல் பந்து வீசக்கூடிய மூன்று பந்து வீச்சாளர்கள் மற்றும் நுணுக்கமாக பந்து வீசக்கூடிய க்ளார்க் ஆகியோரின் பந்து வீச்சில் இந்தியா சுருண்டு மூன்று நாட்களுக்குள் ஆட்டம் முடிந்துவிடும் என்று கணிக்கப்பட்டது. நடந்ததென்னவோ இந்தியாவின் மிதவேக பந்துவீச்சுக்கும், ஸ்விங்- பந்து வீச்சிற்கும் சமாளிக்க முடியாமல் ஆஸ்திரேலியாவின் ஆட்டம் நான்கே நாட்களில் முடிந்தது. சரியான பதிலடிதான். அதுவும் இந்த அடி பெர்த்தில் வைத்து கொடுக்கப்பட்டதுதான் சூப்பர்.

இந்த தொடரின் முதல் நாளிலிருந்தே (மெல்போர்ன் டெஸ்ட்) ஆஸ்திரேலியாவின் பேட்டிங் திணறல் கண்கூடாக தெரிந்தது. இந்திய மட்டையாளர்களும் தங்கள் பங்கிற்கு முதல் போட்டியில் சொதப்பியதால் நமக்கு தோல்வியே மிஞ்சியது. இரண்டாவது சிட்னியில் இந்தியா வென்றிருக்க வேண்டிய ஆட்டம். குறைந்த பட்சம் சமநிலை ஆகியிருக்கவேண்டியது. கொடுமை 'நாட்டாமைகள்' வடிவத்தில் தலைவிரித்தாடியதால் தோற்றோம்.

இரண்டாவது போட்டிக்கு பிறகு பலவித நாடகங்கள் அறங்கேறி மீண்டும் இந்தியா தொடரை தொடர சம்மதித்தது. மூன்றாவது போட்டிக்கு சேவாக்கை தேர்ந்தெடுத்ததன் மூலம் ட்ராவிட்டிற்கு அவரது வழக்கமான one-down இடத்தை கொடுத்து கும்ப்ளே வெற்றிக்கு வித்திட்டார் என்று சொல்லலாம். ட்ராவிட்டை தொடக்க ஆட்டக்காரராக களமிறக்கி அவரும் அணியும் பட்டபாடு முதலிரண்டு ஆட்டத்தை கண்டவர்களுக்கு தெரிந்திருக்கும். இந்திய அணியின் டெஸ்ட் வெற்றிகள் பெரும்பாலும் ட்ராவிட்டை சார்ந்தே அமைந்திருக்கும் போது அவரை 'பலிகடா'வாக்கியது எந்தவித திட்டமோ தெரியவில்லை. யுவராஜ் அற்புதமான ஆட்டக்காரர்தான். அவரும் அணியில் இடம்பெற வேண்டும் தான். ஆனால் அதற்கான விலை ட்ராவிட் என்பதில் எனக்கு உடன்பாடில்லை. யுவராஜ்ஜின் கெட்ட நேரம் அவரும் ஜொலிக்கவில்லை, மூத்தவர்களும் சொதப்பவில்லை. விளைவு - யுவராஜ் இன்னும் காத்திருக்கத்தான் வேண்டும்.

இந்த வெற்றிக்கு காரணியாக குறிப்பிட ஏதேனும் ஒன்றை மட்டும் சுட்டிக்காட்ட முடியாது. தொடக்கம் முதலே அடித்து ஆடி பந்துவீச்சாளர்களை நிலைகுலைத்த சேவாக், போராளி கும்ப்ளே, மிடில் ஆர்டர், எல்லாவற்றிற்கும் மேலாக பந்துவீச்சாளர்களின் பந்து வீச்சு + பேட்டிங். இப்படி பலகாரணங்களுடன் ஒரு வாரம் முன்பு நடந்த நிகழ்வுகளும் ஒரு வகையில் காரணம். கடந்த சில ஆண்டுகளாகவே ஆஸ்திரேலியவிற்கு சிறிதளவேனும் சவால் கொடுக்கும் அணியாக உள்ளது இந்தியா மட்டுமே. அது மீண்டும் நிரூபிக்கப்பட்டுள்ளது. தொடர் 2-1 என்று இந்தியா முன்னிலையில் இருக்க வேண்டியது. குறைந்தபட்சம் 1-1 என்ற சமநிலையிலாவது இருந்திருக்க வேண்டியது. ஆனால், ஆஸ்திரேலியா 2-1 என்ற கணக்கில் முன்னிலையில் உள்ளது. தொடரின் முடிவு 2-2 என்று முடிந்தாலும் வியப்பிற்கில்லை.

இந்த போட்டியிலும் நடுவர்கள் ஒரு சில தவறுகளை செய்தனர். அவையெல்லாம் LBW தீர்ப்புகளில் மட்டுமே. அதெல்லாம் இயல்பான மனிதத் தவறுகளே. கடந்த போட்டியை போல Catch-களில் கூத்து நடக்கவில்லை. மூன்றாவது நடுவரின் சொத்தப்பல்களும் நடைபெறவில்லை. இக்கட்டான சூழலில் ஆசாத் ரவூஃபும், பில்லியும் போட்டியை திறமையாக கையாண்டார்கள்.

ஸ்டீவ் பக்னரை தொடரிலிருந்து வெளியேற்றியதன் மூலம் ஐ.சி.சி தற்காலிகமான தீர்வை வேண்டுமானால் தந்திருக்கலாம். இதே போன்று தவறுகள் தொடரும்போதெல்லாம் நடுவரை நீக்கினால் கிரிக்கெட் கேலிக்கூத்தாகிவிடும் என்பதை ஐ.சி.சி உணர வேண்டும். தீர்வாக, கூடுதல் நடுவர்களை Elite panel-ல் சேர்த்து நன்கு பயிற்சியளிக்க வேண்டும். தொழில் நுட்ப உதவிகளை நடுவர்களும் வீரர்களும் பயன்படுத்திக்கொள்ளும் வகையில் சட்டங்களை வகுக்க வேண்டும். எல்லா தீர்ப்புகளும் சரியான தீர்ப்புகளாக அமைய முடியாதுதான். சில தவறுகள் நேரலாம். ஆனால், முடிந்த அளவு தவறுகளை கணிசமாக குறைக்க வாய்ப்புள்ளது. அதற்கு ஐ.சி.சி விரைந்து செயல்பட வேண்டும். இத்தனை சுவையான டெஸ்ட் கிரிக்கெட்டை காக்கும் பொறுப்பு தற்போது அவர்கள் கையில்தான்.

இறுதியாக, செல்லும் இடங்களிலெல்லாம் இப்போதுதான் (சில ஐந்தாறு ஆண்டுகளாகத்தான்) இந்தியா வெல்ல தொடங்கியுள்ளது. இதற்கு முன்பெல்லாம் கவாஸ்கர்களும், பட்டோடிகளும், கபில்தேவ்களும் என்ன செய்தார்கள் என்று தெரியவில்லை. இனியாவது, வெளிநாட்டு தொடர்களில் ஒரு வெற்றியோடு திருப்தியடைந்து விடாமல் தொடர்ந்து வெற்றிகளை பெற முயற்சிக்க வேண்டும். நிச்சயம் இந்த அணியால் அது முடியும். அது பல முறை நிறுவப்பட்டுள்ளது. நேற்றும். இந்திய அணி டெஸ்ட் போட்டிகளில் முதலிடத்தை அடைய முயற்சிக்க வேண்டும். சந்தேகிக்க முடியாத திறமையுள்ளவர்கள் உள்ள அணி, அத்துடன் பண பலமும் உள்ளது. வேறென்ன வேண்டும் பிறகு. கடின உழைப்பும் ஒற்றுமையும் தவிர.

பெர்த்தில் அற்புதமாக ஆடிய இந்திய அணிக்கு வாழ்த்துக்கள்!!!

மூவருமா இப்படி?

2008-01-03T12:13:00.000+04:00

நடந்து வரும் சிட்னி டெஸ்ட் போட்டியில் இந்தியாவின் மீள்வரவு நன்றாகவே அமைந்தது ஆர்.பி. சிங்கின் அற்புதமான பந்து வீச்சு மூலம். ஆனாலும் அதற்கு உலை வைக்கும் விதமாக அமைந்தது நேற்று (முதல் நாள்) நடுவர்கள் தந்த தீர்ப்புகள்.

ஸ்டீவ் பக்னர், சில காலமாகவே இந்தியர்களின் கொலை வெறியை தூண்டி வருபவர். இவரைப் பற்றி பலமுறை இந்திய அணி புகார் கொடுத்ததும் நினைவிருக்கலாம். இவர், அதுபற்றியெல்லாம் கவலையில்லாமல் மேலும் வெந்த புண்ணில் வேல் பாய்ச்சி வருகிறார். நேற்று அவர் சைமண்ட்ஸிற்கு கொடுத்த வாழ்க்கையால், சைமண்ட்ஸ் இறுதி வரை ஆட்டமிழக்காமல் ஆட்டத்தின் போக்கையே மாற்றினார்.

அவர் மட்டுமல்ல, ஆஸி அணித்தலைவர் பாண்டிங் 17 ஓட்டங்கள் எடுத்திரிந்த நிலையில் 'தல' கங்குலியின் பந்தில் டோணியிடம் கேட்ச் கொடுத்தார். இதை இல்லையென்று சொன்னவர் மற்றொரு நடுவர் மார்க் பென்ஸன். ஆனால், இவர் தனது தவற்றை இன்னொரு தவறின் மூலம் இந்தியாவிற்கு உதவினார். அதாவது இன்ஸைட்-எட்ஜ் ஒன்றிற்கு பாண்டிங்கை (55 ஓட்டங்கள் எடுத்திருந்த நிலையில்) lbw முறையில் அவுட் வழங்கினார். இருந்தாலும் இந்தியாவிற்கு 38 ஓட்டங்கள் நட்டமே. இந்தியாவிற்கு சாதகமானலும் இதுவும் தவறான தீர்ப்பே என்பதில் இருவேறு கருத்தில்லை.

சரி, இந்த இரண்டு நடுவர்களுக்கும் தீர்ப்பளிப்பது அத்தனை சுலபமல்ல, பலவகையான சிக்கல்கள் நடுவர்களுக்குள்ளது, ரசிகர்களின் கூச்சல்களால் இவர்களுக்கு மட்டையில் பந்து படும் சத்தம் கேட்பதில் சிக்கலுள்ளது என்று சல்லியடித்தால், மூன்றாவது நடுவருக்கு என்ன சிக்கலுள்ளது? இந்த போட்டியின் மூன்றாவது நடுவர் ஆஸியின் ப்ரூஸ் ஆக்ஸன்ஃபோர்ட். இவரும் சைமண்ட்ஸுக்கு புத்தாண்டு பரிசை வழங்கினார். ஒரு ஸ்டம்பிங் அவுட்டை இல்லையென்று சொன்னார். இத்தனைக்கும் இவர் அமர்ந்திருப்பது பலவகையான முன்னேற்றமடைந்த தொழில்நுட்பங்களுக்கு முன்.

எனக்கென்னவோ மூன்றாவது நடுவரின் தீர்ப்பு மிகுந்த ஒருதலையாகவே படுகிறது. மற்ற இருவரையாவது மன்னித்து விடலாம். எத்தனையோ முறை கிரிக்கெட்டில் தொழில்நுட்பத்தின் தேவை குறித்து இடையிடையே பேசி ஓய்ந்தாலும், மூன்றாவது நடுவரின் இத்தகைய பாதாள சறுக்கல்களின் மூலம், இதில் தொழில்நுட்பந்தான் உண்மையான காரணியா என்ற நெருடலை ஏற்படுத்துகிறது. இதற்கு முடிவுதான் என்ன என்பது ஐ.சி.சி-யின் ஒருதலை சாரா முடிவுகளைப் பொறுத்தே இருக்கும்.

இதுபோலவே இந்தியாவிற்கெதிராக செயல்பட்ட மற்றொரு நடுவர் தற்போது காணாமல் போன அசோக்-டி-சில்வா. இவரும் ஸ்டீவ் பக்னருக்கு சற்றும் சளைத்தவர் அல்ல.

இத்தனை எதிர்ப்புகளையும் மீறி இந்தியா வெல்ல வேண்டும்? அதுவும் ஆஸ்திரேலியாவிற்கெதிராக?

நீங்களுமா கும்ப்ளே இப்படி?

2007-11-22T10:15:00.000+04:00

இந்தியா - பாகிஸ்தான் தொடர்கள் முன்பு போல ரசிகர்களிடையே எதிர்பார்க்கப்படாவிட்டாலும் இந்த இரு அணிகளும் களத்தில் மோதுகையில் தோற்றுவிடக்கூடாது என்ற எண்ணத்துடன் இன்னும் இருப்பது ஆட்டங்களை பார்க்கையில் தெரிய வரும். அதிலும் டெஸ்ட் போட்டிகள் என்றால் கேட்கவே வேண்டாம் இரு அணிகளும் தோல்விக்கு பயந்து டிரா ஆக்கிய போட்டிகளே அதிகம். ஏதோ கடந்த ஐந்து ஆறு ஆண்டுகளாகத்தான் இந்தியா - பாகிஸ்தான் டெஸ்ட் போட்டிகளில் முடிவுகள் கிடைக்கின்றன.

ஒரு வழியாக சிறுபிள்ளைகள் விளையாட்டு (ஒருநாள் போட்டிகள்) முடிந்து இந்தியா - பாகிஸ்தான் தொடர் உண்மையான கிரிக்கெட்டிற்கு எட்டியுள்ளது. இந்த டெஸ்ட் தொடருக்கு அணித்தலைவராக கும்ப்ளே தேர்ந்தெடுக்கப்பட்டுள்ளார். இவரது தேர்வு கிரிக்கெட் விமர்சகர்களிடையே இருவிதமான கருத்துக்களை எழுப்பியது. முதலாவது, இந்திய அணி எதிர்காலத்தை மனதில் கொள்ளுமானால் கும்ப்ளேயின் தேர்வு தவறு என்றும் டோனிக்கே டெஸ்ட் அணி தலைவர் பதவியை கொடுத்திருக்கலாம் என்றும் கூறினர். இரண்டாவது கருத்தாக, தாமதமாக வழங்கப்பட்டாலும் கும்ளே இதற்கு தகுதியானவர்தான், அவர் திறம்பட அணியை வழிநடத்தி இளைஞர்களுக்கு அணியை ஒப்படைப்பார் என்றனர்.

எனக்கென்னவோ அணித்தேர்வாளர்கள் அணி நலனுக்காக செயல்படுவதில்லை, மாறாக தற்காலிக பிரச்சனைகளிலிருந்து விடுபடும் அளவிலேயே செயல்படுவதாக தோன்றுகிறது. சச்சின் அணித்தலைவர் பதவியை (2001?) தூக்கியெறிந்த போதே கும்ப்ளேவிற்கு வழங்கியிருக்கவேண்டும். ஆனால் அது நடக்கவில்லை. அவர்கள் நல்ல நேரம் அதற்கு பதில் அவர்கள் தேர்ந்தெடுத்த கங்குலி இன்று வரை இந்தியாவின் நம்பர் ஒன் அணித்தலைவராயிருக்கிறார். இப்போது நடைபெறும் உட்பூசல்களுக்கான தற்காலிக தீர்வே கும்ப்ளே. அதிலும் கூட இந்தியா - பாகிஸ்தான் தொடருக்கு மட்டுமே அவரை அறிவித்திருப்பதிலிருந்தே தெரிகிறது இவ்ர்களை கும்ப்ளேக்கு கொடுக்கப்பட்ட பரிசல்ல இதுவென்று. வரும் ஆஸ்திரேலிய தொடருக்கும் அவரை தலைவராக அறிவித்திருந்தால் ஏதோ ஒரு தொலைநோக்குடன் செயல்படுகிறது தேர்வுக்குழு என்று சொல்லலாம்.

எப்படியோ கும்ப்ளே மிகத்தெளிவாக இருக்கிறார். தனக்கு வழங்கப்பட்டது தற்காலிகமென்று அவரும் உணர்ந்திருக்கிறார். அணியை முதியவர்களிடமிருந்து இளைஞர்களிடம் மெதுவாக ஒப்படைக்கும் முகமாக தான் செயல்படப் போவதாக தெரிவித்தார்.

சரி, இப்போது பதிவின் தலைப்பிற்கு வருவோம். இந்த ஆண்டு முழுதும் சிறப்பாக விளையாடி வரும் யுவராஜ் சிங்கிற்கு இன்றைய டெஸ்ட் போட்டியிலும் இடம் கிடைக்கவில்லை. கடந்த பல ஒரு நாள் தொடர்களிலும் அவர்தான் தொடர்நாயகன், 20/20 உலகக் கோப்பையிலும் தொடர்நாயகன். இருந்தும் அவரால் டெஸ்ட் அணியில் இடம் பிடிக்க முடியவில்லை. தொடக்க வீரர்களாக வாஸிம் ஜாஃபரும் தினேஷ் கார்த்திக்கும் சிறப்பாக செயல்பட்டதால் அவர்களை நீக்குவது கடினம். பின்பு டிராவிட் & சச்சின். நினைத்துக்கூட பார்க்க முடியாது அவர்களில்லாத ஒரு டெஸ்ட் அணியை. அப்புறம், கங்குலி நடந்து முடிந்த இந்தியாவின் கடைசி டெஸ்ட் தொடரில் இரண்டாவது அதிக ஓட்டங்களை குவித்த வீரர். அவரை நீக்குவதும் கடினம். லட்சுமன், இவர் சிறிது நாட்களுக்கு முன் நடந்த உள்ளூர் போட்டியில் ஹைதராபாத் அணியில் ஆடிய போது முதுகு வலியால் அவதியுற்றார். இருந்தும் இப்போது குணமாகிவிட்டதாலும், தேர்வுக் குழுவிற்கு இவர் மேல் நம்பிக்கை இருப்பதாலும் இவரை நீக்க முடியாத சூழலில் கும்ப்ளேயின் கையில் இறுதி XI தேர்ந்தெடுக்கும் பொறுப்பு கொடுக்கப்பட்டது. கும்ப்ளே வழக்கமாக எல்லாரையும் போல 'யுவராஜ் டெஸ்ட் போட்டிகளில் விளையாட இன்னும் சில காலம் காத்திருக்க வேண்டும்' என்று கூறி விட்டார். நீங்களுமா கும்ப்ளே இப்படி? என்ன கொடுமை சரவனா இது? ஒரு வீரர் தனது திறமையின் உச்சத்தில் இருக்கையில் டெஸ்ட் போட்டிகளில் விளையாட காத்திருக்க வேண்டுமாம். :(

Pity Yuwaraj!!!

அட! பரவாயில்லையே!!

2007-08-01T09:10:00.000+04:00

முதல் டெஸ்ட் போட்டி முடிந்தவுடன் நமது கைப்புள்ளைகளை கடுமையாக விமர்சித்து விட்டேன். அதற்கு அவர்கள் பதிலடி கொடுத்து விட்டார்கள். எப்படியோ இது போல வென்று அவர்களும் மகிழ்ந்து நம்மையும் மகிழ்வித்தால் சரிதான். (இப்படித்தான் இடையிடயே ஜெயிச்சு நம்மளயும் உசுப்பேத்தி விடுறாய்ங்க)

இந்த போட்டியின் வெற்றிக்கு காரணங்களாக நான் கருதுவது இரண்டு. முதலில் ஜஹிர் கானின் அற்புதமான பந்து வீச்சு. இரண்டாவது நான் கடந்த இடுகையில் விமர்சித்த அதே துவக்க இணை.

மேலும், இங்கிலாந்து அணியின் பலவீனமான பந்து வீச்சை நமது அணியின் முதல் ஆறு மட்டையாளர்களும் நன்றாக பயன்படுத்திக்கொண்டனர். இதை முதல் போட்டியிலேயே செய்திருக்க வேண்டும். சரி, இப்போவாவது புத்தி வந்ததே. இங்கிலாந்தை சொற்ப ஓட்டங்களுக்கு சுருட்டிய பின், நமது துவக்க ஆட்டக்காரர்கள் அமைத்து கொடுத்த அடித்தளத்தை நன்றாக பயன்படுத்திக்கொண்டனர் பின்னால் வந்தவர்கள்.

இரண்டு இன்னிங்ஸ்களிலும் மிகவும் அற்புதமாக பந்து வீசினார் ஜஹிர் கான். அவருக்கு கும்ப்ளே மட்டுமே சிறிதளவாவது துனை புரிந்தார். ஸ்ரீசாந்த் பந்து வீச்சும், தேவயில்லாத முறைப்புகளும் சின்னப்புள்ளத்தனமாகவே உள்ளது. காலம் அவரை பக்குவப்படுத்தட்டும். மீதமுள்ள டெஸ்ட்டை வென்றோ டிரா செய்தோ இத்தொடரை வென்றால் 20+ வருடங்களுக்கு பிறகு இந்தியா இங்கிலாந்தில் தொடர் வென்ற பெருமை(??)யை பெரும்.

இந்த தொடரிலும் ஸ்லெட்ஜிங் சூடு பிடித்துள்ளது. முதல் டெஸ்ட் போட்டியின் இரண்டாவது இன்னிங்ஸின் போது கார்த்திக் பேட்டிங் செய்த போது இங்கிலாந்து விக்கெட் கீப்பரிடமிருந்து கடும் சுடும் சொற்கள் வந்து விழுந்தன. அதை மறுமுனையிலிருந்து பார்த்துகொண்டிருந்த "தாதா" (கங்குலி) இங்கிலாந்து அணித்தலைவர் மைக்கேல் வானிடம் கடுமையாக வாக்குவாதம் செய்தார். நம்ம தாதா- தாதா தான். :) பின்னர் இரண்டாவது டெஸ்ட்டில் ஸ்ரீசாந்த் தேவையில்லாமல் முறைத்து பதில் முறைத்தல்களை வாங்கி கட்டிக்கொண்டார். அதற்குப் பின்னர் நடந்ததுதான் சுவராஸ்யம். ஜஹிர் கான் பேட்டிங் செய்ய வந்த போது ஆடுகளத்தில் ஒரு ஜெல்லி பீன்ஸ் (Jelly Beans) கிடந்துள்ளது. அதை ஆடுகளத்திலிருந்து நீக்கியுள்ளார் ஜஹிர் கான். அடுத்த பந்த சந்திக்கும் முன்பு மீண்டும் ஒரு ஜெல்லி பீன்ஸ் ஆடுகளத்திற்கு புதிதாக கிடந்துள்ளது. அதைப் பார்த்த ஜஹிர் கான் கடுப்பானார். நீங்களே பாருங்கள் மீதியை.

அந்த பிரச்சனைக்குரிய ஜெல்லி பீன்ஸ் இதுதான்:

இந்த நிகழ்ச்சி குறித்து ஜஹிர் கான்:

"When I was batting, there were some jelly beans on the crease, so I chucked one off the wicket," he said. "When I played the next ball there were again some jelly beans on the wicket. So obviously there was someone throwing it on the wicket, which I didn't like. So I just went up to them and said, 'Guys, what's this all about. I'm here to play cricket.' And they came at me. And I just sort of felt upset. And I just reacted."

Surprisingly Zaheer didn't go after Alastair Cook, fielding at short leg, but directed his ire at Pietersen at gully. "I didn't know where exactly it was coming from," he said. "Maybe I picked the wrong one [Pietersen] but I was just not bothered at that time. I just felt it was insulting. It was definitely from a fielder because if it was placed unknowingly, it shouldn't have come there again when I removed it."

Paul Collingwood preferred to get cheeky when asked about the incident - "I think he prefers the blue ones to the pink ones" - but Zaheer didn't think there was a comical side. It's been a series packed with such on-field action but Zaheer felt England were going one step too far. "We're here to play cricket, that's what we're looking forward to do whole series. I don't really want to go in detail. I'm here to play cricket and enjoy my cricket."

பழிவாங்கும் விதமாக பீட்டர்சன்னுக்கு ஸ்ரீசாந்த்:

தொடரும் கைப்புள்ளைகளின் வீரம்...

2007-07-25T17:51:00.000+04:00

"என்னத்த சொல்றது?" அப்படின்னு நினைச்சு விடவும் முடியல. அதாங்க நம்ம கைப்புள்ளைகள் வாங்கி கட்டுவதை இன்று நிறுத்துவார்கள் நாளை நிறுத்துவார்கள் என்று நானும் பெருங்கனவுதான் காணுறேன். நிறுத்துவேனா என்கிறார்கள்.

வெளிநாடுகளில் நடக்கும் போட்டிகளில் தடுமாறி இந்தியா தோற்பது ஒன்றும் புதிதல்ல. இந்தியாவை விட்டு இவர்கள் விமானம் புறப்படும் போதே மானம் ரோசம் தன்னம்பிக்கை எல்லாத்தையும் இந்தியாவிலேயே பத்திரமாக வைத்துவிட்டு செல்வார்கள். இது இன்றல்ல நேற்றல்ல காலம் காலமாக நடந்து வருவதுதான். அதிலும் இங்கிலாந்தில் நடக்கும் போட்டிகளென்றால் இன்னும் மோசம். இதுவரை இங்கிலாந்தில் நடந்துள்ள 46 போட்டிகளில் வெறும் 4 போட்டிகளில் மட்டுந்தான் வென்றுள்ளோம். 23 தோல்விகள் மற்றும் 19 டிரா. இப்படிப்பட்ட ஒப்பற்ற வரலாற்றை கொண்டுள்ள நமது கைப்புள்ளகளிடம் கூடுதல் எதிர்பார்ப்பு கூடாததுதான்.

இருந்தாலும், இப்போதுள்ள இங்கிலாந்து அணியில் பந்துவீச்சு மிக பலவீனமான நிலையில் உள்ளது. வேகப்பந்து வேதளங்கள் Harmisson, Flintoff, Jones இல்லை. இறுதி நேரத்தில் காயம் காரணமாக Hoggord-ம் இல்லை. மேலும் சுழற்பந்து வீச்சாளர் Giles-ம் இல்லை. இதை விட வேறென்ன வேண்டும் இவர்களுக்கு? தற்போதுள்ள Anderson, Sidebottom (சூப்பர் பேரு!!), Tremlett மற்றும் Panesar இவர்களில் Anderson மட்டுமே சிறிது அனுபவமுள்ளவர். இவர்களை சமாளிக்க இந்த இந்திய அணியால் முடியும் என்றே நம்பியிருந்தேன்.

முதல் போட்டி கிரிக்கெட்டின் புனித தலத்தில். லார்ட்ஸில். இந்திய மும்மூர்த்திகளுக்கும் லட்சுமனன் மற்றும் கும்ப்ளேவிற்கு இதுவே இறுதி போட்டியாக அமையும் இந்த மைதானத்தில் என்றொரு சூழல். இதுவரை சச்சின் இங்கு ஒரு சதம் கூட அடித்ததில்லை (சுயநலத்திற்கு கூட இல்லை). அது அவருக்கு பெரும் ஏமாற்றமகாக் கூட இருந்திருக்க கூடும். எப்படியாவது இந்த மாதிரி பந்து வீச்சை சமாளித்து சதமடிப்பார் என்று எதிர்பார்த்தேன். ஆனால், அவரும் நமது அணியும் வழக்கம்போல் தங்கள் பாரம்பரியத்தை காப்பாற்றிவிட்டனர். முன்னனி வீரர்கள் அனைவரும் தடுமாறினார்கள். கேவலம்! பந்து வீச்சு முதல் நாள் ஆட்ட முதல்-பகுதி (Session) தவிர நன்றாகவே பந்து வீசினார்கள். இருந்தாலும் மட்டையாளர்கள் சொதப்பியதால் இந்த போட்டியில் எந்தவொரு சூழலிலும் இந்தியாவின் கை ஓங்கியிருக்கவில்லை.

பாவம் இங்கிலாந்து! எளிதாக பெற வேண்டிய இந்த வெற்றியை இடையிடையே மழையால் இழக்கப்பட்ட நேரங்களுடன் சேர்த்து இறுதி நேரத்திலும் வெளிச்சமின்மை காரணத்தால் இந்த போட்டியை டிரா என்று, கொஞ்சம் கூட அதுக்கு தகுதியில்லாத இந்தியாவுடன் பங்கு போட நேர்ந்தது. 'இந்த போட்டி டிரா ஆனதே தங்களுக்கு வெற்றியை போலுள்ளது' என்று டிராவிட் முதல் எல்லாரும் பெருமிதம் வேறு. வெளங்கும்!

சச்சினின் பொறுப்பற்ற ஆட்டத்தை கபில்தேவ் காட்டமாக தாக்கியுள்ளார்.

"Every time people hope big things from Sachin Tendulkar but often it is only disappointment that we are left with," Kapil told Aaj Tak, a Hindi news channel. "He is thought to be the backbone of the Indian team but many times he has not stood up to the occasion."

"Figures say that Sachin has not been able to perform under pressure," he said. "Sachin has big records to his name but until he wins matches for India in these conditions, people will raise fingers at him."

சச்சின் மட்டுமில்லை, மும்மூர்த்திகள் மூவரும் பொறுப்புணர்ந்து ஆடினாலே போதும். வெளிநாடு ஆடுகளங்களில் இந்தியா வெல்ல வேண்டுமெனில் டிராவிட்டின் பங்கு மிக இன்றியமையாதது. மேலும், எனக்கென்னவோ தற்போதுள்ள துவக்க ஆட்ட இணை சரியானதகவே தோன்றவில்லை. என்ன செய்வது? இந்திய கிரிக்கெட்டை அரசியலும், வணிகமும் மாறி மாறி ஆளும் வரை கிடைத்த (தேர்ந்தெடுக்கப்பட்ட அணியை) வைத்து நாமும் திருப்தி அடைந்துகொள்ள வேண்டிய நிலை. வென்றால் மகிழவும் தோற்றால் கிழிக்கவும் செய்ய வேண்டியது தான். எவ்வளவு அடித்தாலும் தாங்குவார்கள் இந்த கைப்புள்ளைகள்!

பூரிக்க வைத்த சச்சினின் ஆட்டம்

2007-07-01T15:43:00.000+04:00

கேள்விக்குரிய தேர்வுமுறை, அணிக்குள் மலிந்து கிடக்கும் குடுமிப்பிடி சண்டைகள், மீண்டும் சுட்டிக்காட்டப்படும் தவறுகள் திருத்தப்படாமை இவையாவும் சேர்ந்து என்னை (இந்திய) கிரிக்கெட்டிலிருந்து தூரப்படுத்தியிருந்தது. கிரிக்கெட் பார்ப்பதும் அதைப்பற்றி நண்பர்கள் வட்டத்தில் கதைப்பதும் குறைந்திருந்தது. செய்திகளில் படிப்பதோடு சரி. ஒரு வித வெறுப்பே இதற்கு காரணம்.

இப்படியிருக்க, சென்ற வெள்ளிக்கிழமை மதிய உணவாக பிரியாணி மூக்குபிடிக்க சாப்பிட்டுவிட்டு கண் அயர்வதற்கு முன் ரிமோட்டை எடுத்து ஒரு ரவுண்ட் வரலானேன். அப்போது சன் நியூஸ் சேனலில் கிரிக்கெட் ஆடுகளத்தை காண்பித்து கொண்டு அருண்லாலும் கல்லினனும் பேசிக்கொண்டிருப்பதை காண்பித்துக் கொண்டிருந்தார்கள். 'Live' என்று வேறு கீழே. என்ன கொடுமை இது. சன் டிவியில் நேரடி கிரிக்கெட்டா. இந்திய கிரிக்கெட் நன்றாகத்தான் வளர்ந்துள்ளது(?) என நினைத்துக் கொண்டு பார்க்க தொடங்கினேன். இந்தியா டாஸ் வென்று முதலில் பந்துவீச முடிவெடுத்தது. மற்ற சேனல்களிலும் பார்க்கும்படியான் நிகழ்ச்சிகள் எதுவும் ஓடாததால் தொடர்ந்து பார்க்க முடிவெடுத்தேன்.

ஆட்டம் தொடங்கியபோது தான் தெரிந்தது தமிழில் வர்ணனை என்று. அது அடுத்த கொடுமை. இனிமையான தமிழ் வர்ணனைகள் போய் கொடுமையான முறையில் வர்ணித்துக்கொண்டிருந்தார்கள். யாரென்றே தெரியவில்லை. அப்துல் ஜப்பார் அய்யா, அன்னிக்கு ஐ மிஸ்டு யூ லாட். உடனே அடித்து பிடித்து டி.டி-யில் நேரடி ஒலி/ஒளிபரப்பு உண்டா என ரிமோட்டை விரட்டினேன். அப்பாடா! அங்கும் இருந்தது. நல்லவேளை பிழைத்தேன்.

சரி ஆட்டம் தொடங்கியது, இந்தியா முதலில் நன்றாகவே பந்து வீசினார்கள். இருந்தும் தெ.ஆப்பிரிக்கா ஒருவாறு சமாளித்து 220+ எடுத்தார்கள். ஆடுகளம் பந்து வீச்சுக்கு ஒத்துழைத்தது.

சரி நம்ம பசங்க எப்படி ஆடுகிறார்கள் என்று பார்க்க ஆர்வம் பிறந்தது. சச்சினும், கங்குலியும் களமிறங்கினார்கள். அப்புறம்தான் ஆரம்பித்தது அந்த இனிய அனுபவம். காண கோடிக்கண் வேண்டும். சச்சின் அன்று அற்புதமாக ஆடினார். எனக்கு தெரிய கடந்த 4/5 ஆண்டுகளில் சச்சின் இப்படி ஒரு ஆட்டத்தை வெளிப்படுத்தியதே இல்லை. சில தருணங்களில் அவரை ஏன் உலகின் சிறந்த பேட்ஸ்மேன் என்கிறார்கள் என்பதை உணர்த்தினார். ஆண்ட்ரூ நெல் பந்தில் அவர் அடித்த 'ஸ்கொயர் கட்'கள் இன்னும் கண்ணுக்குள்ளேயே நிற்கின்றன. அன்று அவர் அத்தனை நேர்த்தியாக ஆடினார். 'க்ளாஸிக்' ஷாட்ஸ் என்று சொல்வார்களே அது அனைத்தையும் அவர் ஆடினார். ஹூக், அந்த ஃபேவரிட் கவர் ட்ரைவ் எல்லாமே அத்தனையும் அவர் நினைத்தது போல். ஆக்ரோஷமான ஆட்டமெல்லாம் இல்லை அது. நிதானமான, ஆனால் தெளிவான ஆட்டம். சச்சின் ரசிகனல்லாத எனக்கே அன்று பூரிப்பு தந்த ஆட்டம் அது. 106 பந்துகளில் 93 ஓட்டங்கள் (13 நான்குகள் 2 ஆறுகள்). நன்றி சச்சின். ஆனால், மீண்டும் இது போல ஆட்டத்தை தர 4/5 ஆண்டுகள் எடுத்து விடாதீர்கள். முக்கியமாக சேசிங்கில் சச்சின் இப்படி ஆடியது எனக்கு ஆச்சர்யத்தை ஏற்படுத்தியது. சூப்பர் சச்சின்!

மறுமுனையில் எங்கள் 'தாதா' திணறி திணறி ஆடிக்கொண்டிருந்தார். சச்சினும் கங்குலியும் ஒருவொருக்கொருவர் புரிந்து கொண்டு ஆடினார்கள். பழைய பகைகள் மறைந்தது போல தோன்றியது.

அதில் வென்றார்கள் என்பதற்காக பூசல்களும் குழப்பங்களும் தீர்ந்துவிட்டது என்று பொருளில்லை என எல்லாருக்கும் தெரியும். இனி இதுபோல நேரம் கிடைக்கும்போது போட்டி காண நேரிட்டால் சச்சினிடமிருந்து இப்படிப்பட்ட ஆட்டம் காண கிடைத்தால் மகிழ்வேன்.

பயிற்சியாளர் தேர்வும் பல காட்சிகளும்

2007-06-11T13:01:00.000+04:00

கிரேக் சாப்பல் இந்திய அணியிலிருந்து வெளியேறிய நாளிலிருந்து தொடங்கிய பயிற்சியாளருக்கான் தேடுதல் வேட்டை ஒருவழியாக முடிவுக்கு வந்துள்ளது. இது ஒரு வேட்டையாக இல்லாமல் ஒரு ஓட்டையை அதிகவிலை கொடுத்து வாங்கிய வெளிநாட்டு மூலதனம் கொண்டு அடைத்திருப்பதாகவே உணர்கிறேன்.

வெளிநாட்டு பயிற்சியாளர்களை நியமித்தல் நம்மூர் பயிற்சியாளர்களை நியமிப்பதை விட நல்லது என்றுதான் நினைத்திருந்தேன். தேவையில்லாத மண்டல பாகுபாடு இருக்காது. புதிய ஆட்ட நுனுக்கங்களை அறிமுகப்படுத்துவார்கள் என்ற எண்ணம் தான் அதற்கு காரணம். ஆனால், சாப்பல் விளையாடிய சில அழுகுனி ஆட்டங்கள் எரிச்சலைத்தான் தந்தது. அதற்காக எல்லா வெளிநாட்டு பயிற்சியாளர்களும் அப்படித்தான் இருப்பார்கள் என்று எண்ணுவது தவறுதான். ஏன், அதற்கு முந்தைய ஜான் ரைட் நன்றாகத்தானே நடந்து கொண்டார். அணித்தலைவருடனும், கிரிக்கெட் வாரியத்துடனும் வளைந்து கொடுத்து நடந்து கொண்டார். அதனால், அப்போதய அணியில் விரிசல்களும், சலசலப்புகளும் வெகு குறைவாகவே இருந்தன. அணியின் வளர்ச்சியும் நிறைவாகவே இருந்தது. ஆனால், சாப்பலின் காலத்தில் அவ்வாறு நடக்கவே இல்லை. இதற்கு அவர் மட்டும் காரணமில்லை என்றாலும் அவரின் ஒரு சில அனுகுமுறைகள் அணியில் பெரிய விரிசலை உண்டாக்கியது என்னவோ உண்மைதானே? அதனால், வெளிநாடோ உள்நாடோ ஒரு தனிப்பட்டவரின் குணத்தை பொறுத்தே அவரின் பயிற்சிமுறை அமையும் என்பது எனது தற்போதைய எண்ணம்.

நமது கிரிக்கெட் வாரியம் வெளிநாட்டு பயிற்சியாளரை நியமிப்பதில்தான் அதிக ஆர்வம் காட்டியதாக தெரிகிறது. உலகக் கோப்பையின் போது ஆட்டங்கள் (வங்கதேசத்திற்கான) முடிவடையாத நிலையில் டேவ் வாட்மோர் தமக்கு இந்திய அணிக்கு பயிற்சியளிக்க ஆர்வமுள்ளதாக வெளிப்படையாக கூறினார். பிறகு டாம் மூடியின் பெயரும் அடிபட்டது. ஆனால், டாம் மூடி பிறகு அதிலிருந்து விலகிவிட்டதாக தெரிகிறது. பிறகு வாட்மோர் பெயர் மட்டும் ஓங்கி ஒலித்தது. இந்திய அணி வங்கதேச சுற்றுப்பயணத்தின் போது கூட அங்கு சென்றிருந்த சரத் பவார் வாட்மோரை தனியாக சந்தித்து இது பற்றி பேசியிருக்கிறார். எனவே அவர்தான் பயிற்சியாளராக நியமிக்கப்படுவார் என உறுதியாக கூறப்பட்டது.

வாட்மோரின் திறமையில் யாருக்கும் சந்தேகம் இருக்காது. எப்படியோ இருந்த இலங்கை அணியை இன்று இந்த நிலைமைக்கு கொண்டுவந்ததில் முக்கியமானவர் அவர் என்றால் மிகையில்லை. பிறகு வங்கதேச அணியின் வளர்ச்சியிலும் அவரது பங்கை கூறலாம். ஆனால், எனக்கு வருவது ஒரேயொரு சந்தேகமே. வங்கதேச அணியினுடனான ஒப்பந்தம் அவருக்கு முடிவடையாத நிலையில் இந்தியாவிற்கு பயிற்சியளிக்க விருப்பம் அளித்ததன் நோக்கம்? இந்திய அணிக்கு தன்னால் முடிந்த வரை தொண்டாற்ற வேண்டும் என்ற அவரது உயர்ந்த எண்ணமா? இத்தனை சிக்கலான(கிரிக்கெட் வாரிய அரசியல், ஒத்துழைக்காத ஊடகத் தொல்லை, பொது மக்களின் அளவுக்கு மிஞ்சிய எதிர்ப்பார்ப்பு) ஒரு கிரிக்கெட் அணிக்கு பயிற்சியளிக்க அவரக்கு ஆர்வத்தை தூண்டியது எது? என்னுடைய கண்ணோட்டத்தில் அவருக்கு இந்திய கிரிக்கெட் வாரியம் வழங்க இருக்கும் பெருந்தொகையின்(சம்பளம்) மீதுதான் நாட்டம் இருந்திருக்க வேண்டும். நல்லவேளை தவறான காரணத்தாலோ சரியான காரணத்தாலோ அவர் பயிற்சியாளராக நியமிக்கப்படவில்லை.

பின்னர், திடீரென்று இரண்டு பெயர்கள் அடிபட்டன. ஒன்று முன்னாள் தென் ஆப்பிரிக்கா அணியின் பயிற்சியாளர் கிரஹாம் ஃபோர்ட், மற்றொன்று அர்ஜூனா ரனதுங்க. திடிரென்று ரனதுங்க பெயரும் மங்கிப் போய், புதிய பெயர் அடிபட்டது. அது முன்னாள் இங்கிலாந்து சுழல் பந்து வீச்சாளர் ஜான் எம்புரி. இந்த பெயரை பரிந்துரைத்தவர் சுனில் கவாஸ்கர். இதே கவாஸ்கர் ஒரு காலத்தில் தனது கட்டுரையில், கபில் அணித்தலைவராக இருந்த நேரம் இங்கிலாந்து சுற்றுப்பயணத்தின் போது ஜான் எம்புரி ஆடுகளத்தை சேதப்படுத்தி கையும் களவுமாக பிடிபட்டார் என எழுதினாராம். இப்போது அவர் கள்வன் என்று கூறியவரை அவரே பரிந்துரைக்கிறார். முன்னர் கூறிய கிரஹாம் ஃபோர்ட் ராகுல் டிராவிட்டின் பரிந்துரையாம். டிராவிட் ஆடிய கவுண்டி அணியின் (கெண்ட்) பயிற்சியாளாரக இருக்கிறார், டிராவிட் அவருடைய பயிற்சியில் அங்கு ஆடியிருக்கிறார். அதனால் நல்ல புரிந்து கொள்ளல் இருக்கும் என நினைத்து டிராவிட் நினைத்து தனது எண்ணத்தையும் நிறைவேற்றியுள்ளார். கிரஹாம் ஃபோர்டும் நியமிக்கப்பட்டுவிட்டார்.

அதாவது, ஒரு நிறுவனத்தில் வேலைக்கு ஆள் தேவைப்பட்டால், விண்ணப்பிப்பவர்களை நேர்முகத்தேர்வுக்கு அழைத்து தேர்வு செய்வதுதான் வழக்கம். ஆனால், இங்கு நடைபெற்றதோ ஒரு கேலிக் கூத்தாகவே இருக்கிறது. சிலர் தத்தமது தேவைகளுக்கு வளைந்து கொடுப்பார் என தெரியும் ஆட்களை மட்டுமே பரிந்துரைக்கிறார்கள். திடீர் திடீரென ஆட்கள் மாறுகிறார்கள். காட்சிகளும் மாறுகிறது.

என்னவோ போங்க, இதில் இயங்கிய யாருக்கும் இந்திய கிரிக்கெட்டின் வளர்ச்சியிலோ வெற்றியிலோ அக்கரை ஒரு துளியும் இல்லை என்பது மட்டும் மீண்டும் தெளிவாகிறது. தங்களுக்குள் நடக்கும் ஈகோ போர் மட்டுமே முக்கியம் என்பதில் கண்ணும் கருத்துமாக உள்ளனர்.

அதிசயம்! ஆனால் உண்மை!!

2007-05-28T13:37:00.000+04:00

ஹாய்... ஹாய்... ஹாய்... எல்லாரையும் பவுன்ஸர்ல பாத்து ரொம்ப நாளாச்சுல்ல? என்ன செய்ய.. நமது அணியின் செயற்பாடுகளும், அணித் தேர்வுகளும் சரியாகும் வரை (இந்த ஜென்மத்துல நடக்குமானு தெரியல) இவனுங்கள கண்டுக்ககூடாதுன்னு ஒதுங்கியாச்சு.

இதுக்கிடையில், யாரும் எதிர்பாராதவாறு மூக்கின் மேல் விரல் வைக்கும்படி அதிசயமா பங்காளிகளை பிரிச்சு மேஞ்சுட்டு வந்துருக்காங்க. வங்கதேசத்தை இந்தியா வெல்லுமா? என்ற பெரிய கேள்விக்குறியுடன் கிளம்பி போனவர்கள் ஒரு போட்டியில் கூட தோற்காமல் திரும்பி வந்தால் வியப்பாயிராதா?

சே! என்ன பொழப்பு இது! மானங்கெட்ட பொழப்பு! ஒரு இளிச்சவாயன் கிடைச்சா மட்டும் ஒற்றுமையா சேர்ந்து கும்முறது!! இப்போ மட்டும் திசைக்கு ஒரு பக்கம் வடம் பிடிச்ச எல்லா சீனியர்களும் ஒன்னு சேர்ந்து கும்முறாய்ங்க. நம்ம மக்களும் ஆகா! என்ன பிரமாதமா ஆடுறாய்ங்க நம்ம பசங்கன்னு இவனுங்களுக்கு உள்ள நடந்த குடுமிபிடி ஆட்டம், கேவல தோல்விகள், தொடரும் அவலத்தனமான அணித்தேர்வு இதையெல்லாம் மறந்து கைதட்டி ரசிச்சு, இவனுங்களுக்கு காவடி தூக்க கிளம்பியாச்சு. என்னோட அலுவலகத்துல ரொம்ப சிலாகித்து பேசிக்கிறாய்ங்க சச்சின் மேன் ஆஃப் தெ சீரியஸ்னு. கொடுமைடா!! சச்சின் இந்த செஞ்சுரி அடிச்சதை பார்த்து இணையமே சிரிச்சுச்சு.

இதுல இன்னொரு கொடுமை என்னன்னா, அணியிலிருந்து தூக்கப்பட்ட கங்குலியும் சச்சினும் கலக்கிட்டாங்களாம். அதுனால இங்கிலாந்தும் செல்லும் அணியில் இருவரும் ஒருநாள் போட்டிகளுக்கான அணியிலும் இடம் பெறுவார்களாம்! கொடுமைடா!!

இவனுங்க அணிக்குள்ள அடிச்ச கூத்தெல்லாம் தேர்வாளர்கள் வாயால் வெளிவந்ததெல்லாம் இந்திய ரசிக கண்மணிகளுக்கு இந்நேரம் மறந்திருக்கும். மீண்டும் தங்களது ஹீரோக்களுக்கு பூஜிக்க தொடங்கியிருப்பார்கள். பங்களாதேஷை நாமளே பெரிய ஆளாக்கி, இப்போ பெரிய டீமை ஜெயிச்ச மாதிரி ஒரு தோற்றத்தை உண்டாக்குறதுல நம்ம ஆட்கள் கில்லாடிங்க.

இருக்கட்டும் இருக்கட்டும். இங்கிலாந்துக்கு போங்க மக்கா தெரியும்!!

உலகக் கோப்பை பரிசளிப்பு காட்சிகள்

2007-04-29T11:22:00.000+04:00

இறுதி ஓவரும் கொண்டாட்டங்களும்.

பரிசளிப்பு காட்சிகள்:

ஹாட்ரிக்!!!

2007-04-29T10:56:00.000+04:00

நான் எதிர்பார்த்தது போலவே ஆஸ்திரேலியா மீண்டும் சாம்பியன். எதிர்பார்த்தது போலவே சமிந்தா வாஸுக்கும் முரளிக்கும் சுளுக்கெடுப்பு. எதிர்பார்த்தது போலவே இலங்கையிடமிருந்து ஒரு சிறிய போராட்டம். ஆக, ஆஸ்திரேலியா கடந்த இரண்டு உலகக் கோப்பைகளிலும் தோற்கடிக்கப்படாத ஒரு அணியாக 2011-ல் களமிறங்கும்.

இலங்கை ஆஸ்திரேலியாவை வெல்ல வேண்டுமெனில் அது 50 ஓவர்கள் கொண்ட போட்டியாக இருக்கக் கூடாது. ஓவர்கள் குறைக்கப்பட்ட போட்டியாக இருந்தாலொழிய ஆஸ்திரேலியாவை தோற்கடிப்பது என நேற்று என்னுடைய நண்பர்களிடம் சொல்லிக் கொண்டிருந்தேன். அதுபோலவே மழை குறுக்கிட்டு 38 ஓவர்களாக குறைக்கப்பட்டது. இந்த போட்டியில் மேலும் மழை குறுக்கிட்டால் எதுவும் நடக்கலாம் என்ற நிலை உருவான நிலையில், டாஸ் வென்று ஆஸ்திரேலியா முதலில் பேட் செய்தது எனக்கு சிறிது ஆச்சர்யம் தான். காரணம், மழை குறுக்கிடும் (ஏற்கனவே குறுக்கிட்டு) போட்டிகளில் இரண்டாவது பேட்டிங் செய்யும் அணிக்கே சாதகமான சூழல் உருவாகும். அப்படியிருக்க துணிந்து பாண்டிங் முதலில் பேட் செய்ய முடிவெடுத்தார்.

அவ்வளவுதான், கில்கிறிஸ்ட் வெறி பிடித்தது போல் ஒரு ஆட்டம் ஆடினார். அவருடன் பேட் செய்து கொண்டிருந்த ஹேடன் இந்த உலகக் கோப்பையின் அதிகமான ஓட்டங்களை குவித்திருப்பவர். ஆனால், கில்கிறிஸ்ட் ஆடிய ஆட்டத்தின் முன்பு ஹேடன் ஒரு கொசு போல தோற்றமளித்தார். இலங்கை இரண்டாவது பேட் செய்வதால், எந்த சூழ்நிலையிலும் மழை குறுக்கிடலாம், அதனால் டக்வர்த்-லூயிஸ் முறையில் இலங்கை எந்த நிலையிலும் முன்னிலை பெற இயலாதவாறு ஓட்ட விகித்ததை அதிகரித்து கொண்டே சென்றனர். ஒரு கட்டத்தில் எளிதாக 300 ஐ தொடும் என நினைத்தேன். ஆனால் இறுதி சில ஓவர்களை இலங்கை அணியினர் சிறப்பாக வீசினர். 38 ஓவர்களில் 281 என்பது கடினமான இலக்கை கொடுத்தனர். துருப்புச் சீட்டுகளை சூப்பர்-8 போட்டியில் ஆஸ்திரேலியாவுக்கெதிராக ஒளித்து வைத்த இலங்கையின் தந்திரம் பலிக்கவில்லை. வாஸுக்கும் முரளிக்கும் ஈவு இரக்கமில்லாமல் அடி விழுந்தது.

இதனை சேஸ் செய்வது என்பது கடினம். ஆனால், ஒரு வேளை மழை குறுக்கிட்டு டார்கெட் மாற்றப்பட்டால்? அது மட்டுமே போட்டியை சுவராசியமாக்கியது. மற்றபடி ஜெயசூர்யாவும், சங்கக்கராவும் இலக்கை விரட்டிய போதெல்லாம் எனக்கு நம்பிக்கையில்லை இலங்கை வெல்லும் என்று. இலக்கு அப்படி. இலங்கைக்கு வாய்ப்பு உள்ளதெனில் அது மழை மூலமே மட்டுமே இருந்திருக்க முடியும். இறுதியில் நினைத்தது போலவே ஆஸ்திரேலியா வென்றது. இடையிடையே மழை குறுக்கிட்டது இலங்கைக்கு எரிச்சலை தந்திருக்கும்.

இத்தனை பெரிய போட்டியின் இறுதியான முத்தாய்ப்பான கட்டத்தில் வெளிச்சம் இல்லாமல் இருளில் மூழ்கியது மைதானம். ஆஸ்திரேலியாவின் கொண்டாட்டம் இருளில்தான் நடந்தது.

எது எப்படியோ ஆஸ்திரேலியா மட்டுமே இந்த கோப்பையை வெல்ல தகுதியுள்ள அணி. ஆஸ்திரேலியாவுக்கும் உலகின் மற்ற அணிகளுக்குமிடையேயான தூரம் அதிகரித்துள்ளது. இந்திய அணிக்கான சீருடை தைக்க கொடுத்து நான்காண்டுகளுக்கு பிறகு டெலிவரி செய்யச் சொல்லியிருக்கும் வாண்டுகள் கூட்டம் அடுத்த உலகக் கோப்பையில் ஆஸ்திரேலியாவுக்கு சவால் விடுமா?

Player of the Final - Gilchrist
Player of the World cup - McGrath

Well deserved. Aussies are real champions. பாராட்டுக்கள்!

இடையிடையே போட்டியை பற்றி தொலைபேசியில் அலசிய (குழப்பிய) அபிஅப்பா மற்றும் சோகத்துடன் உரையாடிய தம்பிக்கு ஆழ்ந்த அனுதாபங்கள்.

இன்று வந்த மின்னஞ்சல்...

2007-04-28T15:11:00.000+04:00

இன்னும் நம்ம மக்கள்ஸ் விடுற மாதிரி இல்ல.

Year 2019 - Cricket World Cup news:

India failed to defeat Afghanistan in the world cup qualifier in the Asia -Pacific zone

Coach sehwag said that he is not worried bcoz he has backing of selectors, captain and board....and that they had won a close match against Papua new guinea just 2 yrs ago

Rahul Dravid,the coach of new zealand team said that Sachin should now consider retiring gracefully and let his son take over the captaincy

mahender singh dhoni broke ajit agarkars record of most no of conecutive ducks in twenty 20

saurav ganguly, the coach of england feels that the boys need to control their emotions on the field

the current leading man from bollywood bret lee advices ms dhoni to take upacting as well

Minnows Pakistan beat Ireland in a close match...and thus they avanged their defeat in the 2007 WC against the then minnows ireland

Inzamam ul haq, who was the captain of the losing team and now the present coach said in a press interview that
"Boys plays well...they try hard...inshallah we wins the world cup"

The police arrested 8 ppl for voilence after England and NZ match...
Investigations revealed that these ppl were members of Dravid and Ganguly fan communities on Orkut which have 623241516 and 126542 members respectively.

the Indian cricket board led by president Rahul Gandhi has called for an emergency meeting to discuss future course of action ..former players like yuvraj singh, md kaif,vvs laxman and kumble have been invited...coach sehwag and captain Tendulkar will present a report...

vvs laxman today created a new controversy by saying that he expected a written apology from Rahul gandhi for including him in the category of former players....he said that he has improved his fielding and fitness and wants to play 2023 WC in Brazil

இறுதிப் போட்டி - அசத்தப் போவது யாரு?

2007-04-28T10:59:00.000+04:00

கடந்த ஒன்றரை மாதங்களாக நடந்து வரும் உலகக் கோப்பை போட்டி இன்றுடன் முடிய இருக்கிறது. இன்று நடக்கயிருக்கும் இறுதிப் போட்டியில் இலங்கையும் ஆஸ்திரேலியாவும் மோத இருக்கின்றன. இந்த உலகக் கோப்பை முழுதும் சிறப்பாக விளையாடிய இரு அணிகள் உண்டென்றால் அது இந்த இரண்டு அணிகள்தான். அந்த வகையில் மகிழ்ச்சியே.

இந்த உலகக் கோப்பை பல அதிர்ச்சிகளுடன் தொடங்கி ஒருவாறு இறுதி நிலையை எட்டியிருக்கிறது. பாக் & இந்திய வெளியேற்றம். அதைத் தொடர்ந்து பாப் உல்மரின் கொலை. இப்படி வரிசையாக அதிர்ச்சிகளுடன் தொடங்கியது. பாப் உல்மரின் கொலையாளி பற்றி அறிவிப்பதில் உலகக் கோப்பை நடந்து வருவதால் தாமதம் காட்டினார்கள் என்றே தொன்றுகிறது. நாளையே கூட கொலையாளி யார் என்பது அதிர்ச்சி முடிவுகள் வெளிவரலாம் என எதிர்பார்க்கப்படுகிறது. சரி, அது பற்றி இப்போ நமக்கெதுக்கு. பிறகு பார்க்கலாம்.

கடந்த 25 போட்டிகளுக்கும் மேலாக தோல்வியே கண்டிராத அணியாக வலம் வந்து கொண்டிருக்கிறது ஆஸ்திரேலியா. அவர்களது அதிரடியான கிரிக்கெட் ஆட்டத்தின் மூலம் எதிரணியினரை வதம் செய்து வருகின்றனர். அவர்களது மனதிடமே இதற்கு முதன்மையான காரணம். எளிதில் அசராத தளராத மனதிடம்.

ஆஸ்திரேலியாவின் கில்க்ரிஸ்ட் இந்த உலகக் கோப்பையில் அந்தளவிற்கு அடித்து அசத்தவில்லை என்றாலும் அவரின் பங்காளி ஹேடன் உச்சகட்ட ஃபார்மில் இருக்கிறார். இந்த உலகக் கோப்பையில் 621 ஓட்டங்களை இதுவரை குவித்து முதலிடத்தில் உள்ளார். அதன்பின்பு வரும் பாண்டிங்கும் 502 ஓட்டங்கள் குவித்து மூன்றாமிடத்தில் உள்ளார். க்ளார்க்கும் 428 ஓட்டங்கள் குவித்து நல்ல ஃபார்மில் உள்ளார். பின்னர் வரும் ஸைமண்ட்ஸ், ஹஸ்ஸி & வாட்ஸனுக்கு இதுவரை நல்ல முறையில் வாய்ப்புகள் கிடைக்கவில்லை. கிடைத்தால் வெளுத்து வாங்கும் திறமையுள்ளவர்கள் இவர்கள். இப்படிப்பட்ட பேட்டிங் வரிசை ஆஸ்திரேலிய அணிக்கு பலம்.

பந்துவீச்சை பொருத்தவரை மெக்ராத் 25 விக்கெட்டுகள் இந்த உலகக் கோப்பையில் முன்னனியில் உள்ளார். இவரைப் பற்றி அதிகம் குறிப்பிட தேவையில்லை. இதுவே அவரது இறுதி சர்வதேச போட்டியாக இருக்கும். அதனால் தன்னால் முடிந்தளவு வெற்றிகரமாக Log-out செய்வதில் குறி(வெறி?)யாக இருக்கிறார். இன்று இவருக்கு இரையாகப் போவது யார் யாரோ? பின்பு, ப்ரெட் லீயின் இடத்தை நிரப்ப வந்த ஷான் டைட் தொடக்க போட்டிகளில் சிறிதி தினறினாலும் பின்னர் அற்புதமாக வீசத் தொடங்கிவிட்டார். 23 விக்கெட்டுகளுடன் முரளியுடன் இரண்டாமிடத்தை பங்கு போட்டுள்ளார். இவரும் இலங்கைக்கு மிகுந்த சவாலாக இருக்கக் கூடும். பின்னர், ப்ராக்கன், ஹாக், வாட்ஸன் மற்றும் ஸைமண்ட்ஸ், க்ளார்க்கும் பந்து வீச்சிற்கு பக்க பலமாக இருப்பார்கள்.

ஆஸ்திரேலிய அணியின் இன்னொரு பலம் அவர்களது மின்னல் வேக களத்தடுப்பு. ஆக, ஆஸ்திரேலியா மனபலம், திறமை மற்றும் என்னைப் போன்றோரின் ஆதரவுடன் களமிறங்க இருக்கிறது. ஆஸ்திரேலியா வெல்வதற்கே வாய்ப்புகள் அதிகமிருப்பதாக நான் நினைக்கிறேன்.

இலங்கை அணியும் திறமையில் சற்றும் குறைந்தவர்கள் அல்ல. இது இந்த உலகக் கோப்பையில் நன்றாக நிரூபிக்கப்பட்டுள்ளது. உலகக் கோப்பைக்கு வரும் போது அத்தனை வெற்றிகரமான தொடர் வெற்றிகளுடன் அவர்கள் வரவில்லை. இருந்தாலும் உலகக் கோப்பைக்கேற்ப பொங்கியெழுந்து விளையாடி வருகிறார்கள். இலங்கையின் இந்த உலகக் கோப்பையின் ஆட்டம் எனக்கு 2003 உலகக் கோப்பையின் ஆட்டத்தை நினைவுபடுத்துகிறது. இறுதிப் போட்டிக்கு முன்பு வரை இந்தியா ஆஸ்திரெலியாவிடம் மட்டுமே தோற்றிருந்தது. இலங்கையும் அதுபோலவே ஆஸ்திரேலியாவிடம் மட்டுமே இதுவரை தோற்றுள்ளது. 2003 இறுதிப் போட்டியில் இந்தியாவுக்கு நேர்ந்தது இன்று இலங்கைக்கும் நேருமா என்பதை உங்கள் யூகத்திற்கே விட்டு விடுகிறேன்.

இலங்கை அணி ஆஸ்திரேலியா போலவே ஒரு balanced அணி என்பதில் மாற்றுக்கருத்தில்லை. ஜெயசூர்யா போன்ற தொடக்க ஆட்டக்காரர், ஜெயவர்தனே (529 ஓட்டங்களுடன் இரண்டாமிடத்தில் இருக்கிறார்) போன்ற க்ளாசிக் மட்டையாளர், சங்கக்கரா மற்றும் தில்ஷான் போன்ற திறமையாளர்கள், சில்வா போன்ற இளம்புயல்கள் உள்ள பேட்டிங் இலங்கை அணிக்கு பலம். ஆனால், ஆஸ்திரேலியா போன்றதொரு consistant scoring இல்லை என்பது கவனிக்கத்தக்கது.

இலங்கை அணிக்கு மிகுந்த பலம் அவர்களது பந்து வீச்சுதான். வாஸ் & முரளி போன்ற உலகத்தரம் வாய்ந்த பந்து வீச்சளார்களின் பந்து வீச்சை சமாளிப்பது ஆஸ்திரேலிய அணியினருக்கு அத்தனை சுலபமாக இருக்காது என்பது ஆஸ்திரேலிய அணியினருக்கே தெரியும். 250+ இலக்கை எளிதாக Defend செய்யக் கூடியவர்கள் இவர்கள். பின்னர் மலிங்கா. இவர் இந்த உலகக் கோப்பை சிறப்பாக பந்து வீசி வந்தாலும் ஆஸ்திரேலியாவிற்கெதிராக எப்படி வீசுவார் என்பது பொறுத்திருந்துதான் பார்க்கனும். எனக்கென்னமோ சந்தேகமாகத்தான் உள்ளது. அடுத்ததாக, மஹ்ரூஃப், தில்ஷான் & ஜெயசூர்யாவின் பந்து வீச்சும் கை கொடுக்கும்.

ஆஸ்திரேலியா போலவே இலங்கையும் ஒரு நல்ல களத்தடுப்பை கொண்டுள்ள அணி என்பதை மறுக்க இயலாது.

ஒரு அணி மற்ற அணிகளுடன் என்னதான் சிறப்பாக ஆடி வென்றாலும் ஆஸ்திரேலியாவுடன் ஆடும் போதுதான் ஒரு அணியின் உண்மையான திறமையை அறிய இயலும். நாம் ஒப்புக்கொண்டாலும் இல்லையென்றாலும் கிரிக்கெட்டின் தற்போதையா உரைகல் ஆஸ்திரேலியாதான். இது வேதனையான கசப்பான உண்மை. என்ன செய்வது அவர்களுக்கு சவால் விடும் ஒரு அணி இன்றில்லை. இலங்கை தங்கள் திறமையை இன்று ஆஸ்திரேலியாவுடன் உரசிப் பார்த்து அறிந்து கொள்ளலாம்.

ஆஸ்திரேலியா நான்காவது முறையாக கோப்பையை வெல்லுமா? ஹாட்ரிக் சாதனை படைக்குமா? இலங்கை இரண்டாவது முறையாக கோப்பையை வெல்லுமா? 1996 ஆஸ்திரேலியாவுடன் மோதி வென்றதை போல மீள்வெற்றி கொள்ளுமா? இன்று தெரியும்.

எனக்கென்னமோ 2003 உலகக் கோப்பை ஞாபகம் வந்து தொலைக்கிறது. :)

அமீரகக் குறிப்பு: இன்றும் சிலருக்கு காதில் புகை வரும் என்பதே எனது கணிப்பு.

அரை இறுதி 2 - சொதப்புவது எப்படி?

2007-04-26T09:44:00.000+04:00

'சொதப்புவது எப்படி?'-ன்னு யாருக்காவது சந்தேகம் வந்தால் உடனே தெ.ஆப்பிரிக்கா அணியினரிடம் செல்லுங்கள். செய்முறை விளக்கத்தோடு சொல்லித் தருவார்கள்.

இந்தியாவும் தெ.ஆப்பிரிக்காவும் கிரிக்கெட் உலகின் முடிசூடா 'சொதப்பிகள்' (Chokers) என கிரிக்கெட் உலகம் நன்கறியும். இந்தியாவையாவது ஒருமுறையில் சேர்த்துக் கொள்ளலாம். இந்த தெ.ஆப்பிரிக்கர்கள் படு கேவலம். பெரிய போட்டிகள் என்றால் போட்டி தொடங்கும் முன்பே எதிரியின் காலில் விழுந்து சரணடைந்து விடுவார்கள் போல. கை கூடி வந்த வாய்ப்பை 4 பந்துகள் மீதமிருக்க 1999-ல் கோட்டை விட்டவர்கள்தானே.

நேற்றும் அப்படித்தான் இருந்தது இவர்களின் ஆட்டம். நம்ம ஆஸ்திரேலியாவின் திட்டம் சூப்பர். இந்த உலகக் கோப்பையில் இதுவரை புதிய பந்தை வீசி வந்த ஷான் டைட்டிற்கு பதிலாக 'ஃபெர்பெஃக்ட்' மெக்ராத் கையில் புதிய பந்து கொடுக்கப்பட்டது. அதுவே தெ.ஆப்பிரிக்க அணியினருக்கு தமது திட்டத்தில் மண் விழுந்தது போலிருந்திருக்கும். அவர்கள் 'ஷான் டைட்டுதான் புதிய பந்து வீசுவான். அவனுக்கு தொடக்கத்துலேயே ரெண்டு காட்டு காட்டுனா மேட்ச் நம்ம கண்ட்ரோலுக்கு வந்துடும்' என்பது போல் திட்டங்கள் இருந்திருக்கும். ஷான் டைட் இளைஞர். பதட்டம் காரணமாக சொதப்பிவிடக் கூடும் என அறிந்த ஆஸ்திரேலியா இந்த உலகக் கோப்பை தொடக்கம் முதலே 'புதிய பந்தை எனக்குத் தா' என அழுது அடம் பிடித்த மெக்ராத்திடம் ஒப்படைத்தது. அதுவே வெற்றிக்கு காரணமாகவும் அமைந்தது.

தெ. ஆப்பிரிக்க அணியினர் ஆடிய விதம் அதிர்ச்சியளிக்கக் கூடியதாக இருந்தது. விக்கெட்டுகள் விழுந்தாலும் தடுத்து ஆடுவதை விட்டு விட்டு வருபவர்கள் எல்லாம் மட்டையை வீசினார்கள். மோசமான ஷாட் செலக்க்ஷன் மூலம் அவர்கள் விக்கெட்டை வீசியெறிந்தார்கள். இன்றாவது ஒரு நல்ல போட்டியை ஆஸ்திரேலியாவிற்கெதிராக தருவார்கள் என்ற நம்பிக்கையில் டி.வி முன்னமர்ந்தவர்கள் மீது சேறடித்து சென்றார்கள்.

ஆஸ்திரேலியாவின் இந்த ஃபார்ம் இறுதிப் போட்டியிலும் தொடரும் என்பதில் ஐயமில்லை. மற்ற அணிகளுக்கும் ஆஸ்திரேலியாவிற்கும் இடையேயான இடைவெளி அதிகரித்தே வருவது சிறிது வேதனையே. இலங்கை அணியினர் குறைந்த பட்சம் போராடவாவது செய்வார்களா?

அரை இறுதி 1 - பலே ஜெயவர்தனே!

2007-04-25T09:15:00.000+04:00

ஐந்தாவது முறையாக அரை-இறுதியிலேயே தோற்று வெளியேறியது நியூசிலாந்து அணி. ஜெயவர்த்தனேயின் பொறுப்பான ஆட்டத்தால் இலங்கை அணி இரண்டாவது முறையாக இறுதி போட்டிக்கு செல்கிறது.

இதில் ஜெயவர்த்தனேயின் பொறுமையான பொறுப்பான ஆட்டத்தை பற்றி குறிப்பிட்டே ஆக வேண்டும். 'ஜெயசூர்யா அவுட்டானா இலங்கை அவ்ளோதான். பெரிய ஸ்கோர் ஒன்னும் வராது' அப்படின்னு நிறைய பேர் நினைச்சிருந்தாங்க. அந்த மாதிரி ஒரு சூழ்நிலை நேற்று. அப்படிப்பட்ட சூழ்நிலையில் தான் ஜெயவர்தனே இந்த ஆட்டத்தை [115* (109b 10x4 3x6)]வெளிப்படுத்தினார். அவரது ஆட்டத்தில் முதல் பவுண்டரி வந்தது 47 வது பந்தில் தான். அந்தளவிற்கு பொறுமையாக ஆடியவர் இறுதியில் கியர் மாற்றி ஆடி அணியின் எண்ணிக்கையை உயர்த்துவதில் கவனம் செலுத்தினார். அவரது ஆட்டமே இலங்கை வெல்வதற்கு காரணம் என்றால் மிகையாகாது.

250+ எடுத்தாலே வெற்றிகரமாக எதிரணியை மடக்க கூடிய திறமை வாய்ந்த பந்து வீச்சாளர்கள் இலங்கையில் இருப்பதால் இலங்கை வெல்லும் என்பதில் இருவித கருத்து எனக்குள் எழவில்லை. அதுபோலவே அவர்கள் பந்து வீச்சும் இருந்தது. ஒரு கட்டத்தில் 104/2 (21 ஒவர்களில்) என்ற நிலையில் நியூசிலாந்து இருந்த போது 'சைக்கிள் ஸ்டாண்டில் ஒரு சைக்கிள் விழுந்தால் அனைத்தும் வரிசையாக சரிவது' போல நியூசிலாந்து விக்கெட்டுகள் சரிந்து இலங்கை வெற்றியை உறுதி செய்தன.

நியூசிலாந்து அணியின் ஆட்டம் ஒன்றும் எதிர்பார்த்த அளவிற்கு இல்லை என்பது வருத்தமே. ஷான் பாண்ட் முதல் ஓவரை ஓரளவு கட்டுப்படுத்தி வீசியிருந்தால் அவரது அன்றைய நாளின் பந்து வீச்சு தன்மையே மாறியிருக்குமோ என்னவோ. முதல் ஓவரில் லெக்-சைடிலேயே பந்து வீசி ரன்களை வாரிக்கொடுத்தார். பின்வந்த ஓவர்கள் அவர் ரன்களை கட்டுப்படுத்தினாலும் நம்பிக்கை குறைந்தவராகவே காணப்பட்டார். ஒரு அட்டாக்கிங் இல்லை.

இந்தப் போட்டி முடிந்ததும் ஃப்ளமிங், ஒரு நாள் போட்டி அணியின் கேப்டன் பதவியிலிருந்து தான் பதவி விலகுவதாக அறிவித்துள்ளார். இந்த வெள்ளைக்கார பய புள்ளைக ரோசக்காரய்ங்க. நம்ம ஆட்களுந்தான் போனய்ங்க வந்தாய்ங்க!! ஹூம்...

இலங்கை அணி இறுதிப் போட்டியில் விளையாட தகுதி வாய்ந்த ஒரு அணியே. அதில் சந்தேகமேயில்லை. பேட்டிங், பவுலிங் மற்றும் ஃபீல்டிங் என அனைத்து துறைகளிலும் சமபலம் வாய்ந்த அணியாக உள்ளது. Well Balanced. All the best for the Final.

1992-முதல் தொடர்ந்து 5 உலகக் கோப்பை இறுதிப் போட்டிகளிலும் ஒரு துனைக்கண்ட அணி இடம் பிடிப்பது மகிழ்ச்சியாகவே உள்ளது.

யாரு ஜெயிக்கனும்?

2007-04-24T09:55:00.000+04:00

இப்போ வெறும் நான்கு அணிகள் மட்டுமே இந்த உலகக் கோப்பைக்கான போட்டியில் எஞ்சியிருக்கின்றன. இவற்றில் தற்போது வலிமையை வைத்து பார்த்தால் ஆஸ்திரேலியாதான் வெல்லும் என தெளிவாக தெரிகிறது. இருந்தாலும் என் மனதிற்குள் ஆஸ்திரெலியா மற்றும் இலங்கை வெல்லுவதை விட நியுசிலாந்தோ அல்லது தெ.ஆப்பிரிக்காவோ வென்றால் நன்றாக இருக்கும் என விருப்பம் இருக்கிறது. காரணம, ஆஸ்திரேலியா மற்றும் இலங்கை ஏற்கனவே உலகக் கோப்பையை வென்ற அணிகள்.

ஏற்கனவே இரண்டு முறை மயிரிழையில் அரை-இறுதியில் தோற்று வெளியேறியதால் தெ.ஆ வெல்ல எனக்கு கூடுதல் விருப்பம. இது போல் உங்களுக்கும் ஒரு தனிப்பட்ட விருப்பம் இருக்கும். அதை வலதுபுறம் உள்ள வாக்குப் பெட்டியில் தெரிவியுங்கள். பார்க்கலாம், எந்த அணிக்கு தமிழ் வலைப்பதிவர்கள் ஆதரவு இருக்கிறதென்று.

திருந்தவே மாட்டானுங்களா?

2007-04-21T11:53:00.000+04:00

இந்திய அணி பழிவாங்கும்(?) நிமித்தமாக வங்கதேசம் சுற்றுப்பயணம் (வழக்கம் போல ஊர் சுத்த மட்டும் தான்) மேற்கொள்ள இருக்கிறது. மூன்று ஒரு நாள் போட்டிகளும் (மே 10, 12, 15) இரண்டு டெஸ்ட் போட்டிகளும் விளையாட இருக்கிறார்கள் (மே 18-22 & 25-29). இதற்கான இந்திய அணி அறிவிக்கப்பட்டுள்ளது. சரி நானும் அணியின் நன்மையை கருத்திற்கொண்டு இந்திய அணியில் அதிரடி மாற்றங்கள் இருக்கும் என எதிர்பார்த்து ஏமாந்தது தான் மிச்சம்.

ODI squad: Gautam Gambhir, Robin Uthappa, Virender Sehwag, Rahul Dravid (capt), Yuvraj Singh, Mahendra Singh Dhoni (wk), Dinesh Karthik, Manoj Tiwary, Dinesh Mongia, Piyush Chawla, Sreesanth, Munaf Patel, Zaheer Khan, RP Singh.

முதலில் மேலுள்ள ஒருநாள் அணியை பார்க்கலாம். அதாவது சச்சினும் கங்குலியும் நீக்கப்படவில்லையாம். மாறாக 'ஓய்வு' கொடுக்கப்பட்டுள்ளதாம். அவர்களை நீக்க அல்லது நீக்கியதாக அறிவிக்க வக்கில்லாத ஒரு வாரியம் நமது வாரியம். இதில் இன்னொரு கூத்து என்னவென்றால் Cricinfo-வில் ஒரு கட்டுரையில் 'கங்குலியை நீக்குவதற்காகவே சச்சினுக்கு ஓய்வு கொடுக்கப்பட்டுள்ளது' என்று ஒருவர் எழுதியிருக்கிறார். என்னமோ கங்குலி மட்டுந்தான் உலகக் கோப்பை வெளியேற்றத்திற்கு காரணம் என்பது போல். சச்சின் என்னமோ இன்னமும் வெளுத்துக் கட்டுவாருன்னு நம்பிக்கிட்டாரு இவரு. கேடு கெட்டவனுங்க. ஒரு சார்பு நிலை தொடரும் வரை இந்திய அணி உருப்படாது. இதில் கூத்து என்னவென்றால் 'ஓய்வு' அளிக்கப்பட்டுள்ளதால் இருவரும் அணிக்கு திரும்ப வாய்ப்புள்ளதாம்-இப்படி சொன்னது நம்ம வெங்சர்க்கார். யப்பா! உங்களை திருத்தவே முடியாதுடா சாமிங்களா!

அணி அறிவிப்பை பார்த்தவுடன் எனக்கு ஏற்பட்ட முதல் அதிர்ச்சி இதிலும் கைஃப் மிஸ்ஸிங். சச்சின், கங்குலி இல்லாத அணியில் கூட 15 பேரில் ஒருவராக இடம்பெறக்கூட அருகதையற்றவரா கைஃப்? சரி அவரை ஒதுக்கியதை பற்றி யாராச்சும் கருத்து சொல்லியிருக்காங்களான்னு பார்த்தா Cricinfo-ல கூட இல்லை. அப்புறம் கூகிளில் தேடினப்போ ஹர்ஷா போக்லே மட்டும் எழுதியிருக்கார். நம்மில் சிலர் அவருக்குத்தான் அடுத்த அணித்தலைவர் பதவி என நினைத்திருக்கும் போது தேர்வாளர்கள் அவரை அணியில் கூட சேர்க்க மறுக்கின்றனர். நிச்சயமாக இதில் ஏதோ அரசியல் உள்ளது என்று அடித்து கூற முடியும். சேவாக் இன்னும் ஒட்டுகிட்டு இருக்காரு. என்னத்த சொல்ல இவனுங்க தேர்வு கொள்கையை! ஏண்டா டன் கணக்குல ரன் குவிக்குற பத்ரிநாத் எல்லாம் உங்க கண்ணுக்கு தெரியாதா?

தினேஷ் மோங்கியாவுக்கு இன்னொரு வாய்ப்பு. இந்த மாதிரி இத்தனை முறை வாய்ப்பு எனக்கு கிடைச்சிருந்தா கூட இந்நேரம் ரிக்கி பாண்டிங் மாதிரி ஆயிருப்பேன் நான். மனோஜ் திவாரி நல்ல தெரிவு ஆனால், கங்குலி இல்லாத வங்காள இடத்தை அவரை கொண்டு நிரப்பியிருப்பதாக உணர்கிறேன். Bloody Zonal System!!

நீக்கப்பட்ட மூன்று பந்து வீச்சாளர்கள்: அகார்கர், இர்ஃபான் & ஹர்பஜன். இதில் முன்னவர் நீக்கம் எப்பவோ நடந்திருக்க வேண்டியது. சரி இப்பவாச்சும் செஞ்சாய்ங்களே. அப்புறம் மே.இ தீவுகளை சுத்திப்பார்க்க மட்டும் சென்ற இர்ஃபான். இவரை நாசப்படுத்திய பெருமை முந்தய இணையான டிராவிட்/ சாப்பலையே சாரும். மற்றபடி உலகக் கோப்பையில் இவர் செய்த தவறு 0. அதாவது ஆடவேயில்லை. அப்புறம் இந்த ஹர்பஜன். இவரது நீக்கமும் சரியே. இவர் பழைய நிலைக்கு திரும்பி வந்ததுக்கப்புறம் அணிக்கு திரும்பலாம்.அதற்கு இரண்டு ஆண்டுகள் கூட ஆகலாம்.

ஆக மொத்தம் சூப்பர் கண்துடைப்பு. வங்கதேசத்திடம் சீரியஸ் தோற்றால் கூட இவனுங்க (தேர்வாளர்கள்) திருந்த மாட்டானுங்க.

சரி, இப்ப டெஸ்ட் அணியை பார்க்கலாம்.

Test squad: Wasim Jaffer, Dinesh Karthik, Rahul Dravid (capt), VVS Laxman, Sachin Tendulkar, Sourav Ganguly, Yuvraj Singh, Mahendra Singh Dhoni (wk), Anil Kumble, Sreesanth, Zaheer Khan, VRV Singh, Ramesh Powar, Rajesh Pawar, Munaf Patel.

இன்னும் எத்தனை காலத்திற்குத்தான் இந்த அரசியல்வாத பெரிசுகளை அணியில் வச்சிருப்பாய்ங்கன்னு பார்க்கலாம். ரமேஷ் போவாருக்கும், ராஜேஷ் பவாருக்கும் ஆட வாய்ப்பு கிடைக்குமான்னு தெரியல. யுவராஜுக்கே ஆடும் 11-ல் இடம் கிடைப்பது கடினம் என பேச்சு.

ஒட்டு மொத்தமாக அணியை மாற்றம் செய்யவும் முடியாது தான். அதற்காக, அணியை பிளக்கும் தீய சக்திகளை(பெரிசுகளை) இன்னும் அணியில் வைத்திருக்கவேண்டுமா? இந்திய கிரிக்கெட் வாரியத்திற்கு 'அரசியல்/பணம் அல்ல முக்கியம் கிரிக்கெட் தான் என்றால்' இவர்கள் திருந்தப் போவது எப்போ?

சூப்பர் 8 முடிஞ்சது

2007-04-18T09:26:00.000+04:00

அவன் ஜெயிச்சா இவன் உள்ளே போவான். இவன் ஜெயிச்சா அவன் வெளியே என்ற Ifs and Buts கணிப்புக்கெல்லாம் வேலையில்லாம போயிடுச்சு. அவன் (தெ.ஆ) ஜெயிச்சு அவனே (தெ.ஆ) உள்ளே போயிட்டான்.

தெ.ஆ நேற்று இங்கிலாந்தை தகர்த்தெரிந்து விட்டு அரை-இறுதியில் நுழைந்தது. ஆக, அரை-இறுதிக்கு தகுதி பெற்ற நான்காவது அணி தெ.ஆ. ஏற்கனவே ஆஸ்திரேலியா, நியூசிலாந்து, இலங்கை அணிகள் தகுதி பெற்றிருந்தது எல்லாரும் அறிந்ததே.

இலங்கை இன்று அயர்லாந்துடன் தோற்காத பட்சத்தில் அரை-இறுதி இவ்வாறு அமையும்.

முதல் அரை-இறுதி: நியூசிலாந்து Vs இலங்கை
இரண்டாம் அரை-இறுதி: ஆஸ்திரேலியா Vs தெ.ஆ

இதில் தெ.ஆ மற்றும் நியூசிலாந்து அணிகள் இதுவரை உலகக் கோப்பையை வெல்லாத அணிகளாதலால் அவர்கள் வென்றால் நன்றாக இருக்கும். ஆனால், ஆஸ்திரேலியா அதற்கெல்லாம் இரக்கப்படுவதாக இல்லை. இலங்கையும் நியூசிலாந்திற்கு பெறும் முட்டுக்கட்டையாக இருக்கும். எனவே தெ.ஆ Vs நியூசிலாந்து இறுதிப்போட்டி என்பது எந்தளவிற்கு சாத்தியமாகும் என்பதை பொறுத்திருந்து பார்ப்போம்.

இனி நடக்க இருக்கும் நான்கு சூப்பர் 8 போட்டிகளும் உப்புக்கு சப்பாணி போட்டிகளே. ஆனால், இதில் ஆஸ்திரேலியா Vs நியூசிலாந்து போட்டிக்கு சில தனிப்பட்ட காரணங்களால் எதிர்பார்க்கப்படும். பழைய பாக்கி ஒன்று இருக்கிறது. அது தீர்ந்தாத்தான் நிம்மதி.

ஆஸி - இலங்கை மோதல்

2007-04-16T12:37:00.000+04:00

இன்று ஆஸ்திரேலியா இலங்கையுடன் மோதவிருக்கிறது. இது ஒரு விறுவிறுப்பான போட்டியாக இருக்குமென பலரும் எதிர்பார்க்கின்றனர். உலகக் கோப்பை இறுதி போட்டியின் dress rehearsal என்றும் ஊடகங்கள் கூவி வருகின்றன.

இதுவரை ஆஸ்திரேலியா விளையாடிய எல்லா போட்டிகளும் ஒருதரப்பு போட்டிகளாகவே அமைந்திருந்தன. தெ.ஆ-வுடனான போட்டி பலமாக எதிர்பார்க்கப்பட்டது. ஆனால், இறுதியில் அதுவும் ஒருதரப்பாகவே முடிந்தது. ரிக்கி பாண்டிங் சொன்னது போல் இங்கிலாந்துடனான போட்டி மட்டுமே சிறிதேனும் போட்டி என்று கூறும்படி இருந்தது. அதனால், இன்றாவது போட்டி ஒரு சவலான போட்டியாக இருக்கும் என பாண்டிங் எதிர்பார்க்கிறார்.

அதற்கு காரணங்கள் இல்லாமல் இல்லை. ஆடுகளத்தன்மை இலங்கைக்கு சாதகாமாக சுழல்பந்து வீச்சுக்கு ஏற்றது. அதனால், இலங்கையின் சுழல் பந்து வீச்சாளர்கள் ஆஸ்திரேலிய பேட்ஸ் மென்களை சோதிப்பார்கள் என்று கருதுகின்றனர். ஆனால், எனக்கென்னவோ இதுவும் ஒரு Hype ஆகவே தோன்றுகிறது. இதுவும் ஒரு ஒருதரப்பு போட்டியாகவே ஆஸ்திரேலியாவுக்கு அமையும்.

இந்த உலகக் கோப்பையில் இலங்கைக்காக அதிக விக்கெட்டுகள் எடுத்துள்ள மலிங்கா (அதாங்க, மாங்கா அடிப்பாரே அவரேதான்) காயம் காரணமாக ஆடமாட்டார் என்றே கிசுகிசுக்கப்படுகிறது. ஆஸ்திரேலியாவைப் பொறுத்தவரை அவர் ஆடினாலும் ஆடாவிட்டாலும் ஒன்றுதான் என்பது எனது தனிப்பட்ட கருத்து. பனங்காட்டு நரி சலசலப்பிற்கு அஞ்சாது. :)

ஜெயசூர்யாவும் ஆஸ்திரேலியாவிற்கெதிராக தடுமாறி வந்துள்ளதாகவே புள்ளிவிபரங்கள் தெரிவிக்கின்றன. எனக்கு இது போன்ற புள்ளிவிபரங்களின் மீது நம்பிக்கை இல்லை. இந்தியாவுக்கு கூட வங்கதேசத்திற்கான புள்ளிவிபரமாக 18-ல் இந்தியாவும் 1-ல் வங்கதேசமும் வென்றுள்ளதாக கூறி அதனால் இந்தியா வெற்றி பெறும் என்றார்கள். ஆனால், நடந்தது என்னவென்று அனைவருக்கும் தெரியும். அதுபோல ஜெயசூர்யா இன்று அடித்துவிட்டால்?? ஆகையால், புள்ளிவிபரங்களால் நடந்தவற்றை மட்டும் தான் கூற முடியும். அவற்றால் வருபவற்றை கணிக்க இயலாது (அடடா! என்ன தத்துவம்!).

என்னுடைய தனிப்பட்ட கருத்தாக, ஆஸ்திரேலியா எளிதில் இந்த போட்டியையும் வெல்லும். வழக்கம்போல, இன்று ஆஸ்திரேலியா மோதுவதால் துபை வானிலையில் மாற்றங்கள் ஏற்படும்.

இது எப்படி இருக்கு?

2007-04-16T09:55:00.000+04:00

இரண்டு யானைகளை அடி சறுக்க வைத்த வங்கதேசத்திற்கு ஒரு பெரிய யானையை வீழ்த்தியிருந்த அயர்லாந்து ஆப்பு வைத்துள்ளது.

நேற்று நடைபெற்ற சூப்பர் 8 ஆட்டத்தில் அயர்லாந்து அணி வங்கதேச அணியை 74 ஓட்டங்கள் வித்தியாசத்தில் வென்றது. இதன் மூலம் வங்கதேசத்தின் அரை-இறுதி ஆசை தகர்ந்ததுள்ளது.

வங்கதேச அணி சூப்பர் 8-ல் தெ.ஆ அணியை வீழ்த்தியதால் அரை-இறுதிக்கு தகுதி பெறும் நான்காவது (ஆஸி, நியூ & இலங்கை - உறுதி செய்ப்பட்ட அந்த மூன்று அணிகள்) அணிக்கான இடத்தை திறந்து வைத்தது. அதற்கு தெ.ஆ, இங்கிலாந்து, வங்கதேசம் & மே.இ அணிகள் பலமாக போட்டியிட்டன. ஆனால் வங்கதேசத்தின் பயணத்திற்கு அயர்லாந்து முற்றுப்புள்ளி வைத்ததன் மூலம் அரை-இறுதிக்கு இடம்பெறும் நான்காவது அணிக்கான போட்டியில் இப்போது தெ.ஆ-வும் இங்கிலாந்தும் & மே.இவும் மட்டுமே மிஞ்சியுள்ளன.(பதிவு முதல் பின்னூட்டத்திற்கு பிறகு திருத்தப்பட்டுள்ளது).

அதாவது, இங்கிலாந்திற்கு இரண்டு போட்டிகளும் தெ.ஆ-விற்கு ஒரு போட்டியும் மிஞ்சியுள்ளன.இங்கிலாந்து 4 புள்ளிகளுடனும் தே.ஆ 6 புள்ளிகளுடனும் உள்ளன. இதில் இங்கிலாந்து - தெ.ஆ போட்டியில் தெ.ஆ வென்றால் தெ.ஆ 8 புள்ளிகள் பெறும். அதனால் எளிதாக தெ.ஆ அரை-இறுதியில் நுழைந்து விடும். இங்கிலாந்து வெற்றி பெறும் பட்சத்தில் இங்கிலாந்தும் 6 புள்ளிகள் பெற்று தெ.ஆ அணியுடன் சமநிலை பெற்றுவிடும். ஆனால், இங்கிலாந்திற்கு மே.இ-வுடன் போட்டி ஒன்று மீதமுள்ளது. அதனால், இங்கிலாந்து அதை வென்றால் 8 புள்ளிகள் பெற்று அரை-இறுதிக்கு நுழையும். இங்கிலாந்து ஒருவேளை தெ.ஆ அணியுடனான போட்டியில் தோற்று மே.இ அணியை வென்றால் ரன் ரேட் அடிப்படையில் அரை-இறுதிக்கு செல்லும் அணி தேர்ந்தெடுக்கப்படும். மே.இ-அணியுடனான இங்கிலாந்து போட்டிதான் சூப்பர் 8-ல் இறுதி போட்டி என்பதால் இங்கிலாந்து அணிக்கு தெளிவான வாய்ப்புள்ளது (தெ.ஆ-வுடனான போட்டியை வென்றிருந்தால்).

(நான் குறிப்பிட மறந்த மற்றொரு நிலை முதல் பின்னூட்டத்தில் அனானி குறிப்பிட்டுள்ளார். அதை படிக்கவும். நன்றி அனானி.)

ஆஸ்திரேலியாவிற்கு சவால் விடப்போகும் அணியாக ஜம்பம் விடப்பட்ட தெ.ஆ-வின் இன்றைய நிலை அரை-இறுதிக்கு நுழைவதற்கே தள்ளாடிக்கொண்டிருக்கிறது.