கவாஸ்கர் Vs பாண்டிங் - பாகம் 2

கவாஸ்கர்- பாண்டிங் இடையேயான சொற்போர் ஒரு முடிவுக்கு வந்தபாடில்லை. தொடர்கிறது. ஆஸ்திரேலிய வீரர்கள் மைதானத்தில் அடிக்கும் லூட்டி குறித்து கவாஸ்கர் சிறிது நாட்களுக்கு முன் கருத்து கூறியிருந்தார். அதற்கு பாண்டிங்கும் தன் பங்கிற்கு கவாஸ்கரையும் இந்திய அணியையும் திட்டி தீர்த்தார். அது இன்னும் ஓய்ந்தபாடில்லை. கவாஸ்கர் மீண்டும் பாண்டிங்கிற்கு பதிலடி கொடுத்துள்ளார்.

இதற்கு பதிலடிகொடுக்கும் விதமாக பேசிய கவாஸ்கர்:

நான் 1981-ம் ஆண்டு மைதானத்திலிருந்து வெளியேற காரணம் ஆஸ்திரேலிய வீரர்கள் தான். அவர்கள் என்னை வசைமொழிந்ததால்தான் நான் வெளியேற நேரிட்டது.

இதுபோல அவர்கள் தொடர்ந்து வசைமொழிகளை மற்ற அணி வீரர்கள் மீது பயன்படுத்தினால் ஒருநாள் இல்லை ஒருநாள் யாராவது ஒருவர் ஆஸ்திரேலிய வீரரை மைதானத்திலேயே தாக்கும் நிலை ஏற்படும். மதுபான விடுதிகளில் ஆஸ்திரேலியர்கள் இதுபோல வசைமொழிந்துவிட்டு பாதுகாப்பாக வெளியேறிவிட முடியுமா? இதற்கு எடுத்துக்காட்டாக மதுபான கடையில் தாக்கப்பட்டு உயிரிழந்த வீரர் டேவிட் ஹூக்ஸ்-ஐ கூறலாம்.

என்று காட்டமாக பதிலளித்துள்ளார். இருவரின் பனிப்போர் நன்றாக சூடுபிடித்துள்ளது. தற்போதய ஸ்கோர் கவாஸ்கர் 2 பாண்டிங் 1.

வேடிக்கை பார்த்துவரும் நமக்கெல்லாம் கொண்டாட்டம்தானே?

கவாஸ்கர் Vs பாண்டிங்

ஆஸ்திரேலிய அணி வீரர்களின் நடத்தை குறித்து கவாஸ்கர் தெரிவித்த கருத்திற்கு ஆஸ்திரேலிய அணித்தலைவர் பாண்டிங் கடுமையாக கண்டனம் தெரிவித்துள்ளார்.

இரண்டு நாட்களுக்கு முன் சுனில் கவாஸ்கர் ஒரு நாளேட்டிற்கு அளித்த பேட்டியில்:

கடந்த 10 ஆண்டுகளில் ஆஸ்திரேலிய அணியின் பேட்டிங், பந்துவீச்சு மற்றும் களத்தடுப்பு ஆகியவை மிகவும் அதிசயிக்கத்தக்க வகையில் உள்ளது. இதுதான் அவர்கள் கிரிக்கெட் உலகில் கொடிகட்டி பறப்பதற்கு காரணமாக உள்ளது. ஆனால், அதே வேளையில் அவர்கள் களத்தில் நடந்து கொள்ளும் விதம் ரசிகர்களிடையே வெறுப்பை தோற்றுவிக்கும் விதமாக உள்ளது. இந்த நடத்தை விசயத்தில் ஐ.சி.சி யும் ஒருசார்பு நிலையை கடைபிடித்து வருவது வருத்தமளிக்கத்தக்கது.

என்று அந்த பேட்டியில் போரை தொடங்கி வைத்தார்.

அதற்கு 'தி ஆஸ்திரேலியன்' நாளேட்டிற்கு பதிலளிக்கும் விதமாக பாண்டிங் பேட்டியளித்தது தான் பனி-போரின் உச்சகட்டம்.

கவாஸ்கர் தனது காலத்தில் கிரிக்கெட்டை எவ்வாறு விளையாடினார் என்பது பற்றி எல்லாருக்கும் தெரியும். அது நமக்கு தெரியாதா என்ன?

1980-81-ம் ஆண்டு இந்தியா ஆஸ்திரேலியாவில் சுற்றுப்பயணம் செய்து ஆடியபோது, மெல்பர்னில் நடைபெற்ற ஒரு டெஸ்ட் போட்டியில் டென்னிஸ் லில்லியின் பந்தில் எல்.பி.டபிள்யூ ஆனதாக நடுவர் தெரிவித்தார். ஆனால், அது முறையற்றது என்று கவாஸ்கர் வாதாடியதோடு தன்னுடன் பேட்டிங் செய்த சவுகானையும் வெளியே அழைத்துச் சென்றார். இவ்வாறு நடந்து கொண்ட கவாஸ்கர் எங்களை விமர்சிக்க தகுதியற்றவர்.

கடந்த 12 டெஸ்ட் போட்டிகளில் இந்தியா வெறும் 3 போட்டிகளில் மட்டுமே வென்றுள்ளது. இந்த காலகட்டங்களில் கவாஸ்கர் இந்திய
அணியில் முக்கிய அங்கம் வகித்தவர். எனவே இந்த தோல்விகளில் அவருக்கும் பொறுப்புள்ளது. எனவே, இந்திய அணியினரின் ஆட்டம் பற்றி மட்டும் கவாஸ்கர் கவலைப்பட்டாலே போதும். நாங்கள் விளையாடிய 10 டெஸ்டிலும் வென்றுள்ளோம். எனவே, எங்களை
பற்றிய கவனம் அவருக்கு தேவையற்றது.

ஆக, உலகக் கோப்பை துவங்கிய கையோடு இருவருக்கும் இடையே பனிப்போரும் துவங்கியுள்ளது. இது இருவருக்கிடைப்பட்டதாயினும் இரு நாடுகளையும் வம்புக்கு இழுத்துள்ளனர் இருவரும்.

பாண்டிங் கூறுவது போல் கவாஸ்கர் இந்திய அணியின் வெற்றிக்கு பாடுபடட்டும் முதலில். எல்லாரும் இணைந்து நல்ல வலிமைமிக்க இந்திய அணியை உருவாக்கி எல்லாரையும் டெஸ்ட் போட்டிகளில் வீழ்த்திக் காட்டுங்கள். பின்பு கவாஸ்கர் இது போன்று நாக்கு மேல் பல் போட்டு பேசலாம். அதுவரை கவாஸ்கர் முதலில் தமது ................................