இனி கிராமங்களுக்கும் நேரடி கிரிக்கெட்

கிரிக்கெட் உட்பட முக்கிய விளையாட்டுகளை நேரடியாக ஒளிபரப்பு செய்யும் போது டி.டி யுடன் பகிர்ந்து கொள்ள வேண்டும் என்ற அவசர சட்டத்திற்கு குடியரசுத் தலைவர் ஒப்புதல் அளித்துள்ளார். இந்த சட்டப்படி, உலகம் முழுதும் நடக்கும் அனைத்து விளையாட்டுப் போட்டிகளின் ஒளிபரப்பு உரிமை பெற்ற நிறுவனங்கள், அவற்றை டி.டி யுடன் கட்டாயமாக பகிர்ந்து ஒளிபரப்ப வேண்டும்.

இதன் மூலம் நாடு முழுதும் உள்ள மக்கள் விளையாட்டுப் போட்டிகளை கண்டு களிக்கலாம். கிராமங்கள் வரை கிடைக்கும் டி.டி யில் இது கிடைப்பதால் நல்ல விசயமாகவே படுகிறது. எதற்கெடுத்தாலும் காசு என்னும் வழியில் செல்லும் தனியார் சேனல்களுக்கு இது ஒரு அடியாகவே கருதுகிறேன்.