லாரா ஓய்வு பெருகிறார்

உலகக் கோப்பைக்குப் பின் லாரா ஒருநாள் போட்டிகளிலிருந்து ஓய்வு பெற முடிவெடுத்துள்ளார்.

நடந்து வரும் உலகக் கோப்பையில் மே.இ தீவு அணி தோல்விக்கு மேல் தோல்விகளை சந்தித்து வருகிறது. இருந்தாலும் அரை-இறுதிக்கு தகுதி பெறாது என்று உறுதியாக கூற இயலாத நிலை. ஆனால், அதற்குள் மே.இ தீவு அணிக்கு பலமான நெருக்கடி தொடங்கி விட்டது. லாரா பதவி விலக வேண்டும் என எதிர்ப்பு கிளம்பியுள்ளது.

லாராவுக்கும் அணித்தேர்வாளர்களுக்கும் பிரச்சனைகள் இருந்து வருகின்றன. இருந்தாலும், தனக்கு வயதாகி விட்டதால் ஒருநாள் போட்டிகளிலிருந்து இந்த உலகக் கோப்பைக்கு பின் ஓய்வு பெற போவதாக திட்டமிட்டுள்ளார். இவர் ஆடும் ஐந்தாவது உலகக் கோப்பையாகும். இதுவரை 297 ஒருநாள் போட்டிகளில் விளையாடியுள்ளார். இந்த உலகக் கொப்பையில் சூப்பர் 8-ல் மே.இ அணிக்கு இன்னும் இரண்டு போட்டிகளே உள்ளன. மே.இ அணி அரை-இறுதிக்கு தகுதி பெறவில்லையெனில்லை லாராவின் ஒருநாள் போட்டிகள் வாழ்க்கை 299-ல் முடிய வேண்டியிருக்கும்.

நமது மூத்த வீரர்கள் கவனிக்கவும். :)