Sunday, April 8, 2007

அரை-இறுதிக்கு வங்கதேசம்?

மீண்டும் அது நடந்துள்ளது. ஆமாம், வங்கதேசம் இந்த உலகக் கோப்பையில் மூன்றாவது முறையாக ஒரு பெரிய அணியை வீழ்த்தியுள்ளது. முதலில் பயிற்சி போட்டியில் நியூசிலாந்தை தோற்கடித்து எல்லாரையும் அதிர்ச்சியுறச் செய்தது. அப்போது கிரிக்கெட் வல்லுனர்கள் பயிற்சி போட்டிதானே என்ற மெத்தனத்தில் நியூசிலாந்து ஆடியதால் வங்கதேசம் வென்றிருக்கலாம் என்றனர்.

சரி, அது போகட்டும். அதற்குப் பின் நடந்ததுதான் உலகமகா ஆப்பு. ஒரு பில்லியன் நீலக் கனவு தகர்ந்தது. நேற்று வரை அதற்கு விடைகாணப்படவில்லை. அப்போது கூட இந்தியாவின் மோசமான அனுகுமுறையால் தான் வங்கதேசம் வென்றது என்று நினைத்திருந்தேன். அதை உறுதிப்படுத்துவது போலவே வங்கதேசத்தின் முதலிரண்டு போட்டிகள் சூப்பர் 8-ல். இந்த அணியிடமா தோற்று வெளியேறினோம் என புலம்பித்திரிந்தேன்.

ஆனால், இந்த வங்கப்புலிகள் அதையும் பொய்யாக்கி விட்டனர் நேற்று. இந்த முறை அவர்கள் உலகின் நம்பர் 1 அணிக்கு ஆப்பு வைத்தனர். அதுவும் 67 ஓட்டங்களில் மிகப்பெறும் வெற்றி. ஒருவேளை இந்தியாவைப் போல் தெ.ஆ அணியும் Chokers என்பார்களே அது தான் காரணமா? இல்லை வங்கதேசம் உண்மையில் நன்றாக ஆடியுள்ளதா? எனக்கென்னவோ வங்கதேசம் வெற்றிகளை மெல்ல சுவைக்கத் தொடங்கியுள்ளது போல் தான் தெரிகிறது. வங்கதேசம் இலங்கை அணி 95-96-ல் பெற்ற ஒரு வளர்ச்சியை பெறத் துவங்கியுள்ளது. ஒரு நல்ல வழிகாட்டியும், ஒற்றுமையுடன் போராடும் குணமும் இவ்வணிக்கு தொடருமாயின் துனைக்கண்டத்தில் இன்னொரு வலிமையான உருவாகும் அணி வெகு தொலைவில் இல்லை. பணம் புரண்டதால் தடம் புரண்டுள்ள பெரியண்ணன்கள் (இந்தியா & பாக்) கிரிக்கெட்டில் காணாமல் போனாலும் தம்பிகள் (இலங்கை & வ.தேசம்) கிரிக்கெட்டில் ஜொலிக்கட்டும். நம்பிக்கை இருக்கிறது.

ஏன் வெகு தொலைவிற்கு போக வேண்டும். இந்த உலகக் கோப்பையிலேயே வங்கதேசம் அரை-இறுதிக்கு தகுதி பெற நல்ல வாய்ப்புள்ளது. இன்னும் அவர்களுக்கு அயர்லாந்து, இங்கிலாந்து மற்று மே.இ அணிகளுடனான மூன்று போட்டிகள் மீதமுள்ளன. அதில் அயர்லாந்துடன் வெற்றி ஏறக்குறைய உறுதி. இங்கிலாந்து மற்றும் மே.இ அணிகளுடனான போட்டிகளில் ஏதேனும் ஒன்றை வென்றால் கூட அரை-இறுதிக்கான கதவு திறக்க வாய்ப்புள்ளது. இதில், இங்கிலாந்து & மே.இ ஆடி வரும் மோசமான கிரிக்கெட்டை கணக்கில் கொண்டால் அது சாத்தியமே என்று தெரிகிறது. பொறுத்திருந்து பார்ப்போம்.

வாழ்த்துக்கள் வங்கதேசம்!

4 comments:

மாறன் said...

--பணம் புரண்டதால் தடம் புரண்டுள்ள பெரியண்ணன்கள்--

மிக‌ச் ச‌ரி.

வ‌ங்க‌தேச‌த்தை வாழ்த்துவோம்...

~ மாற‌ன்

Fast Bowler said...

வந்து வங்கத்தை வாழ்த்தியமைக்கு நன்றி மாறன்.

அவந்திகா said...

All the best Bangladesh

Anonymous said...

100 l 1