கிரேக் சாப்பல் முன் ஜாமின்

இந்திய கிரிக்கெட்டில் பழிசுமத்தும் படலம் நன்றாக துவங்கி வைக்கப்பட்டுள்ளது. யாரால்? வேறு யார் நம்ம பயிற்சியாளர் மூலம் தான். நேற்று இரவு அனேக செய்தி சேனல்களில் ப்ரேக்கிங் நியூஸ் என்று அவர் ஒர் பத்திரிக்கை நண்பருக்கு அனுப்பியதாக சில குறுஞ்செய்திகளை (SMS) காண்பித்தார்கள். மனிதன் ஏற்கனவே குழம்பி இருக்கும் குட்டையை Dozer-ஐ விட்டு குழப்புகிறார். அவரது சில குறுஞ்செய்திகள்:

# உலகக் கோப்பைக்கு தேர்வு செய்திருந்த அணியில் எனக்கு முழு திருப்தியில்லை. இளம்வீரர்களை கேட்ட என்னுடைய வேண்டுகோளை கேப்டனும், வெங்க்சர்க்காரும் நிராகரித்தனர்.

# வெங்சர்க்கார் சர்ச்சைக்களுக்கு பயந்து மூத்த வீரர்களையே தேர்வு செய்தார்.

# மூத்த வீரர்கள் தன்னலமாகவே ஆடினர்

# சுரேஷ் ராய்னா அணியில் இடம்பெறுவதை மூத்தவீரர்கள் விரும்பவில்லை.

# யுவராஜ்சிங் தன்னை பெரிய ஸ்டாராக நினைத்துக்கொண்டிருக்கிறார். ஆனால், உண்மை அதுவல்ல. அவர் வளர்ந்து வரும் ஸ்டார் மட்டுமே.

இவைகள் தான் சாப்பல் வீசியிருக்கும் பவுன்ஸர்கள். எல்லாம் சரி, ஒரு பொறுப்பான பதவியிலிருக்கும் ஒருவர் நாடு திரும்பும் முன் அவசரப்பட்டு பழியை அடுத்தவர்கள் மேல் போடுவதேன்? அனைத்து குறுஞ்செய்திகளையும் பார்த்தால், இந்தியர்கள் தமக்குள் அடித்துக்கொள்ளட்டும் என்று நன்றாக திட்டமிட்ட பழிகள். அனைத்து தரப்பினரையும் வளைத்து போட்டிருக்கிறார். இந்திய தோல்விக்கு பலரின் பங்கு இருந்தாலும் பொறுப்பற்ற தனமான பழிச்சாடல்கள் நல்லதல்ல. சாப்பல் தன்மீது விழப்போகும் பழிக்கு முன் ஜாமின் எடுத்தது போலிருக்கிறது. சாப்பல் இந்திய அணியின் ஒற்றுமையை மீண்டும் அதளபாதாளத்திற்கு தள்ளியிருக்கிறார். வெல்டன் கோச்!!