Manjoorul Islam விபத்தில் உயிரிழப்பு

பங்களாதேஷ் தனது உலகக் கோப்பை வேட்டையை துவங்க இருக்கும் நாளில் ஒரு சோகமான செய்தி அவர்களுக்கு. நமக்கும் தான். :(

அதாவது, பங்களாதேஷ் அணிக்காக 2003 முதல் 2006 வரை ஆடிய வீரர் Manjoorul Islam சாலை விபத்தில் நேற்று மாலை காலமாகினார். :( அவருக்கு வயது 22 மட்டுமே. மிக இளவயதில் இறந்த ஒரு டெஸ்ட் வீரர் இவரென்பது தகவல்.

நேற்று ஃபதுல்லா இடத்தில் என்ற நடந்த உள்ளூர் போட்டி ஒன்றில் ஆடிவிட்டு நண்பருடன் மோட்டார் பைக்கில் சென்ற போது நிலை தடுமாறி எதிரே வந்த பேருந்தில் மோது அந்த இடத்திலேயே இறந்துவிட்டார். உடன் சென்ற நண்பரும் அவருடன் கிரிக்கெட் விளையாடும் வீரருமான சஜ்ஜாதுல் என்பவர் மருத்துவமனைக்கு எடுத்துச்செல்லும் வழியில் உயிரிழந்தார். அந்த போட்டியில் மஞ்சூருல் இஸ்லாம் நான்கு விக்கெட்டுகளையும் வீழ்த்தி இருந்திருக்கிறார்.

இடக்கை ஸ்பின்னரான இவர், தனது முதல் ஒருநாள் போட்டியில் முதல் ஓவரிலியே இங்கிலாந்து கேப்டன் மைக்கேல் வாகனை வீழ்த்தியிருக்கிறார். அது இன்றுவரை ஒரு பங்களாதேஷி சாதனையாகும்.

இவரின் இறப்புச்செய்தி தற்போதய பங்களாதேஷ் வீரர்களை மனம்கலங்கச் செய்திருக்கும். ஒன்றாக கிரிக்கெட் ஆடியவர்கள். இருக்காதா பின்னே? செய்தியை படிக்கும் நமக்கே அவர் ஒரு கிரிக்கெட் வீரர் என்பதனால் துக்கம் நெஞ்சடைக்கும் போது அவர் அணியினருக்கு இருக்காதா. அவர் குடும்பத்திற்கும் நண்பர்களுக்கும் ஆழ்ந்த இரங்கல்கள்.